Mateo 26:39 - El Nuevo Testamento en matsés

³⁹ Aden chianec udictsëc nidash dannëshën tinquebudec nidaidën bëccuësquebudquin Nuquin Papa chiec: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nata, Papa, quepanëdash Esus.

Mateo 26:39 Iomraidhean Croise

Mateo 20:22

Adoaquien: Umbi naid tantienquio icquin mimbi chuipec, quequin Uanën tita chuitanquin Uambëta Santiaco Esusën chuipondash: ¿Ada ubi mëyadacpadquiecbidi mëyadtsia? ¿Ada ubi uënësacpadec uënëstsia? ¿Ada chieshtoenquio ictsia? caquien abidaëdi: Ai, chieshtoenquio ictsiabi. Mibëd mëyadtsiabi, quepondash.

Mateo 24:24

Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin ubi chieshënquidombi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Mateo 26:42

Aden chuitanec ambi Nuquin Papa chuibocno padpidec niduashun Nuquin Papa chuiuaic: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nameta, quetanec

Madcos 13:22

Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin Nuquin Papan tantiamiaido chieshënquimbi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Ducas 17:16

Esusën tayun dannëshën sebudash nidaidën bëccuësquebudash: Mimbi bëdanmeboc bëdambo iquebi, quepanëdash Esus caic. Aidi Samadia yacnocquid isadaidpembo nepanëdash.

Uanën dada uaid 11:41

Aden chuitanquin: Baded bëcunne, cac cuënote dapan shëcuë bëtinaid shëcnequin bëcunnepondash. Adsho istanquimbien Esusën abuc isquin: Papa, mibi bëdambo iquec. Umbi nëbi chuisho mimbi tantiec.

Uanën dada uaid 14:31

Cun Pan tantiacpaden ubi uënës uamendac. Ubi adec uënësso isash: Aton Papa tantiaquidquio yec aidën chiacpadombuen naic abided cuidadec Esus uënësac, quequin ma matses abitedishun tantianu, quiash adebi. Aden chuitanec: Nëbimbobini naique. Nidec nidnunid, quepondash Esus.

Uanën dada uaid 18:11

Aden pateshunnesho istanquimbien Esusën: Padi, Petedo. Min chështe aucbidi tsiusud. Cun Pan chiacpadec ¿natiamboshë icmiac uënësenquiodabi ique? quepondash Esus.

Uanën dada uaid 5:19

Adshumbic Esusën naden chuiuapondash: Tantia. Mibi chuinu. ¿Nuquin Papan Madombo icquin umbi tantiacpadombuen naictabi nedi? Padenquio. Cun Pan nasho issun aidën nacpadombuembidi naic nebi. Cun Pan abitedimbo nacpadombuembidi aton Madombo icquin nabanec nebi.

Uanën dada uaid 5:30

Umbentsëqui natiapimbo iquebi. Cun Pan chiacpadombuen naquin matses cuidte chiendambi. Matsesën naidtedi tantiaquidquio icquin abimbo chiendambi. Umbi tantiacpaden nainquio icquin ubi chomiondaid Cun Pan chiacpadombuen naindambi, quepondash Esus.

Uanën dada uaid 6:38

¿Umbi tantiacpadombuen nanuectabi abucuësh chodionda? Padenquio. Ubi chomequid Cun Pan chiacpadombuen nanuec mabi aid yacnouësh chondac.

Hechos 10:25

Aden cainec tabadnubi utsibobëd choec Petedo puduedsho isash: Mibi bëdambocquid icnubi adesa nebi, quequin Petedo ismec dannëshën sebudec nidaidën bëccuësquepanëdash Codnedio.

Pidipos 2:8

Matses iuabimbuecquid yampanëdash. Adash aton Papan chiacpadombuen nabanequi uënëspanëdash. Cueste napotiaidën dectanquin uënës uapanëdash.

Ebedeo 5:7

Esuquidistu matsesash nidaidën tabadec: Ubi uënës uamequin mëyanquiendac, quequin tantiec shubiquioquin naden chuidonepanëdash: Nadatiambocquid icquin ubi uënës uamenda, Papa, quequin chuidoniaqui: Ai, quenquio icsho Aton Madon naden chiec: Papa, mimbi chiacpadombuen naindambi, quequin abi chuisho tantiashun aton Papan adombuen namepanëdash.

Esusën Uan ismiaid 19:10

Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.