Mateo 21:9 - El Nuevo Testamento en matsés

⁹ Matses dadpen bëyuc nidnubi aidtedbidi tsiuec chochopondash. Adec nidannec abitedi nadec cuëdënnidpondash: Adeduya. Cun tsusedpa Dabidën Mado yec mibi bëdamboshë iquec. Mibi chomequid Nuquin Papatsen abitedishun icbo bëdamboshë iquec. Adeduya, quec cuëdëncuededpondash.

Mateo 21:9 Iomraidhean Croise

Mateo 21:10

Adec Edusaden yacno matses dadpenquio cuëdëncuededec chochosho isashien Edusaden yacnocquido: ¿Tsutsi tantiec cuëdëncuededpec? quecuededpanëdash.

Mateo 21:15

Adosho isashien Esus chieshënquido Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido nëishpondash. Adnubien bacuëbo: Nuquin tsusedpa Dabidën Mado caid yec mibi bëdamboshë iquec, quec Esus caic cuëdënsho tantiash bëdiactsëc nëishbuedi nëishquiopanëdash.

Mateo 23:39

Nëbi ubi nidacsho iuenquio mibitedishun ubi isenquio iquendac. Iuecquiocshon mibitedishun: Ambi Chomiaid Nuquin Papan bëdambuen isaidquio bëdambo iquec, quequin ubi tantiashun padpiden mimbi ubi isuaindac.

Mateo 9:27

Auëshquio puduanec nidshobien bëshuaid daëdshun tsibambanquin cumapenec cuëdquin Esus naden chuipondash: Dabidën Mado icquin ubi daëdi bëdambuen tantiaquin ubi bëdanme, quequin cuëmpondash.

Ducas 13:35

Adsho issun Nuquin Papan mibitedi nianquiendac. Adoac Nuquin Papa tabadte shubun matses nibëdquio iquendac. Ubi nidacsho mibitedishun ubi iuen isenquio iquendac. Adshumbic iuecshun mibitedishun: Ambi Chomiaid Nuquin Papan bëdambuen isaidquio bëdambo iquec, quequin ubi tantiec tabadnuc padpidec chouaindabi, quepanëdash Esus.

Ducas 2:14

Nuquin Papa abucquio tabadquid yec bëdamboshë iquec. Nuquin Papan bëdambuen isaido matses ma bëdambuec tabadpanuna, quec cuëdëmpanëdash.