Mateo 18:9 - El Nuevo Testamento en matsés

⁹ Adecbidi ëshën isec mibi icsaic. Ëshë chicshun uannombo neshunac istiapimbo yacbimbuen mimbi icsambuen naid ënta. Ënenquio icsho Nuquin Papan chian annëdënquiacno mibi nësecaindac, quequin Esusën chuipondash.

Mateo 18:9 Iomraidhean Croise

Mateo 16:26

Abi bunaid dadpenquio bedbanec Ubi tantiesa yec uënësash Nuquin Papa yacno puduedtiapimbo iquendac. ¿Adquidta bëdambo icpadic? ¿Nuquin Papa piucquid menecta matses aid yacno puduedpatsiash? Padenquio.

Mateo 18:8

Aden Nuquin Papan cuidte chuisho tantiaquimbi icsambuen nainda. Mëdanten naic mibi icsaic. Mëteshun uannombo neshunac bedtiapimbo yacbimbuen mimbi icsambuen naid ënta. Taën capuec mibi icsaic. Tateshun uannombo neshunac caputiapimbo yacbimbuen mimbi icsambuen naid ënta. Ënenquio icsho Nuquin Papan mibi chian annëdënquequid nësecaindac.

Mateo 19:17

Adoaquien Esusën: ¿Mitsipadquid bëdambocquid cai? Nuquin Papa abentsëcquiobi bëdambocquid nec. Aidbëd ënëdenquio yec tabadnuen Ambi Chiaid Moises dada uamiampidtedi nata, capondash.

Mateo 5:22

Nadquidotsen cuidtequido nec, quequin chuinu. Tantia. Aton matsesbëd nëishnanash baded bëdanenquio icquid icsho Nuquin Papan cuidtequid nendac. Utsibic chieshëmënec icsambuec chuishumënquido isadaidbon chuiquidon cuidtequid nendac. Utsibic aton matses chieshënquin cuessunnemete bunquin: Shëpi, caquin icsambuen chuishunquido Nuquin Papan chian annëdënquequid nësecaquin cuidtequid nendac.

Mateo 5:29

Min ëshën isquin mimbi icsambuen naic. Ëshë chicshun uannombo neshunac istiapimbo yacbimbuen mimbi icsambuen naid ënta. Ënenquio icquid Nuquin Papan chian annëdënquiacno nësecaquin cuidtequid nendac.

Madcos 9:47

Adembidi min ëshën isquin icsambuen naquin Nuquin Papan Chiaid niaquec mibi icsaic. Ëshë chicshunac istiapimbo yacbimbuen mimbi icsambuen naid ënta. Ënenquio icsho Nuquin Papan ënëdenquio yec chian annëdënquiacno nësecaquin cuidnushe.

Hechos 14:22

Aidtedi yacno chouaquin Esus tantiaquido naden chuibampanëdash: Natiamiantequid iquendac. Adquid icnuc Nuquin Papan namiacno tabadtequid nebi, quequin Esus tantiec chieshtoenquio yec tabadta, capanëdash Pabadon.

Ebedeo 4:11

Nuquin Papabëd tabadtequid nebi, quequin tantiaquin Esuquidistu tantiaquionona. Nuquin Papan Chiaid tantiesa yanash tsusedpabo Nuquin Papan chiacno tabadambo yampicpadecbidi tabadtiapimbo icmane, queshun aid tantiaquionona.

Esusën Uan ismiaid 21:27

Ambo Nuquin Papan: Icsambuen naic, caido puduedtiapimbo iquendac. Ambi papa canun nacnenaid tantiaquido adecbidi puduedtiapimbo iquec. Obecabimbuecquid tantiaquidoen puduedendac. Aden tantiaquid icsho: Cun Pa yacno tabadmetequid nëid nec, queshun dadauate dapan aton cuëmëdquid dada uaidouidtsëqui ambo puduedendac.