Mateo 21:5 - El Nuevo Testamento en matsés

⁵ Shubu dadpen icquid Sion caidën tabadquido chui. Min chuiquid tapa cabachubitsecquid iuëmbocquid buanmetequidën bacuë caniactsëc catsadec choeque. Is. Ancanenquio yec bëdamboshë icquidquio neque. Is, quequin chui, quequin dada uapampic.

Mateo 21:5 Iomraidhean Croise

Mateo 11:29

Cun Icbo ubi cata. Cun iuambo icquin umbi chiacpadombuen nasho mibi bëdambuen isquin dayacquiocquid icmembi. Adquid icquin mibi ancaisambo nebique. Cun Icbo ubi cata. Adsho mibi bëdambo icmendambi.

Mateo 2:2

ambocquido naden chuituidpanëdash: Min matses isadaidbon chuiquid tapa ictequidquio nëbi tishtsaidëmpi ¿midambo ictseque? Isnu. Aid tishaid tantiamete uispa ubitedishun isombique. ¿Mitsimbo ictseque? Isnu. Aidi chuiquid tapa bëdamboshë ictequidquio nec, quiash aid isnuec chopobi, quetuidpanëdash uispa isquin tantiaquido.

Mateo 2:6

Beden yacno tabadquido yec nidaid Uda caidën tabadquido mibi nec. Chuiquid tapa nibëdnuc icsambo iquendac, quedennedi mibi yacnoshon chuiquid tapa ictequid tishendac. Aidëmbi obeca dayun uaquidën dayun uacbimbuen isadaidbon chuiquid tapa icquin bëdambuen tabadmendac, quequin Nuquin Papan Esus tishte chiaid chuipanëdash Nuquin Papan Chiaid isquidon Edodes chuiquin.

Mateo 21:6

Aden abëd icquidon Esusën: Bedtan, cac bedtampondash.

Ducas 24:27

Adshumbic abi natequid chuibanquin Moisesën dada uampidbëtabi Nuquin Papan oncamiaidon dada uampidtedi tantiamequin Esusën chuibampanëdash.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Codinto 2 10:1

Pabado nebi. Tantia. Mibitedi chuinu. Cumapenec chushquenquio icquin matses bëdambuec tabadmenu, quequin chuibanquid Esuquidistu icpanëdash. Mibi yacno nidshun Esuquidistupadquid icnu, quequin ubi chieshënquidi bëdambuen tabadmenu, quequin chuibanondambi. Adoaqui ubi chieshënquido nadec onquec: Nuquibëd tabadquin dacuëdacbimbuen cumapenen Pabadon chushcainquio iccondash. Utsibo yacno nidash tabadquin dada uaquimbi cumapenen chushcaic, quequin icsambuen chuishunoshi.