Mateo 24:51 - El Nuevo Testamento en matsés

⁵¹ Adec choshon ambi chiacpadombuen nainquio icsho istuidshun: Icsambo iquec, queshun cumapenquien cuidendac. Adombuembidi Nuquin Papan icsambuen naquido cuidendac. Bëdambo icquid danmianquido cuidacno matses mëyadtequid yacno nidmendac. Adoac natiaquiec shëta chëquëdëshquec shubiquiendac, quequin Esusën chuipondash.

Mateo 24:51 Iomraidhean Croise

Mateo 22:13

Adshobien chuiquid tapan: Chido bedacno isnuec dashcute bëdaidquio dasiuidquid, quepadennec. Mibi icsambo iqueque. Mibi cuidnu, queshun aton iuabo chiec: Mëtanetanquin tataneshun buanshun inchëshquio yacno netan, cac netanac mëyadec natiaquiec shëta chëquëdëshquec shubiquioposh.

Mateo 24:50

Aden nabanec: ¿Nëbida cun icbo chopeba? quequin tantienquio icnubien aton icbo chopec.

Mateo 25:30

Aid iua tantiesa yec chieshquid icsho cuidquin inchëshquio yacno netan cac netanac natiaquiec shëta chëquëdëshquequiec shubiquiendac, quepondash Esus.

Mateo 8:12

Padnuen isadaidbo dadpenquio Nuquin Papan namiacno tabadtiadquidi puduedtiapimbo iquendac. Aido abi tantiesabo icsho chian annëdënquiacno nësecac mëyadec shëta chëquëdëshquec natiaquiec shubiquiendac, quequin Esusën chuipanëdash.

Ducas 12:46

Aden naic tabadec: ¿Nëbida cun icbo chopeba? quequin tantienquio icnubien aton icbo chotsiash. Adec choshon ambi chiacpadombuen nainquio icsho istuidshun: Icsambo iquec, queshun tantiesabo yec icsambuen naquido cumapenen cuidacbimbuen cuidendac.

Ducas 13:28

Aden chiaqui Abadauan yec Isac yec Acobo yec Nuquin Papan oncamiaidotedi yec quec Nuquin Papan namiacno tabadsho isash Nuquin Papa tantiesabo yec ambo puduedtiapimbocquid yec mëyadtequid iquec shëta chëquëdëshquiec mibitedi natiaquiec shubiquiendac.