Mateo 26:26 - El Nuevo Testamento en matsés

²⁶ Aden pec tabadquimbi Esusën pan sananquin: Mimbi uaid nëid pete bëdambo iquec, Papa, quequin Nuquin Papa chuitanquin cuëshcuëshshun abëd icquido menebannun naden chuipondash: Ubi uënës uate tantiaquin nëid cun dadabimbuecquid neque. Pe, cac pebededpondambi.

Mateo 26:26 Iomraidhean Croise

Mateo 14:19

Adoaquien Esusën abi datsidadquido chuiquin: Uasinën tabadbud, capondash. Adoac tabadbudsho istanquin pan 5tedbëta nuëcquid daëd sananquin abuc isec: Mibi bëdambocquid icquin mimbi meniaid nëid pete nec, Papa, quec onqueshun pambëta nuëcquid cuëshbudcuenquin menequin: Nëid meneban, Esusën cac abëd icquidobëtan menebampondambi.

Mateo 26:27

Adoshombic uba chinaid ënë actequid cushtoaid dëshote sananquin: Mimbi uaid nëid actequid bëdambo iquec, Papa, quequin Nuquin Papa chuitanquin: Nëid mibitedishun acbeded, quequin meniac aniactse aniactsen acbededpondambi.

Madcos 6:41

Adec tabadbudsho istanquin pan 5tedbëta nuëcquid daëd sananquin abuc isec: Mibi bëdambocquid icquin mimbi meniaid nëid pete nec, Papa, quec onqueshun pambëta nuëcquid cuëshbudcuenquin menequin: Nëid meneban, Esusën cac abëd icquidon menebampanëdash.

Ducas 22:17

Adoshombic dëshoten uba chinaid cushtotanquin sananquin Nuquin Papa chiec onqueshun abëd icquido menec: Në, pistsëc pistsen acban mibitedishun.

Ducas 24:30

Adshumbic nuntan tabadquin pete tabëcte dayun abëdi tsadquin pan bedshun: Mimbi pete uaid bëdambo iquec, Papa, quequin Nuquin Papa chuishun cuështanquin Esusën abidaëdi menepanëdash.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 20:7

Ambo tabadequi dominco inchëshën Esus tantiaquidobëd iccuededquin abëd icquidobëtan Pabadon Esus uënës uaid tantiaquin pan cuëshcuëshshun pebededpondash. Aden piashic Pabado: Badiadash nidebi, quiash inchësh poctsembo yantsëcquiec iuec onquepondash.

Codinto 1 10:4

Adembidi abëd nidquid cuënotebimbuecquid Esuquidistun aido acte bundoacsho issun cuënote dapa yacnoshon acte chomiaid abitedishumbi acbededpampic.