Mateo 21:25 - El Nuevo Testamento en matsés

²⁵ ¿Tsuntsin namiac Uan padon acten mentopadennec? ¿Ambembida napadennec? ¿Nuquin Papan namiacta napadennec? capondash Esusën. Adoaquien badedquio chienquio yec uannotantsëc tabadec onquecuededpondash Esus chieshënquido. ¿Atotsi nuqui chiendac? Nuquin Papan namiaidquio Uan pado nepadennec, cac Esusën: ¿Atotsi queshun aidën chiacpadombuen nainquio icconda? canushe. Aden chienquien ictiad.

Mateo 21:25 Iomraidhean Croise

Mateo 16:7

Adoaquien abëd icquido tantienquio yec nadec chuinampondash: Nuqui pan bëambo icbued chiequi nepanui, quecuededpondash.

Mateo 21:24

Adoaquien Esusën: En mimbia chui. Umbia tantianu. Mimbi chuisho tantiashun ubi namequidtsen mibi chiembi, capondash.

Mateo 21:26

Matsesën: Nata, caid Uan pado nepadennec, nuqui quesho tantiash nëmbo icquidon: Nuquin Papan oncamiaid Uan pado nepadennec, quequin tantiec nëishtanquin nuqui cuesnushe, quiash dacuëdec: Aden chienquien ictiad, quepanëdash Esus chieshënquido.

Ducas 14:4

aido otacquio tabadcuededpanëdash. Adsho issun podobëd nidte bidisquiaid dada Esusën mëdinquin bëdanmeshun: Nidec nid, cac nidpanëdash.

Ducas 20:5

Adoaquien badedquio chienquio yec uannotantsëc tabadec onquecuededec: ¿Mitsipaden chuitiad? Nuquin Papan namiaidquio Uan nepadennec, nuqui cac Esusën: ¿Atotsi queshun aidën chiacpadombuen nainquio icconda? canushe.

Uanën dada uaid 1:15

Aidi Uan acten mentoanquidën naden chuiuapondash: Umbi: Cun tsiuec choendac, quequin chiannebuedquio nec. Ubi udictsëcquid yec bëdamboshëcquidquio nec, umbi cabuedquio nec. Ubi tishabi icnubi aidi ëndenquimboshë icpampic, quepondash.

Uanën dada uaid 1:6

Aden Esusën chuibenniabi icnuc dada Uan cuëmëdquidba Nuquin Papan chomepanëdash.

Uanën dada uaid 3:18

Nuquin Papan Aton Mado tantiaquido cuidenquio icquimbi Aton Mado abentsëcquid tantiesa icsho cuidendac.

Uan 1 3:20

Aden chiannequid iquequi: Icsambuen nachitombi, quequin tantiaquid icshobi Nuquin Papan abitedimbo tantiaquidquio icquin icsambuen naisabimbuecnuc mibi bëdambuen isendac. Adoac Nuquin Papa dacuëdënenquio icquin chiannequid nuqui iquendac.