Mateo 20:21 - El Nuevo Testamento en matsés

²¹ ¿Atotsi bunec ne? capondash Esusën. Adoaquien: Nëid cun mado daëdi nec. Abitedishun icbo yanquin mibëtan chuiquid tapa cun mado abidaëdi icmeta. Aden chuiquid tapa icmeshun min dayunquio tsadmeta. Abiuc utsi tsadunquin copioc utsi tsadunta, capondash.

Mateo 20:21 Iomraidhean Croise

Mateo 18:1

Adshobimbi ubitedishun Esus naden chuipondac. ¿Tsutsimbo mibëtan chuiquid tapambo mimbi Nuquin Papan namiacnoshon icmepatsia? quesho

Mateo 19:28

Adoaquien Esusën: Tantia. Mibi abimbo chuinu. Nuquin Papan ambi uaid abitedi chuca uacnouëshquio Matsesën Tishaid yequi chuiquid tapan tsadte dapa bëdamboshëcquidën tsadquin umbi abitedi namiacnouëshquio ubëd icquido icsho issun Nuquin Papan mibitedi matses namequid icmendac. Abuc tsadte dapa 12ted icquidën tsadquin mibitedishun namendac. Nuquin tsusedpa Acobon mado 12tedi icpampic. Aidtedshun tsiuecquidon tsiuecquidonquien isadaidbo chuiquid tapabo 12tedquiobidi mibitedi iquendac.

Mateo 20:22

Adoaquien: Umbi naid tantienquio icquin mimbi chuipec, quequin Uanën tita chuitanquin Uambëta Santiaco Esusën chuipondash: ¿Ada ubi mëyadacpadquiecbidi mëyadtsia? ¿Ada ubi uënësacpadec uënëstsia? ¿Ada chieshtoenquio ictsia? caquien abidaëdi: Ai, chieshtoenquio ictsiabi. Mibëd mëyadtsiabi, quepondash.

Mateo 20:32

Adoaquien Esusën nidtuidshun ëcbedpondash: ¿Atotsimbi mibi daëdi nashune? caquien:

Madcos 10:51

Adec chosho issun: ¿Atotsimbi mibi nashune? capanëdash Esusën. Adoaquien bëshuaidën: Iste bunebique, Cun ëshë bëdanme, Icbo, capanëdash.

Madcos 16:19

Aden chuibanquin ënshobi abuc indoac Nuquin Papan dayun abiucquio Esus tsadtuidpanëdash.

Madcos 6:22

Aden chochomiash aidobëd pec tabadnubien aton chidon champi puduedash shëcshëcquec bidiadtanepanëdash. Adec shëcshëcquec bidiadtanesho isash: Bëdambuen mimbi naoc, quecuededpanëdash Edodesbëdi ambi chochomiaido champi caic. Aden chuisho tantiashumbien Edodiasën champi chuiquin: Mibi bunaidquio mibi menenu. Ubi chui.

Ducas 18:41

¿Atotsimbi mibi nashune? capanëdash Esusën bëshuaid chuiquin. Adoaquien: Isbente bunebique. Cun ëshë bëdanme, Icbo, capanëdash.

Ducas 19:11

Aden Esusën chuisho tantiashun: Edusaden yacno niduash Nuquin Papan namiaidquio nëbi yanec, quequin utsibon cuembo tantienquio icpanëdash.

Ducas 22:24

Adashic Esusbëd icquido nadec onquec: ¿Ubitedi tsutsien chuiquidquio icpatsiash? quec cuëdnampanëdash.

Uanën dada uaid 15:7

Adshumbic Esusën padpiden chuipondash: Ubi tantiec ubëd tëshnanenquio yec tabadquin umbi chiacpadombuen nabanquidën: Ubi nashunta, Papa, cac mimbi chiacpadombuen Nuquin Papan mibi nashunendac.

Hechos 1:6

Adshobien abëd iccuededquid abentsëcshun Esus chuiquin: Iuen matses utsibon iuaquin namiaido nuquin matses isadaidbo nec. Adquid icsho issun ¿nëbimbobida mimbi nuquin matsesën chuiquid tapa icmetsiashe? Tantianu. Chui, Icbo, capanëdash.

Doma 12:10

Esus tantiaquid yec utsibobëd tantiananquiota. Ubëtan Esus tantiaquido nec, quiash aidobëd tantiananec bëdambuec isnanta.

Doma 8:34

Adquid icshoda ¿Utsibon: Aido natiamequin cuidquin Nuquin Papa nibëdacno nidmenu, queshunda naic? Padenquio. Esuquidistu abided cuidadec uënësacsho uincuenmepanëdash. Aidëmbi nëbi Nuquin Papan dayun abiucquio tsadquin nuquitedi tantiaquin: Aid bëdambuen ista, quequin Nuquin Papa chiannec.

Codosas 3:1

Esus tantiaquid icquin naden tantiata. Nuquin Papan Esuquidistubëta uincuenmiacbimbuen chuca uaid nebi. Adquid yanshun abuc Esuquidistu Nuquin Papan dayunquio abiuc tsadquin ambi namiacno ubitsen tabadtequid nebi, quequin aidquio tantiec bëdambuec tabadta.