Mateo 20:2 - El Nuevo Testamento en matsés

² Istuidshumbic: Badiadnuc bedanquin inchëshbudtsëqui mimbi ënacsho badiad abentsëc meneteted mibi piucquid menenu. Chonoadec nidta, cac: Ai, quiash chonoadec chochoposh.

Mateo 20:2 Iomraidhean Croise

Mateo 18:28

Adoac nidquimbien aid iuan ambi: Ma ubi meneuanu, quequin piucquid daëdpactsëc meniondaid abipadquid iua utsi istuidposh. Istuidshumbic bedtanquin tëtëdinquin: Mimbi bedondactedi piucquid bec cho. Cuessunnechitomane, caquien

Mateo 20:1

Adshumbic ubitedi Esusën utsi chiacbimbuen naden chuiuapondash: Tantia. Ubi tantiaquido Nuquin Papan namete mibi chuinu. Badiadnubi tied icbo nidquin piucquid menequin aton tied neshcamenuen matses istuidnuec nidposh.

Mateo 20:13

Adoaquien tied icbon: ¿Chieshanquiectabi ique? Umbi: Nëidted piucquid mibi menenu. Chonoadec nidta, cac ma mibi: Ai, quepaboc. Mambi aidtedquiobi mibi menepaboc.

Mateo 20:3

Uëshë abuctoec 9 yannuc tied icbon matses tabadte yacno nidshun utsibo chonoadenquio yec tabadsho istuidposh.

Mateo 20:9

Uëshë budec 5 icnuc chonoadec chobuedoba menequin badiadnuc bedanec chonoadacbimbuecnuc tied icbon: Aidtedquio menenu, cac aidted piucquid menebamposh.

Mateo 22:19

quetanquin chuiuaquin: Chuiquid tapa menetequid piucquid shocosh tsasicquid isnu. Bec cho, cac

Mateo 9:37

Adshumbic abëd icquido naden chuipondash: Pete dadpenquio nitsinshun sinaid bedtanenquio icac mëyadec chodquequid. Adecbidi Nuquin Papan Chiaid chuibanquido daëdpactsëcquio icnuc matses dadpenquio icsambuec tabadeque.

Madcos 12:15

Adoaquien: Ubi icsambuen chuimenuec adec onquec, quequin ambibi tantiash: ¿Atotsi queshun ubi aden icsambuen chuimetiadquio ique? quetanquin: Piucquid tsasicquid abentsëc bec cho. Isnu, quepanëdash Esus.

Ducas 1:15

Min mado Nuquin Papan bëdambuen isaidquio iquendac. Acte paë uaid min madon aquenquio icquin isuidendac. Aid tishabicshobi Nuquin Papan aton Mayan Bëda meniaidquio min mado iquendac.

Ducas 10:35

Adshumbic badiadshun ushte shubu icbo naden chuiquin abentsëc ushec badiad daëdec chonoadacsho meniacted piucquid meneposh. Nidebique. Umbi bëbued bëdambuen isquin nashunta. Mimbi aid nashunquin umbi menebued uessun mitsanambi nashunaid icnuc chouashun cuidquin mibi piucquid menendambi, quequin chianec ampequidon cuestanquin nianaid nashumbued nidposh, quepanëdash Esus.

Ducas 20:24

Piucquid shocosh tsasicquid denadio caid ubi isme, cac ismiaquien: ¿Tsutsibimbuec bëisadquid icnubi tsuntsin cuëmëdquid aidën dada uaid iquec? capanëdash Esusën. Adoaquien: Chuiquid tapambo Sesad nec, quepanëdash.

Timoteo 2 3:15

Ënden bacuëmpi icquimbi Nuquin Papan Chiaidquio min matsesën chuibansho mimbi tantianëdac. Adshun: Aton Mado Esus tantiaquid uënësacsho abëdi Nuquin Papan tabadmendac, quequin mimbi tantiabennëdac. Aden Nuquin Papan bëdambuen isquin cuidenquiocte tantiametembo Nuquin Papan Chiaid nendac.

Esusën Uan ismiaid 6:6

Adnubien dadanobi ëshëcquido dacuenadec tabadaid nënantanuëshquio naden chiec onqueposh: Piucquid dadpenquio meniac aton iuë daëdpactsëcnuc tambanshun pete utsi utsien daëdpactsëc menianquid iquendac, quequin pete utsi utsiec nibëdte chuiposh. Adshumbic pete tidico caid ambocquido abentsëc utsi utsien nibëdmetanquin tiedën icquid pete ambocquido 3ted icnuc utsi utsien nibëdmenquio icquin nata, quequin chuiposh. Adoshombic bëchibëta uba chinaid paë uaid nibëdquio yanmenda, quequin chuiposh.