Mateo 23:8 - El Nuevo Testamento en matsés

⁸ Mibitedi adenda. Utsibo: Mibiuidtsëqui bëdambo iquec, icbo, camenuec adenda. Min Icbo abentsëcquiobi nebique. Ubi abentsëqui cun Icbo cata. Cun iuabo yec cun utsibimbuecquido mibitedi neque. Bëdambuec isnanta.

Mateo 23:8 Iomraidhean Croise

Mateo 10:25

Tantiamiac tantiabenash abi tantiamequidbimbuec icac bëdambo ictsiash. Adecbidi iua aton icbobimbuecbidi icac bëdambo icuatsiash. Aden umbi chiacpadombuen nate bunquid icsho mibitsen icsambuen chuishunquin chieshënendac. Ma podobitsi icsan icbo Bedsebu caid neyoc ¿cainquiodabi ictiosh? Adembidi mibitsen chieshënendac, quequin chuipondash Esusën ubitedi chuiquin.

Mateo 17:5

Adec Petedo onquenubien abu ushu bëchamauanquiec choquidën abitedi bëtimpanëdash. Adnubien abu ushu nënantanuëshquio Nuquin Papa onquiampanëdash: Nëid Umbi tantiaidquio yec Cun Madombo nec. Umbi chiacpadombuen nasho Umbi bëdambuen isaidquio neque. Aidën chuibansho bëdambuen tantiata, quec dacuëdampambuec onquepanëdash.

Mateo 23:10

Adembidi: Chuibanquid tapa yec mibiuidtsëqui bëdambo iquec, utsibo camenuenuidi nainda. Nuquin Papan Chomiaid Quidistu uidtsëqui mibi Chuibanquid Tapa neque.

Mateo 23:7

Nuquin Papan Chiaid tantiamequid yec mibi bëdambo iquec, quequin mabi Dabi canu, quiash matses dadpen yacno piucquid bedquin atona menebanacno nidtednepec.

Mateo 26:25

Adoaquien Udasën abi bedmequidënquio: ¿Ubida cai, Icbo? caquien: Ai, mibibi caimbi, capondash.

Mateo 26:49

Udasën Esus tanchoccatuidpondash: Chobi, Icbo, quequin.

Madcos 10:51

Adec chosho issun: ¿Atotsimbi mibi nashune? capanëdash Esusën. Adoaquien bëshuaidën: Iste bunebique, Cun ëshë bëdanme, Icbo, capanëdash.

Madcos 11:21

Aden Esusën icueda bacuëambocsho chuibued tantiactanquin Petedon: Mimbi bacuëabicsho: Uënësta, cabued bidiquec uënësaque. Is, Icbo, capanëdash.

Madcos 14:45

Aden chiash aidobëd choquimbi: Icbo, quetanquin Udasën Esus tanchoccatuidpanëdash.

Madcos 9:5

Adsho isashien: Icbo, mibëd nëmbo choash tabadquin mibitedi isec bëdambo iquebi. Mibi nëmbo tabadte 3ted shubumpi uanu mitsana yec Moisesëna yec Ediasëna yec quenuc, quepanëdash Petedo Esus caic.

Ducas 22:32

Aden mibitedi Mayan Icsa Satanasën iuatiadquio iquec, quequin tantiaquin Nuquin Papa naden chiombi: Simon ubëd icquidquio neque. Mayan Icsa Satanasën iua yannushe. Aidën: Nuquin Papan Chiaid niac niacmenu, casho adomenda, Papa, quequin chiombi. Adec ubëd icbuedi cuëshëdtsembosh chouashun padpidec cuëshëdenquio icquin cumapenen ubi tantiaquin ubëd icquid utsibo adombuembidi cuëshëdenquio icnuc cumapenen ubi tantiameta, capanëdash Esusën Petedo chuiquin.

Uanën dada uaid 1:38

Nidquin chinunac bidiadquin istanequien: ¿Atotsi quec ne? quepondash Esus. Adshobien: Dabi, mibi isec nebi. ¿Mitsimbo icco? Mibi isnu, capondash.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Uanën dada uaid 11:8

Adoaquimbi ubitedishun: Icbo, ma mibi ashunquio isadaidbon chuiquidon cuënoten sesequin cuessunnetsempaboc. ¿Adoboquida ambo nidte bune? capondac.

Uanën dada uaid 20:16

Abi adoshobien Esusën: Madia, cac bëistanequien: Esus Cun Icbombo nec, quetanquin cun onqueten cuënquin: Dabuni, capanëdash.

Uanën dada uaid 3:2

Aidi inchëshën Esusbëd onquenuec chopanëdash. Adec choshon: Nuquin Papan namiaid icquimbien bëdambuen chuibanquin naic, quequin mibi tantiombi. Mimbi nadatiambocquin nabansho issun: Nuquin Papan namiaidënuidtsëquien aden nabantsiash, mibi caombi, quepanëdash Nicodemo.

Uanën dada uaid 3:26

Adshumbien Uambëd icquidon: Nuquin chuiquid chiec nidnunid, quianec nidshun Uan chuituidpanëdash: Acte Odan caid ëquëmatsiucshun ¿mitsicquid: Nuquin Papan Chomiaid nec, mimbi cadio? Aidën matses dadpenquio acten mentobanac caosh. Adoac matses dadpenshun tsibanampac caosh,

Uanën dada uaid 4:31

Aido choabi icnubi abëd icquidon: Pete bëombique. Pe, Icbo, caquien:

Uanën dada uaid 6:25

Adec nidash ëquëmatsiuc pudundoquin Esus istuidpondash. ¿Mitsipadec nëmbo cho, Dabi? caquien

Uanën dada uaid 9:2

Aid istuidshumbimbi ubitedishun: En chui, Icbo. Tantianu. ¿Atotsi queshun nëid dada bëshuacchobi tishpanëdash? ¿Aton papabëtan anin icsambuen nabansho issunda Nuquin Papan cuidquin bëshu uanëdaid nepec? ¿Tishabi icshobi: Abibi icsatequid nec, quequin tantiaquinda Nuquin Papan bëshu uanëdaid nepec? capondambi.

Codinto 2 1:24

Naden dadpen tantiata, quequin icbon ancacbimbuen mibitedi chienquio iquembi. Esus tantiaquidombo nec, quequin mibitedi tantiembi. Ma Esus tantiec chieshtoenquio yec cuishonquequiono, quequin mibëd icquin mibitedi chuibante bunebi.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Pidemon 1:16

Onesimo min iua iccondaidi Esus tantiaquid yanacsho mimbi cun utsi caidquio aidi nendac. Adquid icsho umbi tantiaidquio neque. Mimbitsen tantiaquiota. Mibi yacno nidshun Esuquidistu tantiaquid icquin mimbi chiacpadombuen chieshenquio icquin bëdambuen mibi nashunendac.

Santiaco 3:1

Cun utsibo, Nuquin Papan Chiaid tantiamequid icte dadpen bunenquien ictiad. Nuquin Papan Chiaid tantiamenu, queshumbi aidën chiaidpenquio icnuc chuibanquin tantiamequid icsho issun cumapenquien cuidendac, quequin nuquitedi tantiec.

Petedo 1 5:3

Adoaid icquin mimbi chuibanaido chushcainda. Aidon icbopenquio mibitedi neque. Adenquio yec: Ubi yacpadec ma tabadnu, quequin aido ismec bëdambuec tabadta.

Esusën Uan ismiaid 1:9

Esusbëd iccondaidquio Uan nebi. Mibëtan Esus tantiaquid yec min utsi nebi. Esus tantiaquid icsho Nuquin Papan namiaido yec aidbëd tabadtequido nuqui nec. Esus tantiasho mibi natiamequin chieshënacpadembidi Esus tantiesabon chieshëmpondashi. Adoaqui Esusën namiacpadec chieshtoenquio icquin abi Esus chuibenniondambi. Adsho issun Esus chieshënquidon quënën tsadunacbimbuen cuenmenquio icnuen acte dapa mad caid nidaid nacnëdquid tapa Padmos caidën tsadunondac abi tsadec nebi.

Esusën Uan ismiaid 19:10

Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.

Esusën Uan ismiaid 22:9

Adshobini: Padi, Aden ubi ismenda. Mibi padquid Nuquin Papan iuabidi nebique. Ëndenquimboshë Nuquin Papan oncamiampido min tsusedpabo isadaidbo aidën iuabidi nepampic. Nëbi umbi ismebued tantiaquin Nuquin Papan chiacpadombuen naquido aton iuabobidi neque. Nuquin Papauidtsëqui tantiaquin aden ismeta, caposhi Nuquin Papabëd icquidën.