Mateo 19:22 - El Nuevo Testamento en matsés

²² Adoaquien cania: Cuna dadpenquio icquid uesquin menetiapimbo iquebi, quiash uënësquio icquin Esusën chiacpadombuen natiapimbo yec nidpondash.

Mateo 19:22 Iomraidhean Croise

Mateo 13:22

Pete ëshë utsi nisanquid dadpen dëyucaid yacno paëdaidbimbuecquid nad iquec. Nuquin Papan Chiaid chuibansho tantiashun ambi dadpen tantiaiduidi tantiec chieshtoendac. Utsibic ambi bedteuidi tantiaquin nabanec abibi mua uadec chieshtoshon tantienquio yanuaindac. Adquido Nuquin Papan Chiaid tantiesabo yanshun bëdambuec tabadaid utsibo tantiamenquiocquid yanendac. Adquid nisanquidën bëtinac bacuëtiapimbo yacbimbuecquido nec.

Mateo 14:9

Adoaquien Edodes uënësquiocquin ambi chuibued niactiadquio icpanëdash. Umbi chochomiaidon: Mibi muambo nec, canushe, quetanquin champin chiacpadombuen aton iuabo chuiquin: Uan mapi butetanquin champi mene, capanëdash.

Mateo 16:26

Abi bunaid dadpenquio bedbanec Ubi tantiesa yec uënësash Nuquin Papa yacno puduedtiapimbo iquendac. ¿Adquidta bëdambo icpadic? ¿Nuquin Papa piucquid menecta matses aid yacno puduedpatsiash? Padenquio.

Mateo 19:21

Adsho tantiashumbien Esusën: Nuquin Papan Chiaid nabanquidquio yec bëdamboshë icquid icte bunquin mimbi dayun uaidtedi uesquin menequin piucquid bedta. Aden bedshumbic piucquid nibëdquido mitsana uesquin menebanta. Adosho issun abëd tabadmenuen Nuquin Papan mibi bëdambuen istsiashe. Adota. Adotanec ubëd iquec cho, capondash.

Mateo 19:23

Adsho issun Esusën abëd icquido naden chuipondash: Tantia. Abimbo chuinu. Atona dadpen dayun uaquid atonauidtsëqui tantiec Nuquin Papan namiacno puduedtiapimbo iquendac.

Mateo 6:24

Adshumbic naden Esusën chuipanëdash: Adecbidi chuiquid daëd icnuc aid daëdshun namiaid mibi ictiapimbo iquec. Abentsëcshun chiaiduidi tantiaquin utsin chiaid nainquiocquin mimbi aid chieshënec. Adquiobidi piucquid bedteuidi tantiaquid icquin Nuquin Papan chiacpadombuen mimbi natiapimbo iquec, quequin Esusën chuipanëdash.

Madcos 10:22

Adsho tantiash: Cuna dadpenquio icquid uesquin menetiapimbo iquebi, quiash uënësquimbo yec atona dadpen icquid nidpanëdash.

Madcos 6:26

Adsho tantiash Uan tantiec Edodes uënësquio icpanëdash. Adec uënësquiocquimbi ambi chuibued niacte bunquimbi niactiapimbo icpanëdash. Umbi chochomiaidon: Mibi muambo nec, canushe, quetanquin:

Ducas 18:23

Aden Esusën chuisho tantiashien: Cuna dadpenquio icquid uesquin menetiapimbo iquebi, quiash uënësquio yec atona dadpen icquid Esusën chiacpadombuen natiapimbo yec nidpanëdash.

Uanën dada uaid 16:20

Tantia. Mibitedi abimbo chuinu. Ubi uënës uasho isash mibitedi uënësquio icnuc shubicuedednubi ubi tantiesabo cuishonquendac. Adec uënësquio icnuc shubibuedobi mibitedi cuishonquianendac.

Epeso 5:5

Nadquido icsambo iquec. Nëidic ambi chudtemaidi chudquido. Utsibic ambi natemaid utsi naquin mëmunesabo. Utsibic ambi tantiaiduidi dadpen bunquin bedquido. Aden naquido: Ambibi nacnenash: Ubi uaquidien nec, quiacbimbuen Nuquin Papa tantiesabo nec. Aidotedi Nuquin Papan Esuquidistubëtan namiacno tabadtiapimbo iquendac.

Codosas 3:5

Adec Esuquidistubëd tabadec bëdamboshëcquid iquendabi, quequin tantiaquin mimbi icsambuen nabanaidtedi cuessun secacbimbuen mibitedishun ëmbanta. Adshun: Umbi chudtemaid chudnu, quenquio icquin ënta dadan. Umbi chudmetemaid chudmenu, quenquio icquin ënta chidon. Aden natemaid bunmec dasiuidenda. Adembidi mimbi icsambuen nate bunaidtedi ënta. Adembidi mitsana dadpen bedteuidi bunaid ënta. Mimbi: Bednu, quequinuidi tantiaid matsesën ambibi nacnenshun: Papa, quequin tantiacbimbuecquid mibi bedte bunaid nendac.