Mateo 3:2 - El Nuevo Testamento en matsés

² Adquid icquin naden Esus chote chuibampanëdash: Mimbi icsambuen naid ënash Nuquin Papa tantiec bëdambuec tabadta. Nuquin Papan namiaidquio choeque, quequin chuibampanëdash.

Mateo 3:2 Iomraidhean Croise

Mateo 10:7

Adec nidshun: Nuquin Papan namiacno tabadtequid nëbi iquec, quequin chuibenneta.

Mateo 11:20

Adshumbic Esusën shubu dadpen icquid yacno yacnombuec tabadquido cuidte chuibampanëdash. Nëbi shubu dadpen icquid yacno yacnombuen nadatiambo icquin nabanquin dadpen ismebenniombi. Aden ismiaqui: Icsambuen nabuedi Nuquin Papa tantiec bëdambuec tabadtiadquio iquebi, quetiadquidi chieshec adenquio iquec, queshun Esusën naden chuiquin chushcapanëdash:

Mateo 12:41

Ubi tantienquio yec mibitedi icsambocquido nec. Padnuen Nuquin Papan oncamiaid Ambi Chiaid Onasën chuibanac shubu dadpen icquid Ninibe yacnocquido badedi icsainquio yec ënëdpampic. Nuquin Papan Chiaid chuibanquid yec Onas bëdambo icpampic. Ubien aid udictsëcquidquio yec nadatiambocquidquio nec. Adquid icquin chuibanquin dadpen ismiaqui mimbi ubi tantienquio iquec. Aden ubi tantienquio icquido icsho Nuquin Papan abitedimbo cuidte uëshëmbi Ninibe yacnocquidon: Icsambo icquido neque. Cuid, mibitedi caindac.

Mateo 13:11

Esus nadpondash: Utsibo tantiamenquio icnëdaidi: Nëbi Nuquin Papan namiacno tabadte iquec, quequin mibitedictsëqui tantiamembi utsibo padenquio icquin.

Mateo 13:24

Adshumbic Nuquin Papan namete utsi tantiamenuen Esusën utsi chiacbimbuen padpiden chuibanuapondash. Tantia. Chuinu. Tiedën caniquid pete adosbiecquid icbon seposh.

Mateo 13:31

Adshumbic Nuquin Papan namiacno tabadte tantiamenuen Esusën utsi chiacbimbuen naden chuipondash: Tied icbo mostasa caid ëshëmpi aton tiedën sec nidposh.

Mateo 13:33

Adembidi Esusën utsi chiacbimbuen naden chuiuapondash: Nuquin Papan namiacno tabadte nadquio iquec. Chidon nami uashun cabiunac nua bidisquedoec. Adquiecbidi Umbi Chiaid tantiaquidën chuibanac ubi tantiaquido dadpen yanendac, quequin Esusën chuipondash.

Mateo 13:47

Adshumbic Esusën Nuquin Papan namete padpiden chuiuaquin utsi chiacbimbuen chuiuapondash. Tantia. Mibi chuinu. Nuëcquid bedshun nibedacbimbuen naindambi. Matsesën nuëcquid bednuen aton nëshaid tapa acte dapa mad caid nëneshun nuëcquid utsi utsien bedquid.

Mateo 13:52

Adsho tantiashun Esusën ubitedi naden chuipondash: Nuquin Papan Chiampid tantiamequid utsibo chuiquin: Nuquin Papan namiacno tabadtequid iquec, quequin tantiaquid yanshun naden chiendac: Matsesën atona ëndenquimbo ambi dayun uanëdaidbëta nëbi chuca icquid ismequin utsi utsien chicacbimbuen chiendac. Nuquin Papan Chiaid ëndenquimbo dada uampidbëtabi Nuquin Papan Chiaid chuca umbi chuibambuedquio mibitedishun chuibanendac, quepondash Esus.

Mateo 18:23

Adashic abi onquec: Nuquin Papan namiacpadombuen matses bëdambuen iste mibitedi chuinu. Tantia. Chuiquid tapan iuabo dadpen icposh. Ma ambi bedaidtedi piucquid ubi meneuanu, quequin tantiaquin aton iuabo aton shubuno chochomeposh.

Mateo 20:1

Adshumbic ubitedi Esusën utsi chiacbimbuen naden chuiuapondash: Tantia. Ubi tantiaquido Nuquin Papan namete mibi chuinu. Badiadnubi tied icbo nidquin piucquid menequin aton tied neshcamenuen matses istuidnuec nidposh.

Mateo 22:2

Nuquin Papan namiacno tabadte tantiamenuen isadaidbon nacpadombuen aton mado: Chido bednu, quesho tantiashun aton papa chuiquid tapa icquin matses dadpen chuiquin: Pec cho, cauidaid mibi chuinu. Tantia.

Mateo 23:13

Adshumbic Moisesën chiampid tantiamequidobëta padiseobo naden chuipondash: Bëdambo icquid danmianquido yec icsambo icquido icsho Nuquin Papan cuidtequidombo mibitedi nendac. Nuquin Papan Chiaid tantienquio icquin aid yacno iuedanquid tantiesa mibitedi nec. Adquid yec mibi aid yacno puduedtiapimbo icquin mimbi chuibanquin mua uac utsibotsen aid yacno puduedtiapimbo icuaindac.

Mateo 25:1

Adshumbic Esusën utsi chiacbimbuen chuiquin Nuquin Papan namiacnouësh abi chote uëshë tantienquio icte chuipondash: Tantia. Mibitedi chuinu. Chidon dadan bedabicquido 10tedshun: Aton chido bedtanec choquid bëquedtannu, queshun aton tabote bëchin taboadquid icbo icbuen buannuen sanambededposh.

Mateo 25:14

Adshumbic Nuquin Papan namiacnoshon bëdambuen nate tantiamenuen Esusën utsi chiacbimbuen chuiuapondash. Nidaid utsi yacno nidnun aton piucquid dadpen dayun uaquidën aton iuabo chochomeshun: Ubi piucquid daëd uashunta, quequin chuiposh.

Mateo 4:17

Ashunquiobi tauaquin Nuquin Papan Chiaid chuibanquin Esusën matses abitedimbo naden chuibampanëdash: Nuquin Papan namiacno iuedanquid nëmbobi iqueque. Mimbi icsambuen naid ënash Nuquin Papa tantiec bëdambuec tabadta, quepanëdash Esus.

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Mateo 5:10

Bëdambuec tabadsho issun utsibon chieshënquin mëyanaid icsho Nuquin Papan bëdambo icmequin uënësacsho ambi namiacno tabadmendac.

Mateo 5:3

¿Mitsipadquid Nuquin Papan bëdambuen ispec? Tantia. Mibitedi chuinu. Ubembi bëdambuec tabadtiapimbo icquid nebi. Nuquin Papan bëdambuen tabadmiaquini bëdambuec tabadtsiac, quequidën abi tantiasho Nuquin Papan: Umbi namiacno tabadtequid nec, quequin bëdambuen isquin bëdambo icmendac.

Mateo 6:10

Mibi abentsëcquiobi Cun Icbombo nec, queshun mibi yacnoshon mibëd icquidonquio mimbi chiacpadombuenuidi naic. Adombuembidi nidaidënshun matses abitedishunquio ma mibi tantiaquin napanuna, Papa.

Mateo 6:33

Adembidi: Nuquin Papan namiacno tabadtequid nebi, quequin tantiaquin aidën chiacpaden naic tabadta. Aden abi tantiaquid icquin abi chuisho mibi bedmendac.

Madcos 1:15

Nuquin Papan chiampicpadquid ambi namiacno iuedanquid nëmbobi iqueque. Mimbi icsambuen naid ënshun Chiaid Bëda tantiash bëdambuec tabadta, quequin Esusën chuibampanëdash.

Madcos 1:4

Aden chiampicpadquiequi: Nuquin Papan Chomiaid choec, quequin chuibanquidba Uan bëyuc chopanëdash. Aidëmbi shubu nibëdacno tabadquin cumapenec onquequin naden chuibampanëdash: Mimbi icsambuen naid ënshun Nuquin Papa tantiabenquin acten mentometa. Adosho isash mimbi icsambuen naid tantienquio yec Nuquin Papa bëshunendac, quequin chuibampanëdash.

Madcos 6:12

Aden Esusën chiaquien abëd icquido nidannepanëdash. Adec nidshumbic: Mimbi icsambuen nabanaid ënshun Nuquin Papa tantiabenuata, quequin chuibampanëdash.

Ducas 1:16

Nuquin Papan Chiaid tantiaquidquio icquin aidën chiac isadaidbo dadpen Nuquin Papan Chiaid niac niacquid icbuedi: Cun Icbo Nuquin Papa nec. Aidën chiacpadombuen naimbi, quequin tantiabenendac.

Ducas 11:20

Nuquin Papan nadatiambocquin namiac podobitsi icsa dapuduenmequid yec ¿ambi Chomiaidquio Nuquin Papan namiacno matses tabadmequid mibitedi yacno ënden choabida ictic? quepanëdash Esus.

Ducas 13:3

Padenquio. Icsambuen mibitedishun tantieque. Nuquin Papa tantiabenuaquin mimbi icsambuen naid ënenquiocquid yec mibitsen uënësendac.

Ducas 13:5

Padenquio. Icsambuen mibitedishun tantieque. Nuquin Papa tantiabenuaquin mimbi icsambuen naid ënenquiocquid yec mibitsen uënësendac, quepanëdash Esus abi chuimebuedo chiec.

Ducas 15:10

Adecbidi matses abentsëcshun ambi icsambuen naid ënquin Nuquin Papa tantiabensho isash Nuquin Papabëd icquido: Bëdambo iquebi, quec cuishonquecuededquiendac, quepanëdash Esus.

Ducas 15:7

Adecbidi: Nuquin Papa tantiaquid yec bëdambo iquebi, quequid 99ted icsho isash bëdiactsëc cuishonquenuc matses icsambuenshë naquid abentsëcshun ambi icsambuen naid ënquin Nuquin Papa tantiabensho isash abucuësh Nuquin Papabëd icquido: Bëdamboshë iquebi, quec cumapenec cuishonquecuededquiendac, quepanëdash Esus.

Ducas 16:30

Adoaquien: Aid tantienquioctsiash, papa Abadauan. Uënësaid uincuenanec nidshun chiac aidon ambi icsambuen naid ënshun tantiabentsiash, quequin atona dadpen icbuedën chuiposh.

Ducas 21:31

Adombuembidi umbi chuibuedtedi yansho issun: Nuquin Papan namiacno matses tabadte uëshë nëbi yanec, quequin mimbi tantiendac.

Ducas 24:47

Nadembidi chiampid iquec: Nuquin Papa tantiabenquin mimbi icsambuen naid ënsho isash: Icsambocquid nec, quequin tantienquio yec mimbi icsambuen naid Nuquin Papa bëshunendac, quequin Edusaden yacnoshomba ubi tantiaquidon ubi chuibanendac. Aden chuibanshumbic nidaid utsi utsiec yacno nidshun adombuembidi chuibanuaindac.

Ducas 6:20

Adshumbic abëd icquidombo isbanquin naden Esusën chuibampanëdash: Mitsana nibëdquido icsho Nuquin Papan ambi namiacno tabadmenuen mibitedi bëdambo icmendac.

Ducas 9:2

Nëbi mibitedi nidmembi. Adoac nidshun: Nuquin Papan namiacno tabadte iquec, quequin chuibennequimbi nënquidobëta daicsaido bëdanmebenneta.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Hechos 17:30

Ënden matsesën ambibi nacnenshun: Papa, quequin cuënsho tantiash Nuquin Papa: Padi. Aden nainda, quenquio iccondaidi nëbi: Mimbi icsambuen tantiaid ënshun ubi tantiaquin umbi chiacpadombuen nabanta, quequin matses abitedimbo chiec.

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Hechos 20:21

Nuquin Papa tantiabenquin mimbi icsambuen nabanaid ënshun Nuquin Icbo Esuquidistu tantiaquid icta, quequin isadaidbobëta isadaidpembo chuibanondambi.

Hechos 26:20

Shubu dadpen icquid Damasco yacnoshon bedanquin Esusën naid Chiaid Bëda chuibanondambi. Adshumbic Edusaden yacnoshontsen chuibanuaondambi. Adshumbic aid nidaid cuëshë Udea caid shubu utsi utsiec yacnoshontsen chuibenniondambi. Isadaidboba chuibanshumbic Isadaidpembotsen naden chuibanombi: Mimbi icsambuen naid ënshun Nuquin Papambo tantiaquin Aidën chiacpaden nabanta, quequin chuibampondambi.

Hechos 3:19

Nëbi mimbi icsambuen naid ënshun Nuquin Papa tantiata. Ma mimbi icsambuen naidtedi tantienquio yec bëshumpanu.

Codinto 2 7:10

Uënësquio icmiac: Nuquin Papan Chiaid niaccombi, queshun Esus tantiasho bëdambuen isquin Nuquin Papan ënëdtiapimbocnoc abëdi mibi tabadmendac. Padnuen abi tantiesabo uënësquio icmiac uënësquio icbudequi uënësendac.

Codosas 1:13

Ënden Mayan Icsa Satanasën iuaquin namiaido yec inchëshquio yacno tabadacbimbuec tabadsho Nuquin Papan nuqui mënchicpondash. Aden mënchicshun ambi tantiaidquio aton Mado Esuquidistun namiaido nuqui icmiondash.

Timoteo 2 2:25

Esus tantiesabon: Mimbi Nuquin Papan Chiaid chuisho tantiatiapimbo iquebi, caqui adembi chieshtoenquio icquin Nuquin Papan Chiaidquio mimbi chuibanendac. Nuquin Papan Ambi Chiaidquio tantiamiac: Icsambuen naombi, quequin ma Esus tantiesan tantiabennu, quequin abi chuibanendac.

Ebedeo 6:1

Aden ënden Esuquidistu chuibanac aid tantiabensho chuibanondaiduidtsëqui tantiec tabadenquio icnuna. Esus bëdambuen tantiaquidquio icnuen ambi chiaid utsi isban isbanec tantiaquidquio yannuna. Mibi chuibanac mimbi tantiondaid nad iquec: Esus tantiabenshun icsambuen naid ënta, quequin chuiquinc icsambuen naid ënenquiocsho Nuquin Papan cuidte chuiquinc Nuquin Papambo tantiate chuiquinc capanëdash.

Petedo 2 3:9

Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.

Esusën Uan ismiaid 2:21

Adsho issun aid chido: Ma ambi icsambuen naid ënshun Nuquin Papa tantianu, queshun badedquio cuidenquio iccombi. Adoaqui ambi icsambuen naid ënte bunenquio yec abi piucquid bedec chudadposh.

Esusën Uan ismiaid 2:5

Aden umbi chuibued tantiash: Ai, abimbo caic. Aden icsambuen naiquini icsachitoc, queshun mimbi icsambuen naid ënshun tauambuen mimbi Nuquin Papabëta ubi tantiondacpadombuembidi ubi tantiabenuata. Adoenquio icshoembi mibi cuidquin tabote manitsintequid bedshunendac.