Mateo 2:15 - El Nuevo Testamento en matsés

¹⁵ Adec nidash ambobi tabadpanëdash. Isadaidbon chuiquid tapa Edodes uënësabi icnuc ambo tabadpanëdash. Esus tishabi icnubi ëndenquimboshë Nuquin Papan tantiamiac ambi oncamiaidën Esus Equipito yacno buante naden chuiquin dada uapampic: Equipito yacno nidash tabadsho: Auëshquio cho, Mado, caindambi, quiosh Nuquin Papa, quequin dada uapampic.

Mateo 2:15 Iomraidhean Croise

Mateo 1:22

Aden Nuquin Papabëd icquidën Esus tishte chiaid Nuquin Papan ambi oncamiaid Isayas naden chuiquin dada uamepampic:

Mateo 2:14

Aden ushquin ismiac isucuntanequi aid inchëshëmbi puduanquin Osen aton bacuëbëta aidën tita buanec nidaid utsi Equipito yacno nidpanëdash.

Mateo 2:17

Aden cuessun secate ëndenquimboshë Nuquin Papan ambi oncamiaidquio Edemias naden chuiquin dada uamepampic:

Mateo 2:19

Iuecquio ictanniashic isadaidbon chuiquid tapambo Edodes uënëspanëdash. Adambic nidaid utsi Equipito yacno tabadsho Nuquin Papabëd icquidën Ose ushquin ismequin naden chuipanëdash:

Mateo 2:23

Adec nidec shubu dadpen icquid Nasaded yacno choash ambobi tabadpanëdash. Nasaded yacnocquid Nuquin Papan Chomiaid nendac, quequin Nuquin Papan oncamiaidon chuiquin dada uampicpadec ambo tabadequi Esus canipanëdash.

Mateo 21:4

Esusën nate Ambi Chiaid Nuquin Papan ambi oncamiaid dada uamiampicpadombuen nanuen Esusën adopondash. Naden chuiquin dada uapampic:

Mateo 26:54

Nuquin Papan aden ubi cudasmiac bedtiapimbo icsho ¿Mitsi paden Nuquin Papan Chiaid chuiquin dada uamiampicpadombuen ubi aden bedpatsiash? capondash pateshunnianquid chuiquin.

Mateo 26:56

Bedenquio icbuedëmbi Nuquin Papan tantiacpadënquiobi mimbi ubi bedec. Aden ubi bedshun mëyante chuiquin Nuquin Papan oncamiaidon dada uampicpadombuembi mimbi ubi bedec, quequin chuinubini Esus abentsëqui nianec ubitedi niquepondac.

Mateo 27:35

Adshobien cueste napotiaidën dectampanëdash. Dectanshumbic ambi dachicbued: Esusën dashcute bednu, quequin sondadobon abi cuëmëdquidtedi dada uabanshun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Mateo 8:17

Daicsaidobëta nënquido bëdanmendac, quequin ëndenquimboshë Nuquin Papan Esusën nate chuiquin ambi oncamiaid Isayas dada uamepampicpadombuen napanëdash Esusën. Naden chuipampic: Nuqui daicsaidbëta nuqui nënaid bedshunquin bëdanmendac, quequin chuipampic Isayasën.

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Uanën dada uaid 19:28

Aden chuitanec uënësnushi Esus: Cun Pan chiacpadombuen nainombi. Matses tantiec ubided cuidadec uënësebi, quequin tantiec cun tsusedpan dada uaquin chiampicpadec: Acte bundobi, quepondash Esus.

Uanën dada uaid 19:36

Nuquin Papan tantiamiac cun tsusedpan: Canite podquënenquio iquendac, quequin chuiquin dada uampicpadombuen Esus canite podquënenquio icpondash.

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.