Mateo 21:23 - El Nuevo Testamento en matsés

²³ Adcuidanec Edusaden yacno padpidec nidshun Nuquin Papa tabadte shubu dapa daquënë uaidën puduedshun Esusën Nuquin Papan Chiaid chuibampondash. Adsho tantiashun cun matses tsësiobobëtan Nuquin Papa ismequin nëish iua cuessunneshun pichicaquidon chuiquidon Esus icsambuen chuimenuen chuituidpondash ¿Tsuntsin: Chuibanta, cac chuibanquin nai? capondash.

Mateo 21:23 Iomraidhean Croise

Mateo 20:4

Adoshombic aidotsen chuiquin: Cun tied neshcaic nidta. Mibi bëdambo icmenuen piucquid menenu, cac tied neshcaic nidposh.

Mateo 21:24

Adoaquien Esusën: En mimbia chui. Umbia tantianu. Mimbi chuisho tantiashun ubi namequidtsen mibi chiembi, capondash.

Mateo 24:1

Adash Nuquin Papa tabadte shubu dapa daquënë uaid yacnouësh puduenanec Esus nidsho istanec choshon abëd icquidon: En is, Icbo. Nuquin Papa tabadte shubu dapa bëdambuen nacnenaidquio iqueque, capondash.

Mateo 26:55

Adshumbic abi bedquido chiec: ¿Ampec cuesanquid Esus nec, queshunda cuestebëta chështe sanambededtsëquiec ubi bedec chocho? Mambi badiadquidën badiadquidënquien Nuquin Papa tabadte shubu dapa daquënë uaidën tabadquin matses tantiamenuen chuibampaboc mibitedi tabadnubi. Aden chuibanshobi ma mimbi ubi bedenquio icpaboc.

Ducas 19:47

Adoshombic badiadquidën badiadquidënquiec Nuquin Papa tabadte shubu dapa daquënë uaidën puduedtednequin Nuquin Papan Chiaid Esusën chuibampanëdash. Aden chuibansho issun: ¿Mitsipadombuen Esus bedmeshun uënës uametiad? quequin nëidtedishun tantiabededpanëdash. Nëidic Nuquin Papa ismequin nëish iua cuessunneshun pichicaquidon chuiquidon. Nëidic Moisesën chiampid tantiamequidon. Nëidic isadaidbon chuiquid utsibon.

Ducas 20:1

Adashic Nuquin Papa tabadte shubu dapa daquënë uaidën puduedshun: Nuquin Papa yacno tabadte iquec, quequin Chiaid Bëda Esusën iccuededquido chuibampanëdash. Aden chuibannubien tsësiobo yec Nuquin Papa ismequin nëish iua cuessunneshun pichicaquidon chuiquido yec Moisesën chiampid tantiamequido yec quec chochopanëdash.

Hechos 4:7

Ambo iccuededquimbi Uambëta Petedo chomeshun aidon nënantanquio nidtomeshun: ¿Tsuntsin namiac caputiapimbocquid bëdanmio? ¿Tsutsi tantiaquin nao? capanëdash.

Hechos 7:27

Adoac Moises tsicunnetanec: Umbi nasho cuidte chuiquid ¿tsuntsin mibi icmioshe? Chui. Tantianu, quetanequi: