Mateo 4:10 - El Nuevo Testamento en matsés

¹⁰ Esusën: Padi. Baded cuenta, Satanas. Nuquin Papan Chiaidquio chuiquin naden dada uampid iquec: Min Icbo Nuquin Papauidtsëqui bëdambuen tantiaquin aidën chiacpadombuenuidi nabanta, quequin dada uampid iqueque. Cuenta, capanëdash Esusën.

Mateo 4:10 Iomraidhean Croise

Mateo 16:23

Aden chiac bidiadquin Esusën: Mayan Icsa Satanasën oncamiac Petedo nec, queshun Petedo isquin naden chushcapondash: Cuenta, Satanas. Nuquin Papan tantiacpadpenquiocnoc Ambi Chiaid ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden tantiaquid mibi nec, capondash Esusën Petedo chuiquin.

Madcos 1:13

Ambobi 39tedec ushpanëdash. Ambo icshobi Nuquin Papa chieshënquid Mayan Icsa Satanasën: Nuquin Papan Chiaid niacmequin tannu, quianec choshon tanuidpanëdash. Ambobi bëdibiecquid nëish aben icquid chedobëd icpanëdash. Ambo Esus icshobi Nuquin Papabëd icquido chochoshon nashumbededpanëdash.

Ducas 10:18

Adoaquien Esusën: Umbi nadatiambocquin namiac mibitedishun podobitsi icsa dadpen dapuduenmebedednubi Mayan Icsa Satanas abucuësh abu bedquetanacbimbuec badedquio paëdsho isombi.

Ducas 11:18

Adembidi Bedsebu cashumbic Satanas Mayan Icsa caid podobitsi icsabon chuiquid tapa nec. ¿Adquid icquimbida ambi namiaido aton iuabo dapuduedmeshun aton iua ubi icshoda aido dapuduenmequid ubi icmepatsiash? Padenquio. Ambi dapuduedmiaido dapuduenmetiapimbo ictsiash. Mimbi: Bedsebun namiaid icquimbien podobitsi icsa dapuduenmechitec, ubi casho tantiashun aden mibi chiec nebi.

Ducas 13:16

¿Aden chonoadtemaid uëshën mimbi min iua acte acmenun chicacbimbuen nëid uëshëmbidi chido min matses Abadauanën tsiuecquidbidi dadpen seta 18ted matanmequin Mayan Icsa Satanasën iuaid icsho mënchiquenquiodambi icpe? quepanëdash Esus: Nëid uëshëmbi bëdamenuec chochoenda, quequid tantiamequin chiec.

Ducas 22:3

Adnubien Esusbëd icquid abentsëc Udas Iscadiote cuëmëdquid dapuduedshun Mayan Icsa Satanasën tantiamiac

Ducas 22:31

Aden chuishumbic Esusën nadentsen chuipanëdash: Tantia. Mibi chuinu, Simon. Mibitedi Mayan Icsa Satanasën iuatiadquio iquec. Aden: Iuanu, quequin tidico caid tsucucaquin nainshun putu secacbimbuen ubëd icbuedi mibitedi cuëshëdmetiadquio iquec.

Ducas 4:8

Adoaquien Esusën: Nuquin Papan chuiquin naden dada uamiampid iquec: Nuquin Papauidtsëqui tantiaquin ismequin dannëshën sebudshun aidën chiacpadombuenuidi nabanta, quequin chiampid iquec, quepanëdash Mayan Icsa Satanas chiec.

Uanën dada uaid 13:27

Aden meniac bednubi ambi tantiaidquio namenuec Mayan Icsa Satanas Udas dapuduedquiopanëdash. Adshobien Esusën: Mimbi tantiacpadombuen badedquio nëbimbobi naic nid, Udas, capondash.

Hechos 26:18

Aden chuibanac utsin utsinquien pashuacbimbuec icbuedombi tantiendac. Icsambuen naquid nebi, quequin tantienquio icbuedëmbi: Icsambuen naquid nebique. Ubi icsaid tantienquio yec bëshunta, Papa, quendac adquid. Mayan icsa Satanasën iua icbuedi Nuquin Papan bacuëbo yanendac. Adquid yansho ambi icsambuen naid ënmiac Nuquin Papan bëdambo icmiaid ubi tantiaquid utsibobëd iquendac, quequin Esusën chuipondashi.

Hechos 5:3

Adnubien Petedon Nuquin Papan Mayan Bëdan tantiamiac naden Ananias chuipanëdash: Mayan Icsa Satanasën tantiamiaid icquin ¿Mitsipaden tantiaquin Nuquin Papan Mayan Bëdan isnubi muaquin abitedi meniacbimbuen ubi musuc menequin nai?

Codinto 1 5:5

aid dada icsambuen naquid nidme. Ma adoacsho ambi tantiacpadombuen Mayan Icsa Satanasën aton dada mëyanac icsambuen nate bunenquio yanacsho Nuquin Icbo chouashun abi yacno ma aton mayan iuedpanuna.

Codinto 1 7:5

Adquid icnuc min bënën: Chudnu, cac: Padi, cainda. Adembidi min chidon: Ubi chud, cac: Padi, cainda. Adbuedi: Nëidtedec ushquimbien Nuquin Papa chuitiad, queshun nainquio yec tabadta. Aidtedec ushquin padenquiocshon iuen mëmuntiapimbocsho issun Mayan Icsa Satanasën icsambuen namenushe, quiash min chidobëd padpidec icuata.

Codinto 2 11:14

¿Aidouidtsëquida muaquid nepec? Aido tantiamequid Mayan Icsa Satanas nec. Aidi Nuquin Papabëd icquidquio bëchamauanquiec isadacbimbuecquid nec.

Codinto 2 12:7

Nuquin Papan abi yacno indoshon dadpenquio ismiondac bëdamboshëcquid nebi, quequin chuinushe, queshun Mayan Icsa Satanasën chomiaidën natiamedednepondashi. Aden natiamiac pinchuquën siadaid nami ëquëduc nidash chiquidtiapimbo yacbimbuec cun dada paëmbo yannec. Bëdanenquio iquec.

Codinto 2 2:11

Aden nainquiocsho issun nuqui chieshënquid Mayan Icsa Satanasën nuquitedi icsa uabudnushe, queshun ambi icsambuen naid ëmbued bëdambuen isquin puduedmeta.

Santiaco 4:7

Aden chiampid icnuc Nuquin Papan chiacpadombuen nata. Mayan Icsa Satanasën tantiamiacpadombuen nainda. Mimbi aden nainquiocsho isash aidi cuenendac.

Petedo 1 5:9

Icsamenda. Chieshtomenda. Icsamenushe, queshun Nuquin Papa tantiaquin aidën chiaid niaquenquio yec bëdambuec tabadta. Ubi chieshënquin natiamiacpadombuembidi Esus tantiaquid utsibo nidaid utsi utsiec yacno tabadquido natiamec, quequin tantiec chieshtoenda.