Mateo 26:3 - El Nuevo Testamento en matsés

³ Adnubien isadaidbon chuiquidobëd Nuquin Papa ismequin nëish iua cuessunneshun pichicaquidon chuiquido aton chuiquid tapambo Caipas cuëmëdquidën shubu dapan iccuededec pudued puduedpanëdash.

Mateo 26:3 Iomraidhean Croise

Mateo 26:69

Adnubien aid shubu daquënë uaid nuntan Petedo tsadacno choquin chido iuan naden chuituidpanëdash: Nidaid Cadidea yacnocquid Esus caidbëd icbuedien mibi nec, caquien:

Mateo 27:27

Adoaquien Pidaton sondadon abi tabadtedniaid yacno Esus buanshun: Isec cho, cac aton sondado utsibo dadpen chochoash Esus datsidadpanëdash.

Madcos 14:54

Aden Esus buannubi Petedo uannoshon isbëec tsiuec chopanëdash. Nëish iua pichicaquidon chuiquid tapan shubu yacnombo tsicatiaid shëcuën puduedpanëdash. Adec puduedash Nuquin Papa tabadte shubu dapa isquid sondado tabadacno cute cuëec Petedo tsadtuidpanëdash.

Madcos 14:66

Adnubien Petedo aid shubu daquënë uaid nuntan tsadnubi Nuquin Papa ismequin nëish iua cuessunneshun pichicaquidon chuiquid tapan iuaid chido chopanëdash.

Madcos 15:16

Adoac Esus bedshun abi tabadtenniacno shubu dapa tsicatequin daquënë uacno nuntan sondadon buampanëdash. Adoshombic sondado utsibo dadpen chochomepanëdash.

Ducas 22:55

Adec choequi shubu umanuc daquënë uaidën cute dëtsiadoaid cuëec utsibo tabadacno Petedo cute cuëec tsadtuidpanëdash.

Ducas 3:2

Chuiquid aidtedi icnubien Anasbëd Caipas nëish iua cuessunneshun pichicaquidon chuiquid tapabo icpanëdash. Aid daëdi icnubien Uan Sacadiasën mado shubu nibëdacno capucuenneshobi Nuquin Papan: Umbi chiaid chuibenneta, capanëdash.

Uanën dada uaid 18:24

Adsho tantiashun Anasën abi podo cataniacchobi Esus nëish iua cuessunneshun pichicaquidon chuiquid tapa Caipas caidën shubuno buanmepondash.

Uanën dada uaid 18:28

Adnubien badiadnuc Caipasën aton chuiquid utsibobëtan aton matses iuaquido Doma yacnocquidon chuiquid cobednadodën shubu yacno Esus buampondash. Buanashic: Matses utsin shubun puduedshun mishtemaid mishash tsusedpabon aton mado uënës uamenquio icquin obeca caniactsëc cuessunniampid tantiate uëshë tantiec cun matsesbëtan pebededtiapimbo icmane, quiash aidën shubun puduedenquio icpondash.