Mateo 26:53 - El Nuevo Testamento en matsés

⁵³ ¿Tantienquioda ique? Umbi chiac cun Pan abëd icquido sondadobimbuecquido dadpenquioshë 72mid ubi cudasmenuen chometsiash.

Mateo 26:53 Iomraidhean Croise

Mateo 25:31

Adshumbic Esusën padpiden abi chote chuiuapondash: Matsesën Tishaid yec abi yacnouësh abëd icquidobëd choec: Abitedishun Icbombueni nec, quiash bëchamauampambuec choequi cun tsadte dapa bëdamboshëcquidën tsadtoquin abitedimbo ismendambi.

Mateo 4:11

Adoaquien Mayan Icsa Satanas cuempanëdash. Adnubien Nuquin Papabëd icquido chochoshon Esus nashumbededpanëdash.

Madcos 5:15

Esus yacno choshon podobitsi icsa dapuduembued dashcute dasiuidenquio icbuedi dasiuidash tsadsho istuidpanëdash. Tantienquiocbuedi bëdambuen tantiec tsadsho istuidpanëdash. Adec tsadsho isbededequi: Nadatiambocquin naid nec, quequin tantiec dacuëdcuededec tabadpanëdash.

Madcos 5:9

Adsho tantiashun Esusën: ¿Tsutsi cuëmëdquid ne? capanëdash. Adoaquien: Dadpenquioshë dapuduedaid yec Dequion nebi, quepanëdash podobitsi icsa dadpenquioshë dapuduedaid abentsëc yacbimbuec onquec.

Ducas 8:30

Adquid nec, quequin tantiaquin Esusën: ¿Tsutsi cuëmëdquid ne? capanëdash. Adoaquien: Dadpenquioshë dapuduedaid yec Dequion nebi, quepanëdash podobitsi icsa dapuduedaido onquec.

Uanën dada uaid 10:18

Matsesën ambembi ubi uënës uatiapimbo ictsiash. Umbi tantiacpadquiequi matsesën uënës uadendabi. Adecbidi nadatiambocquid yec ubibi uincuenuaindabi. Adec Cun Pan chuibocpadec iquendabi, quepondash Esus.

Uanën dada uaid 18:36

Esusën abi bëyuc Pidaton chuibued tantiaquin: Nidaidënuësh chuiquid tapapenquio nebi. Nidaidën cun iua sondado nibëdec. Nidaidënuësh chuiquid tapa icquin cun iuabo cun matses isadaidbon ubi bedquido bedmenquio ictsemposh, quepanëdash Esus.

Tesadonica 2 1:7

Aden nuqui natiamequin chieshënquido Nuquin Papan cuidendac. Adoac nuqui natiametiapimbo iquendac. Abëd icquido ambi nadatiambocquin namiaidobëd cute nëdënquequidbimbuec isadec abucuësh choshon Nuquin Icbo Esusën adoendac.

Udas 1:14

Adquido icsho cun tsusedpa Enoc caidën chuipampic. Aidi abia matses uaid Adanën madon baban tishmiaidën baba Enoc nepampic. Aidëmbi naden chuipampic: Nuquin Papabëd icquido dadpenquioshë tamëdtiapimbo icquido Nuquin Icbobëd chosho issun