Mateo 26:14 - El Nuevo Testamento en matsés

¹⁴ Adnubien abëd icquid abentsëc Udas Iscadiote cuëmëdquid nëish iua cuessunneshun pichicaquidon chuiquido yacno isec nidpanëdash.

Mateo 26:14 Iomraidhean Croise

Mateo 10:4

Nëidic Simon utsi cananebo. Nëidic Udas Iscadiote Esus abi chieshënquido bedmetequid. Aidtedi abëd icquido icsho chuipondashi.

Mateo 26:25

Adoaquien Udasën abi bedmequidënquio: ¿Ubida cai, Icbo? caquien: Ai, mibibi caimbi, capondash.

Mateo 26:47

Aden chuinubien Esusbëd icbued Udasbëd matses dadpen chochopondash. Aido utsi utsiec chështe sanambededtsëquiec chonobi utsibo cueste sanambededtsëcquiec chochopondash. Nuquin Papa ismequin nëish iua cuessunneshun pichicaquidon chuiquidobëtan cun matses tsësiobon: Bedtan, cac chochopondash.

Mateo 27:3

Adnubien Udas Esus bedmebued: Cuessunnemechitembien iquec. Cuessunnemetiapimbo iquebique. Umbi shocosh ushu nacnenaid piucquid tsasicquid 30ted bedbued meneuatannu, quianec abi menebued nëish iua cuessunneshun pichicaquidon chuiquidobëta tsësiobo menec nidpanëdash.

Uanën dada uaid 12:4

Adosho issumbien abëd icquid abentsëcshun Udas Iscadioten Esus bedmetequidën naden Madia chushcapondash:

Uanën dada uaid 13:2

Adnubien Simon Iscadioten mado Udas Mayan Icsan Satanasën tantiamiacpadombuen ambi Esus bedmete tantiec tsadpanëdash.

Uanën dada uaid 13:26

Adoaquien Esus: Umbi pan cuëshë ënë puntanquin meniac bedquid aidi nendac, quetanquin pan cuëshë ënë puntanquin Simon Iscadioten mado Udas menepondash.

Uanën dada uaid 13:30

Aden meniac pan cuëshë bedanec Udas badedquio inchëshëmbi nidpondash.

Uanën dada uaid 18:2

Ambo tabadnubien Esus bedmenuen Udasën: Ubi abëd tabadtennebocno tied yacnoen nidchitash, quequin tantiapanëdash.

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.

Hechos 1:18

Aden Esus bedmeshun Udasën ambi piucquid bedbued meneuac abi menequidën aid piucquidën tiedëmpi bedpanëdash. Adquid icnubi aid tiedën Udas tëtaniadash pobidisquiash paëdec aton pucu tishidpanëdash.