Mateo 23:23 - El Nuevo Testamento en matsés

²³ Moisesën chiampid tantiamequidobëd padiseobo bëdambocquid danmianquido yec icsamboquido icsho Nuquin Papan cuidtequidombo mibitedi nendac. Nuquin Papan Chiaid abentsëqui tantiactsëcquin min tiedën icquid menta caid yec anis caid yec comino caid yec quequin bedshun 10ted icnuc tambanquin sanshun abentsëc bedtednequin Nuquin Papa mimbi menepec. Aden menequid icquimbi mimbi Nuquin Papan Chiaid utsi dadpen niacpec. Chieshëmënquid icbuedi: Umbi icsambuen naid tantienquio yec bëshunta, quequin chiaqui mibi bëshuntiapimbo iquec. Adembidi bëdambocquidi mua uaquin mimbi cuidte chuiquid icsambuen cuidmec. Nuquin Papa tantienquio icquin ambi chiacpadombuen min tiedën caniquid pistsëc musucshun menequid icquimbi Ambi Chiaid utsi abitedi natiadquidi ma mimbi nainquio icpaboc.

Mateo 23:23 Iomraidhean Croise

Mateo 12:7

Adashic abi onquec: Nuquin Papan naden chiampid mibitedishun bëdambuen tantienquio iquec. Umbi chiacpadombuen nëish iua dadpen uënës uashun ubi ismequinuidi pichicata, quenquio iquebi. Adoenquio icquin ubi tantiaquin mimbi: Icsambuen naquido nec, caidobi uënësquiocquin tantiaquin nashunta. Adosho issun: Mibi bëdambo iquec, caimbi, quequin Nuquin Papan chiacpadombuen naquin ubëd icquidon nasho mibitedishun chushcainquio ictsenoc.

Mateo 23:13

Adshumbic Moisesën chiampid tantiamequidobëta padiseobo naden chuipondash: Bëdambo icquid danmianquido yec icsambo icquido icsho Nuquin Papan cuidtequidombo mibitedi nendac. Nuquin Papan Chiaid tantienquio icquin aid yacno iuedanquid tantiesa mibitedi nec. Adquid yec mibi aid yacno puduedtiapimbo icquin mimbi chuibanquin mua uac utsibotsen aid yacno puduedtiapimbo icuaindac.

Mateo 9:13

Nuquin Papan naden chiampid tantiashun bëdambuen naic nid. Nuquin Papa bëdambuen ismequin nëish iuauidtsëqui pichicainquiocquin naden nata. Icsambuen naquido icsho issun uënësquio icquin bëdambuen ista, quequin chiampid tantiata. Ubien: Abibi mua uadec: Bëdambo icquid nebi, quequid chuinuecpenquio chondabi. Icsambuen naquidombo: Nuquin Papan Chiaid niacniaquec icsaquid nebi, quesho: Ubi tantiata, canuec chondabi, quepondash Esus.

Ducas 11:42

Aden chiashic Esus nadpanëdash: Nuquin Papan chiacpaden naimbi, queshun min tiedën canitsëcquid utsi utsien 10ted icnuc tambanquin sanshun abentsëc bedtednequin Nuquin Papa mimbi menedednepec. Aden nabanquid icquimbi Nuquin Papan Chiaid utsi tantienquio icquin bëdambuec tabadenquio icquin matses bëdambuen tantienquiocquid mibi nec. Ambi chiacpadombuen Nuquin Papa menequid icquimbi Ambi Chiaid utsi abitedi natiadquidi ma mimbi nainquio icpaboc. Adesa icsho Nuquin Papan cuidtequidombo mibitedi nendac.

Ducas 18:12

Adembidi chonoadtemaid uëshë utsi choabicnuc daëdec ushquin mibi tantiaquin buna mëmundednembi. Adembidi umbi bedaid 10ted icnuc tambanquin abentsëc sanshun mibi menedednembi, Papa, quequin padiseobon chuiposh.