Mateo 26:70 - El Nuevo Testamento en matsés

⁷⁰ Tantiadenquiocnoc mimbi chiec. Umbi isacmaidquio mimbi chiec, quec Petedo muaic taëpanëdash utsibo dadpenshun tantianubi.

Mateo 26:70 Iomraidhean Croise

Mateo 26:51

Aden Esus bedshobien abëd icquid abentsëcshun abi tsiusudaid chështe chictanquin nëish iua cuessunneshun pichicaquidon chuiquid tapan iua pabiate auc abentsëc pateshunnepondash.

Mateo 26:56

Bedenquio icbuedëmbi Nuquin Papan tantiacpadënquiobi mimbi ubi bedec. Aden ubi bedshun mëyante chuiquin Nuquin Papan oncamiaidon dada uampicpadombuembi mimbi ubi bedec, quequin chuinubini Esus abentsëqui nianec ubitedi niquepondac.

Mateo 26:58

Adnubien Petedo uannoshon isbëec tsiuec chopanëdash. Adanec Nëish iua cuessunneshun pichicaquidon chuiquid tapan shubu yacno choash tsicatiaid shëcuën puduedpanëdash. Adec puduedash Nuquin Papa tabadte shubu isquido sondado tabadacno Petedo tsadtuidpanëdash. Chuiquidon Esus ¿mitsipadoeque? Isnu, quec adec tsadpanëdash.

Mateo 26:69

Adnubien aid shubu daquënë uaid nuntan Petedo tsadacno choquin chido iuan naden chuituidpanëdash: Nidaid Cadidea yacnocquid Esus caidbëd icbuedien mibi nec, caquien:

Mateo 26:71

Adanec daquënë uaid puduedte shëcuë dayun nidash nidtuidpanëdash. Adshobien chido iua utsin: Nasaded yacnocquid Esusbëd ma nëid icpaboc, capanëdash, ambo tabadquido chuiquin.

Ducas 22:57

Adoaquien: Umbi isacmaidquio mimbi chiec, quepanëdash Petedo.

Doma 11:20

Abimbo mimbi caic. ¿Atotsi queshun Nuquin Papan isadaidbo bëdambuen istiapimbo icpec? Ambi Chomiaid Esus tantienquio icsho Nuquin Papan aido bëdambuen istiapimbo iquec. Padnuen Esus tantiasho mibitedi bëdambuen isec. Adoac: Ubi bëdambo icnubi isadaidbo icsambo iquec, quenda. Adenquio yec: Nuquin Papan cuidnushe, queshun Esus tantiec bëdambuec tabadta.

Codinto 1 10:12

Aden icsambuen nainquio ictsiambi, quequin tantiaquidi abia icsatsiash, quiash chieshtoenquio icquin Esus tantiec bëdambuec tabadta.

Esusën Uan ismiaid 21:8

Adoshombic nadquidtedi cuidendambi. Nëidic dacuëdquin ubi tantiauidbuedo. Nëidic Esus tantiesabo abitedi. Nëidic chieshëmënquido. Nëidic chieshëmënec cuessunnianquido. Nëidic aton dada utsibëdi chichudnanquido. Nëidic chido daëd dachudnanquido. Nëidic aton chidopenquio chudquido. Nëidic aton bënëpenquio chudmequido. Nëidic nënëchoquido. Nëidic ambibi nacnenaidi papa caquin tantiaquido. Nëidic mua uanquido. Aidotedi chian dapa ënëdenquio yec annëdënquequid icsamboshë nuadquid asupede caid padpidec uënëste caid yacno nësecaindambi, queposh.