Mateo 23:11 - El Nuevo Testamento en matsés

¹¹ Padnuen ambi chiacpadombuen utsibo nashunquidquio icsho Nuquin Papan: Aid bëdamboshë iquec, caindac.

Mateo 23:11 Iomraidhean Croise

Mateo 23:10

Adembidi: Chuibanquid tapa yec mibiuidtsëqui bëdambo iquec, utsibo camenuenuidi nainda. Nuquin Papan Chomiaid Quidistu uidtsëqui mibi Chuibanquid Tapa neque.

Madcos 9:35

Adnubien abi tsadacnouëshi: Cho, quiampanëdash Esus abëd icquido 12ted caic. Adoac chochoacsho isash: Chuiquid tapa icte bunquin iuan nacbimbuen utsibo tantiaquin nashunquid icta, capanëdash Esusën.

Codinto 1 9:19

Utsin iuacmaid yequi abitedishun iua namiacbimbuen umbi chuibanac ma matses dadpenquio Esuquidistu tantiaquido yannu, quequin chuibanec nebi.

Codinto 2 11:23

¿Esuquidistu chuibanquid nebi, quepecta aido iquec? Ubien Esuquidistun: Ubi chuibenneta, caidquio nec. Adquid icquin aidquio chuibanquidquio nebi. Aden chiec tantiesabimbuec onquec nebi. Utsi bëdiactsëc chonoadnuc ubien cumapenec chonoadquid nec. Adecbidi quënën tsadunaid utsi icnubi quënë utsin utsinquien tsaduntedniaid nebi. Adecbidi utsi bëdiactsëc cacuesaid icnubi iuen cacuesto cacuestoaid nebi. Mëyanac uënëstsenobi, utsi quenubi iuenquio mëyanac uënëstsen uënëstsenondaid nebi.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Cadasia 5:13

Cun utsibo, mibitedi Nuquin Papan Esus tantiamiaido nec. Adquido yanash: Ubi icsate bunaid nanu, quenda. Adec tabadenquio yec utsibobëd tantiananec nashunnanta.