Mateo 20:8 - El Nuevo Testamento en matsés

⁸ Inchëshbudtsëqui tied icbon ambi: Chonoadquido isquid icta, caid naden chuiposh: Chonoadquido chomeshun piucquid menebanta. Tsiuec chobuedba menequin uëshë budtsëcnuc 3 icnuc chobuedo meneta. Adoshombic uëshë cuembo icnuc chobuedotsen. Adoshombic uëshë 9 icnuc chobuedotsen. Adoshombic badiadnubi abia chobuedo ënquimbi meneta, cac menequin tauaposh.

Mateo 20:8 Iomraidhean Croise

Mateo 20:7

tabadquido: Chonouanquid nibëdec, quesho tantiashun tied icbon: Mibitsen cun tied neshcaic nidta. Mibi piucquid menenu, cac tied neshcaic nidanneuaposh.

Mateo 20:9

Uëshë budec 5 icnuc chonoadec chobuedoba menequin badiadnuc bedanec chonoadacbimbuecnuc tied icbon: Aidtedquio menenu, cac aidted piucquid menebamposh.

Mateo 25:19

Iuecquio ictanniash choshombien icbon ambi piucquid meniondaido aton iuabo chuituidposh. ¿Atotsi nao? caquien

Mateo 25:31

Adshumbic Esusën padpiden abi chote chuiuapondash: Matsesën Tishaid yec abi yacnouësh abëd icquidobëd choec: Abitedishun Icbombueni nec, quiash bëchamauampambuec choequi cun tsadte dapa bëdamboshëcquidën tsadtoquin abitedimbo ismendambi.

Ducas 10:7

Mibi iuedquidën shubunuidtsëqui tabadta. Adembidi mibi iuedquidën meniaiduidtsëqui peshun acta. Mimbi chuibansho tantiaquidon mibi meniac bëdambo ictsiash. Shubun shubunquien isedbennec capuenda.

Ducas 12:42

Adoaquien Esusën: Icbon chiac ¿mitsipadquidën ambi namiaido bëdambuen namepec? Adquid chuinu. Tantia. Pete tambanshun musucshun umbi namiaid utsitedi bëdambuen menebanta, quequin ambi namiaid abentsëc chianec icbo nidposh.

Ducas 8:3

Abëd nidquid utsi Uana icpanëdash. Aidën bënë Cusa cuëmëdquid chuiquid tapa Edodes Antipas aton chuiquid icsho aid dadpen nashunquid icpanëdash. Abëd nidquid utsibic Susana icpanëdash. Adecbidi chido utsibo dadpen atona dadpen icnuc Esus nashunquin menedednepanëdash.

Codinto 2 5:10

Matsesën nabanaidtedi chuibante uëshë chonoc Nuquin Icbon nuqui nabanaidtedi chuibanendac, quequin tantiembi. Ambi chiacpaden naquido abëdi tabadmequimbic icsambuen naquido natiamequin cuidendac.

Tito 1:7

Abëtan Esus tantiaquido namequid Nuquin Papan icmiaid yec bëdambuec tabadquid nendac. Utsin: Icsambuen naquid nec, cacmaid nendac. Utsibon chiaid tantienquio icquin ambi tantiaiduidi naquidpenquio nendac. Badedquio nëishesa nendac. Adecbidi tantiadennuen acte paë uaid aquesa nendac. Adecbidi cuesnante bunesa nendac. Adecbidi atona dadpen bednuec muaquidpenquio nendac.

Ebedeo 9:28

Adecbidi matsesën icsambuen naidtedi bedshunash abided cuidadec Esus abentsequi uënëspanëdash. Adashic aidquiobidi padpidembuec nidaidën chouaindac. Matsesën icsambuen naidtedi bedshunash padpidec uënësnu, quenquio yec abi cainquidotedi abi yacno tabadmenuen bedec chouaindac.

Petedo 1 4:10

Mibitedi utsi utsien Nuquin Papan ambi tantiamiacpadombuen namiaido icquin mibëtan Esus tantiaquid utsibotsen tantiaquin nashunta.