Mateo 3:1 - El Nuevo Testamento en matsés

¹ Adash iuecquio ictanniashien Uan Nuquin Papa tantiabenquido acten mentoquid yampanëdash. Nidaid Udea caid yacno shubu nibëdacno capucuennequin chuibennequid nepanëdash.

Mateo 3:1 Iomraidhean Croise

Mateo 11:11

Acten mentoanquid Uampadquid matsesën tishaid utsi nibëdec. Adquid icnuc chuiquidpenquio icbuedëmbi: Nuquin Papan namiacno tabadte iquec, quequin chuibansho tantiabenquid Uan uditsëc bëdambocquid iquendac.

Mateo 11:7

Aido nidannebon abi datsidadquido tantiamequin Uan tantiaquin chiec Esus nadpondash: Shubu nibëdacno ¿atotsi isnuec mibitedi nidonda? ¿Piabiecquid cunquequidën ishcunaid isnuecta nidtionda?

Mateo 16:14

Uan acten mentoandennedien nec, mibi caosh. Utsimbic: Edias Nuquin Papan oncamiampid nepanui, mibi caosh. Utsimbic: Edemias Nuquin Papan oncamiampid utsi nepanui, mibi caosh. Utsimbic: Nuquin Papan oncamiampid utsi nepanui, mibi caosh, capondash.

Mateo 21:32

Uan acten mentoandennedën Nuquin Papan Chiaid chuiquin bëdambuec tabadte chuipadennec. Adsho mibitedishun tantienquio icnubi mimbi: Icsambocquido nec, caidombi Nuquin Papa tantiabempanëdash. Adsho issun Uan padon chiacpadombuen mimbi icsambuen naid ëntiadquidi mimbi ënenquio iccondac. Aton papan chiaid niacquidbimbuecquid mibitedi nec, capondash Esusën abi chieshënquido chuiquin.

Mateo 3:8

Mentomete bunec Nuquin Papan Chiaid niac niacbuedi ënash Aid tantiec bëdambuec tabadta.

Madcos 1:15

Nuquin Papan chiampicpadquid ambi namiacno iuedanquid nëmbobi iqueque. Mimbi icsambuen naid ënshun Chiaid Bëda tantiash bëdambuec tabadta, quequin Esusën chuibampanëdash.

Madcos 1:2

Ëndenquimboshë Nuquin Papan ambi oncamiaid Isayas dada uamiampid nad iquec: Mibi chote chuiquidba chomendambi, Mado. Aidëmbi: Bëdambo icquid choeque. Icsambuen nabanenquio icquin ënta, quequin chuibanendac, Mado.

Ducas 1:76

Nuquin Papan Chomiaidquio chuibanquidquio mibia icsho issun utsibon: Nuquin Papan oncamiaidquio nec, mibi caindac, mado. Chuiquid tapambo choec, queshun podquied nacnenacbimbuen: Nuquin Icbombo choeque. Mimbi icsambuen naid ënash bëdambuec tabadta, quequin aid chuiquidquio mibi iquendac.

Ducas 7:24

Adoac Uanën chomebuedo nidbombien matses dadpen icsho tantiamenuen Uan chiec Esus nadpanëdash: ¿Atotsi isnuec shubu nibëdacno mibitedi nidonda? ¿Piabiecquid cunquequidën ishcunaid isnuecta nidtionda?

Hechos 1:22

Uanën Esus acten mentosho isash niamëdenquio yec Esusbëd capucuenneshun Esus indosho isquidquio icsho: Esus chuibenneta, quequin nuquitedishun abentsëc chuinuna. Adoac Esusën: Ubi chuibenneta, caidobëtan Esus uincuenaid chuibantiad, quepanëdash Petedo ambo iccuededquido chiec.