Mateo 19:9 - El Nuevo Testamento en matsés

⁹ Tantia. Chuinu. Aton chido dada utsi chudmesa icshobi aid cuenmequimbi chido utsi bedquin Nuquin Papan Chiaid niaquec icsaindac, quepondash Esus.

Mateo 19:9 Iomraidhean Croise

Mateo 19:10

Adshobien abëd icquidon: Adotiapimbo icte mimbi chuipec. Aton chido nianenquio icte mimbi chuisho tantiashun: Dadan aton chido bedenquio yac bëdambo ictsiash, caimbi, capondash.

Mateo 19:8

Adsho tantiashun Esusën naden chuipondash: Ai, min tsusedpabobëd mibitedi Nuquin Papan chiacpadec aton chidobëd bëdambuec tabadenquio yec icsambuec tabadsho issun Nuquin Papan Moises aden chuiquin dada uamepampic. Tauambuen matses uaquin Nuquin Papan aden chiambo icpampic.

Mateo 5:32

Utsitsen mibi chuinu. Aton chidon dada utsi chudmesho istuidshun Moisesën chiacpadombuen naic icsainquio ictsiash. Aton chido dada utsi chudmesa icshobi aton bënën ambembi dada uaid menequin aton chido cuenmiac icsambo iquec. Aden cuenmequin chido icsametsiash. Chido cuenmiaid bedquidtsen dada icsaindac, quepanëdash Esus.

Ducas 16:18

Adashic utsi chiec: Aton chido bunenquio icquin aid nianquin chido utsi bedquin Nuquin Papan Chiaid niaquec icsaindac. Adecbidi aton bënën niambued chido bedquin Nuquin Papan Chiaid niaquec icsaindac, quepanëdash Esus.

Codinto 1 5:1

Mibëd Esus tantiec iccuededquid abentsëcshun aton papan chido aton titatsibi bedaccosh, quequin chiec onquesho tantiombi. Aden ambi natemaidi bedshun chudaid icsamboshëcquid nec. Nuquin Papa tantiesabombi aden nambo iquec.

Codinto 1 7:39

Chidon dadan bedaid icquin aton bënë uënësabi icsho nianec cuenesa nec. Bënë uënësambien dada utsin bedadquid. Cun bënë uënësoshe. Dada utsi bedmenu, queshun Esus tantiesa bedmenda.

Codinto 1 7:4

Chidon dada aton bënënabidi yec aidbëd ictequid nec. Adecbidi dadan dada aton chidonabidi yec aidbëd ictequid nec.