Mateo 21:22 - El Nuevo Testamento en matsés

²² Nadatiambocquin naquidquio Nuquin Papa nec, quequin abimbo tantiaquin Abi chiannesho mimbi chiacpadombuen Nuquin Papan mibi nashuntsiash, quequin Esusën ubitedi chuipondash.

Mateo 21:22 Iomraidhean Croise

Mateo 18:19

Padpiden chuinu. Tantia. Mimbi utsi chuiquin: Nuquin Papa chuinuna, cac: Ai, adonona, quesho tantiashun aidbëtan Abi chiannesho mimbi chiacpadombuen abuc icquid Cun Pan mibi nashunendac.

Mateo 7:11

Adquid yec mibitedi icsambuen naquido icquimbi min bacuëbo tantiaquin bëdambocquid mimbi menec. Adombuembidi Nuquin Papa abuc tabadquid icquin: Ubi nashunta, Papa, quequin abi chuisho tantiashun mibi nashuntsiashe. Nuquin Papa chianneta, quequin Esusën chuipanëdash.

Mateo 7:7

Nuquin Papa ënenquio icquin chuidoneta. Aden chuidoniac tantiashun Nuquin Papan mibi menendac. Adembidi: Ubi bëdambuen name, Papa, mimbi cacpadombuen mibi namendac. Adembidi: Ubi nashunta, Papa, quequin chuidoniac tantiashun Nuquin Papan mibi nashunendac.

Madcos 11:24

Umbi chiacpadombuen Nuquin Papan naindac, quequin abimbo tantiaquin mibitedishun abi chuisho tantiashun Nuquin Papan adombuen nashunendac.

Uanën dada uaid 14:13

Ubi tantiaquido mibitedishun: Ubi nashunta, Icbo, quesho tantiashun ambi chiacpadombuen nashunendambi. Nuquin Papa bëdamboshë iquec, camenuen

Uanën dada uaid 15:7

Adshumbic Esusën padpiden chuipondash: Ubi tantiec ubëd tëshnanenquio yec tabadquin umbi chiacpadombuen nabanquidën: Ubi nashunta, Papa, cac mimbi chiacpadombuen Nuquin Papan mibi nashunendac.

Uanën dada uaid 16:24

Ënden: Min Mado Esus tantiaquid icsho ubi nashunta, papa, quequin mibitedishun Nuquin Papa chiannenquio iccoc. Adbuedi nëbi: Min Mado Esus tantiaquid icsho ubi nashunta, Papa, quequin chuita. Mimbi adoac mimbi chiacpadombuen mibi nashunquin Nuquin Papan mibi cuishoncamendac, quepondash Esus abëd icquido chiec.

Santiaco 5:16

Adquid icnuc mimbi icsambuen naid tantiaquin mibëtan Esus tantiaquid utsibobëd chuinanta. Adoshon: Nënec aton dada daicsabudquido ma bëdanmenu, queshun Nuquin Papa chuibededta. Ambi chiacpadombuen naquidën chuisho tantiashun nadatiambocquin aid nashunendac.

Uan 1 3:22

Aden: Umbi chiacpadombuen ubi nashun, quequin chianniac nuqui nashunendac. Ambi chiacpadombuen naquin abi bëdambo icmiac Nuquin Papan nuqui chianniacpaden nuqui nashunendac.