Mateo 26:75 - El Nuevo Testamento en matsés

⁷⁵ Adsho tantiashumbien Petedon Esusën chuibuedquio tantiactampanëdash. Cachina cuëdabi icnuc ubi caic: Umbi isacmaid nec, quequin 3teden mimbi chiendac, quequin Esusën chuibuedquio tantiatanec umanuc puduenanec nidec uënësquioshë yec natiaquiec shubiquiopanëdash.

Mateo 26:75 Iomraidhean Croise

Mateo 10:33

Padnuen utsibon tantianubi: Esus tantiaquid nebi, quequin chuitiapimbo icquid Cun Papa abuc yacno chosho issun: Nëid ubi tantiesa neque. Puduedmenda, quequin Nuquin Papa chiendambi, quequin Esusën chuipondash.

Mateo 26:34

Adshobien Esusën: Tantia. Mibi chuinu, Petedo. Nëid inchëshëmbi cachina 3tedec cuëdabi icnuc: Umbi isacmaidquio aid nec, mimbi ubi caindac, capondash.

Mateo 26:74

Adoaquien Petedo: Umbi isacmaidquio nec, quequin mibi abimbo chiombi. Umbi abimbo chienquio icsho ma ubi chian annëdënquequid Nuquin Papan nënepanuna, quepanëdash Petedo cumapenec cuëdec. Adec 3tedec muanubien cachina cuëdpanëdash.

Uanën dada uaid 13:38

Adsho tantiashien Esus: Ubien natiad iquec ¿quecta ictsia? Tantia. Mibi chuinu. Cachina cuëdanabi icnuc: Umbi isacmaid nec, quequin mimbi 3teden chiendac, quepondash Esus.

Codinto 1 4:7

¿Tsuntsin: Utsibo padenquio icquin: Mibitedi bëdambocquid nec, capash? Nuquin Papambien mibi adoambo iquec. Adoambo yac ¿atotsi quiash: Ubitedi bëdambocquido nebi, mibi quepe? Ubibi adquidquio yanobi, quiacbimbuen mimbi chuipec.

Cadasia 6:1

Cun utsibo, Nuquin Papan Mayanën tantiamiaid icquin mibëtan Esus tantiaquidën icsambuen nasho issun: Esus tantiaquid adesambo neque. Bëdambuequien tabadtiad, quequin bëdambuen chuita. Mibibi datantiadec: Esus bëdambuen tantienquio yec adecbidi icsatsiabi, quequin tantiaquin: Bëdambuec tabadnuna, quequin chuita.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.