Mateo 3:7 - El Nuevo Testamento en matsés

⁷ Adnubien padiseobobëd saduseobo Uanën acten mentosho isec chochopanëdash. Aido chochosho issun Uanën: Nisibimbuecquido yec mibitedi icsambocquido nec. Adquid icsho ¿tsuntsin: Nuquin Papan natiamequin cuidte anuenaneque. Tantiatan, quequin chiac chocho?

Mateo 3:7 Iomraidhean Croise

Mateo 12:24

Aden chuisho tantiash padiseobo: ¿Aidta nedic? Ma aidpenquio neoc. Podobitsi icsan icbo Bedsebu caidën namiaid icquimbien Esusën podobitsi icsa dapuduenmequin naic, quequin Esus icsambuen chuishumpanëdash.

Mateo 12:34

Ma mibitedi nisibimbuecquido neyoc. Adquido icquin ¿Mitsipaden bëdambuen tantiaquin mimbi chuibampe? Ma mimbi icsambuen tantiaquin utsibo icsambuen chuishumboc.

Mateo 15:12

Adsho tantiashun abëd icquidobëtan naden chuipondambi: Mimbi aden chuibued tantiashun padiseobon mibi nëishënosh, Icbo. ¿Ada tantie? caquien:

Mateo 16:1

Adnubien padiseobobëtan saduseobon: Esus icsambuen namenuna, quiash Esus yacno choshon naden chuipondash: Nuquin Papan Chomiaid nebi, quequin Aidën namiac nadatiambo icquin nabanquin ubi isme, cabededpondash.

Mateo 16:6

Adshobien Esusën abëd icquido chuiquin: Padiseobobëd saduseobo pan bidiscametebimbuecquido neque. Tantechoquiota, capondash.

Mateo 22:15

Adsho tantianec nidash padiseobo: Esus icsambuen chuimenuna. Icsambuen chuisho bedshun: Icsambocquid nec, cabedednuna, quepanëdash.

Mateo 22:23

Adnubien aid uëshëmbi saduseobo: Matses uënësaid uincuentiapimbocquid nec, quequidotsen Esus isec choshon naden chuituidpondash:

Mateo 22:34

Aden uënësaid uincuenmete chuisho tantiashumbien Saduseobon padpiden: En chui, cainquio icpondash. Adsho isashien Esus chieshënquid utsibo padiseobo

Mateo 23:33

Adashic abi padiseobo chiec: Nisibimbuecquido yec icsa uanquido mibitedi nec. Adquido icsho Nuquin Papan chian annëdënquiacno nësecaquin mibitedi cuentiapimbo icnuc cuidendac.

Mateo 5:20

Moisesën chiampid tantiamequidobëd padiseobo Nuquin Papan namiacno puduedtequidoen mimbi dampec. Aido abi bëdambocquid danmianashic ompodshon icsambuen naquido nec. Adash Nuquin Papan namiacno puduedtiapimbo iquendac. Adecbidi Nuquin Papan Chiaid niac niaquec tabadash Nuquin Papan namiacno mibitedi puduedtiapimbo iquendac, quequin Esusën chuibampanëdash.

Madcos 12:13

Adec nidshun padiseobobëd icquidobëta Edodesbëd icquido istuidshun: Nëidon icsambuen chuimetsiash, queshun Esus yacno nidmepanëdash.

Madcos 12:18

Adnubien saduseobotsen Esus yacno chochopanëdash. Aido: Uënësaid uincuentiapimbo iquec, quequin tantiaquido yec chochoshon naden chuipanëdash:

Madcos 8:15

Aden potequimbi Esusën naden chuipanëdash: Padiseobobëd icquidonabëd Edodes Antipasbëd icquidona pan bidiscametebimbuecquid iqueque. Tantechoquiota, quequin chuipanëdash Esusën.

Ducas 16:14

Aden chuibansho tantiash aton piucquid ambi tantiaidquio icnuc Esus icsambuen chuishunquin mamënshunec padiseobo tabadcuededpanëdash.

Ducas 18:11

Adquid icnuc nidtoshon padiseobon ambi tantiacpaden naden Nuquin Papa chuiposh: Bëdambocquid nebi, Papa. Ampequido utsibo icnuc icsambuen nabanquido utsibo icnubi aton chidopenquio chudquid utsibo nec. Aden naisambo nebi. Adecbidi cun matsesën piucquid bedshunquidpadquidpenquio nebi, Papa.

Ducas 7:30

Aden aidon mentomenubi Nuquin Papan namiaid icte bunenquio icquin padiseobobëtan Moisesën chiampid tantiamequidon Uan acten mentomenquio icpanëdash.

Uanën dada uaid 1:24

Adshobien padiseobon chomiaido icquin Uan naden chuipondash:

Uanën dada uaid 8:44

Min papabimbuecquid Mayan Icsa Satanas nec. Aid bunacpadenuidi nate bunquid yec aidën mado mibitedi nec. Ëndenquimboshë Nuquin Papan tauambuen matses uambi Mayan Icsa Satanas cuessunnianquidquio yampampic. Adquid iquec Nuquin Papan chiacpadombuen namenquio yec chieshëmënec cumapenec muaquidquio nec. Aton padibi icquid yec bëdambuen chuimenquio icquin matses muamequidquio nec.

Uanën dada uaid 9:40

Adsho tantiash ambo tabadquid padiseobo utsi utsiec: ¿Bëshuacbimbuen Nuquin Papa tantiesabodabi ne? quepondash.

Hechos 15:5

Aden chiac utsi utsiec Esus tantiaquid padiseobo: Nuquin Papan: Naden nata, quequin chiampid tantiaquin isadaidpembotsen shui dëbid dëtemetiadquidi nec. Adashic: Nuquin Papan: Naden nata, quequin Moises dada uamiampidtedi nabanmetiadquidi neuaic, quequin chuipanëdash.

Hechos 20:31

Adquid Esus tantiec iccuededquido cuëshëdmequid neque. Adquid tantienda. Adquid yanendac, quequin seta 3ted matanmec mibëd tabadquin ënenquio icquin shubiquimbi mibitedi chuibanondambi.

Hechos 26:5

Padiseobo icquin padiseobon: Naden nata, quequin chiaidtedi niaquesambo nebi. Padiseobon: Pabado adquid nec, quequin chuitiadquidi nec.

Hechos 5:17

Adnubien isadaidbo nëish iua cuessunneshun pichicaquidon chuiquid tapambobëd saduseobobëd icquido otacquio tabadbuedi matses dadpen Esus chuibennequido yacno chochosho isash: Ubi yacno adec chochoenquio iccosh, quiash nëishcuededpanëdash.

Doma 1:18

Abi tantiesabo yec chieshëmënec tabadquid abucshun isquin cuidquid Nuquin Papa nec, quequin nuqui tantiec. Adec abi tantiesa yec icsambuen naic tabadquin Ambi Chiaid tantiatiapimbocquin utsibotsen tantiametiapimbo icsho nëishshun Nuquin Papan cuidendac.

Doma 5:9

Nëbi abided cuidadaidquio Esuquidistu tantiasho Nuquin Papan nuquitedi ambi chiacpadombuen namequin icsaisabimbuecnuc isendac. Aden bëdambo icmeshun abi yacno tabadtequid icmeshun Nuquin Papan abitedi cuidte uëshën nuquitedi cuidtiapimbo iquendac.

Tesadonica 1 1:10

Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.

Ebedeo 11:7

Adembidi abi tantiaquidquio icsho Nuquin Papan Noe naden chuipampic: Mimbi isacmaidquio naimbique. Cano dapa nacnenta, capampic. Adoac: Adquid isambo iquembi. Nibëdtsiash, quenquio icquin: Nuquin Papan chiacpadombuen aton shubun icquido: Acte nëuebudnushe, queshun buannuen cano dapa nacnempampic. Adembidi Abi tantiaquin: Cun matses Ambi Chiaid tantiesa icsho Nuquin Papan: Cuidac uënëstequid iquec, quequin Noen tantiapampic. Aden tantiaquidquio icsho Nuquin Papan bëdambuen isquin nashunaidquio Noe icpampic.

Ebedeo 6:18

Adec Nuquin Papa muatiapimbocquid icquin: Umbi chiacpadombuen naimbi, quequin chiaid utsi uatiapimbo iquec. Aden abimbo chuiquidquio nec. Adquid nec, quequin chiaid tantiashun nuqui: Ubi bëdambuen isquin dayun uata, Papa, quequin Ambi chiacpadombuen naindac. Adembidi abi tantiaquido caic: Ubi yacno mibi ubëd tabadendac, quequin chiampid utsi uatiapimbo iquec, quequin caimbudquid nuqui nendac.

Uan 1 3:10

Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.