Mateo 21:26 - El Nuevo Testamento en matsés

²⁶ Matsesën: Nata, caid Uan pado nepadennec, nuqui quesho tantiash nëmbo icquidon: Nuquin Papan oncamiaid Uan pado nepadennec, quequin tantiec nëishtanquin nuqui cuesnushe, quiash dacuëdec: Aden chienquien ictiad, quepanëdash Esus chieshënquido.

Mateo 21:26 Iomraidhean Croise

Mateo 11:9

Adquid icnuc ¿atotsi isnuec nidonda? Nuquin Papan oncamiaidën chuibansho tantianuec ma mibi nidondac. Adec abipadquid utsi nibëdnuc aid udictsëcquid Nuquin Papan oncamiaidquio Uan nec.

Mateo 14:5

Adshumbic Uan cuessunnete bunquimbi matses dadpen: Nuquin Papan oncamiaid Uan nec, quesho tantiashun: Aidon ubi cuessunnetsiash, quequin dacuëdënquin badedi Uan cuessunnenquio icpanëdash.

Mateo 21:11

Adsho tantiaquidon: Esusquio tantiec nec. Nuquin nidaid cuëshë Cadidea caidën shubu dadpen icquid Nasaded yacnouësh caniondaid Nuquin Papan oncamiaid Esus tantiec nec, capondash.

Mateo 21:25

¿Tsuntsin namiac Uan padon acten mentopadennec? ¿Ambembida napadennec? ¿Nuquin Papan namiacta napadennec? capondash Esusën. Adoaquien badedquio chienquio yec uannotantsëc tabadec onquecuededpondash Esus chieshënquido. ¿Atotsi nuqui chiendac? Nuquin Papan namiaidquio Uan pado nepadennec, cac Esusën: ¿Atotsi queshun aidën chiacpadombuen nainquio icconda? canushe. Aden chienquien ictiad.

Mateo 21:27

Adshumbien Esus padpiden chiec: Tsaudi. ¿Tsundan namiaquien nachitondash? queshobien: Mimbi chienquio yacpadembidi umbitsen ubi namequid chienquio iquembi, capondash Esusën.

Mateo 21:46

Adshun Esus bedtiadquio icquimbi bedenquio icpondash. Abi datsidadquidon: Nuquin Papan oncamiaidquiobi Esus bedec, queshun Esus bedsho cuessunnenushe, queshun aton matses dacuëdënquin bedenquio icpondash.

Madcos 11:32

Matsesën: Nata, caid Uan nepadennec, nuqui quesho tantiashun: ¿Atotsi nuqui capatsiash Uanën chuisho tantiondaidon? Aidon: Nuquin Papan oncamiaid Uan niondash, quequin tantiabededquin nuqui cuënoten seshun secatsiash, quec dacuëdcuededpanëdash.

Madcos 12:12

Aden utsi chiacbimbuen chuibanec Esus onquesho tantiash: Ubitedishun nabambuedquio chuibanec nec, quequin tantiec isadaidbon chuiquidon Esus bedshun mëyanmetiadquio icpanëdash. Adquido icnubi Esus onquesho tantiec matses dadpenquio tabadpanëdash. Adquid dadpen icsho isash dacuëdcuededec: Esus nëbi bedmenuna, quenquio yec nidannepanëdash isadaidbon chuiquido.

Madcos 6:20

Uan Nuquin Papa tantiaquidquio yec bëdambocquid nec, queshun dacuëdquin cuessunnetiapimbo yec Edodes Uan cudaspanëdash: Cun chidon cuessunnemenushe, quiash. Aden tantiaquin Edodesën abi tsadacno Uan chuibanmenuen chomedednepanëdash. Uanën chuibansho tantiash: ¿Mitsipadopembimbi nëid iqueba? Ambi chuibanaid bëdambo iquec. Aidën chuisho tantiash bëdambo iquebi, queshun Edodesën chomedednepanëdash.

Ducas 20:19

Aden Esusën utsi chiacbimbuen chuisho tantiash: Nuqui naid chiec Esus nec, quiash Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido Esus bedmete bunquimbi matses dadpen Esusën chuisho tantiate bunquido icsho issun dacuëdënquin Esus bedtiapimbo icpanëdash.

Ducas 20:6

Matsesën: Nata, caid Uan niondash, quesho tantiashun iccuededquidon cuënoten nuquitedi sesequin cuessunnetsiash. Nuquin Papan oncamiaidquio Uan niondash, quequin ma aidon tantiapayoc, quepanëdash isadaidbon chuiquido.

Ducas 22:2

Aid uëshë choabicnuc Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido iccuededtednequin: ¿Mitsipaden utsibo ismenquio icquin Esus bedmeshun uënës uametiad? quequin tantiec tabadpanëdash. Aden tantiaquimbi Esusën chuibansho tantiec matses dadpen icsho isash dacuëdquin Esus bedmenquio icpanëdash.

Uanën dada uaid 9:22

Nuquin Papan Chomiaid Quidistu caid Mesias Esus nec, quequido icsho Nuquin Papan Chiaid chuibante shubun puduedmenquien ictiad, quequin cun matses isadaidbon chuiquidon chiaid tantiash dacuëdquin:

Hechos 5:26

Adsho tantiashun: Quënën nauedaid puduennushe. Ista, quequin isquidon chuiquidën ambi namiaidobëd nidshun bedtanquin bëuapanëdash. Matsesën cuënoten ubi sesenushe, queshun mëyanenquio icquin Esus chuibennequido bëuapanëdash.