Mateo 19:3 - El Nuevo Testamento en matsés

³ Adnubien Esus yacno choshon padiseobon Esus chieshënquin: Nuquin Papan Chiaid icsambuen chuimenu, queshun Esus naden chuituidpondash: Aton bënën aton chido icsambuen nabi icshobi ambembi chuiquin dada uashun cuenmiac ¿ada bëdambo icpatsiash? capondash.

Mateo 19:3 Iomraidhean Croise

Mateo 16:1

Adnubien padiseobobëtan saduseobon: Esus icsambuen namenuna, quiash Esus yacno choshon naden chuipondash: Nuquin Papan Chomiaid nebi, quequin Aidën namiac nadatiambo icquin nabanquin ubi isme, cabededpondash.

Mateo 22:35

chochoshon abentsëcshun Moisesën chiampid tantiamequidquio icquin Esus icsambuen chuimenuen naden chuituidpondash:

Madcos 10:2

Aden chuibannubi padiseobon chieshënquin: Nuquin Papan Chiaid icsambuen chuimenu, queshun Esus naden chuituidpanëdash: Aton bënën dada uaid menequin aton chido cuenmete tantiaquin ¿Mitsi paden mimbi chuipe? Tantianu. Ubi chui, capanëdash.

Madcos 12:13

Adec nidshun padiseobobëd icquidobëta Edodesbëd icquido istuidshun: Nëidon icsambuen chuimetsiash, queshun Esus yacno nidmepanëdash.

Madcos 12:15

Adoaquien: Ubi icsambuen chuimenuec adec onquec, quequin ambibi tantiash: ¿Atotsi queshun ubi aden icsambuen chuimetiadquio ique? quetanquin: Piucquid tsasicquid abentsëc bec cho. Isnu, quepanëdash Esus.

Uanën dada uaid 8:6

¿Atotsi Esusën chieque? Nuquin Papan chiampidquio chienquio icsho: Mimbi icsambuen chiec, catiad, queshun: ¿Adembidida mimbi tantie? capondash. Adoaquien Esusën ëcbedenquio icquin shuebudshun mëdante dëshbin nidaidën dada uapondash.

Codinto 1 7:10

Adec dadan aton chido bedshun aidbëd icsho umbi tantiacpaden chienquio icquin Nuquin Icbon chuinëdaidquio mibi chuinu: Aton chido icquin min bënë nianec cuenenda, quequin chuipanëdash.

Ebedeo 3:9

Shubu nibëdacno seta 40ted matanmec capucuennequin tsusedpabon umbi nadatiambocquin nadennesho isquimbi: ¿Ambi Chiaid niacshodabi Nuquin Papan ubitedi cuidnuc? queshun chieshquin min tsusedpabon umbi chiacpadombuen nate bunenquio icpampic.