Mateo 18:10 - El Nuevo Testamento en matsés

¹⁰ Adashic padpidec: Nadquid bacuëmpin ubi tantiactsëcsho issun: ¿Adtsëcquidëmpinquioda bëdambuen tantiapaid? cainda. Nuquin Papabëd icquidon aid bacuëbo dayun uaquid icquin Nuquin Papa yacno puduedshun mimbi mamënshumbued tantiaquin Nuquin Papa ënenquio icquin bëisquin chiendac. Adtsëcquidëmpi mamënshunenda.

Mateo 18:10 Iomraidhean Croise

Mateo 1:20

Aden Osen tantiasho Nuquin Papan abëd icquid budmiaidën naden chuiquin Ose ushquin ismepanëdash: Dabid yampidën tsiuecquid icsho mibi chuinu. Tantia, Ose. Chudenquio icquin Nuquin Papan Mayan Bëdan Madia bacuë usundomiaque. Dacuëdenda. Dacuëdenquio icquin Madia min chido icmequin min shubuno buanta.

Mateo 12:20

Acte pia abentsëc podquëdaid teshunnenquio yacbimbuen matses ambi icsambuen naid tantiec uënësquio icsho shubimenquio iquendac. Tabote uënëstiadtsëcquio icquid dëbedquin uënësmenquio yacbimbuen matsesën ambi icsambuen naid ënte bunsho mëyadmenquio icquin bëdambuen isendac.

Mateo 18:14

Adecbidi bacuëbon ubi tantiabensho isash Nuquin Papabëd cuishonquendabi bënnudaid istuidacbimbuec. Icsambuen naquido cuidacno bacuëbo nidmete Nuquin Papa bunenquio iquec, quepondash Esus.

Mateo 18:6

Adshumbic padpiden chiec: Nëid bacuën ubi tantiasho icsambuen namequin cuëshëdmesho issun cuënote iuëmbocquid tëdectanquin tëtanetanquin acte dapa ëquëducquioshë yacno nënepatecnëdan.

Mateo 2:13

Adec Esus isuambuedo uispa isquido nidambien Nuquin Papabëd icquidën Ose ushquin ismequin naden chuipanëdash: Isucunanec cuenta. Bacuëmpi aton titabëta buanec nidaid utsi Equipito yacno cuenta. Nuquin Papan: Cho, cabi choenda. Ambobi tabadta. Edodesën: Bacuëmpibo cuessun secatan, cac chochoeque. Cuenta, quequin Ose ushquin ismepanëdash Nuquin Papabëd icquidën.

Mateo 2:19

Iuecquio ictanniashic isadaidbon chuiquid tapambo Edodes uënëspanëdash. Adambic nidaid utsi Equipito yacno tabadsho Nuquin Papabëd icquidën Ose ushquin ismequin naden chuipanëdash:

Mateo 24:31

Adnuc nua shoncanubimbi Nuquin Papabëd icquidombo naden chuiquin: Ubi tantiaquido bedtan, caindac. Adoac nidaid utsi utsiec yacno nidanneshun ubi tantiaquido abitedimbo bedtanendac.

Ducas 1:19

Adoaquien: Cabadied nebi. Abëd tabadquin Nuquin Papa nashunquidquio nebi. Aidëmbi ambi tantiacpadombuen mibi Chiaid Bëda tantiamenuen chomebued nebique.

Ducas 10:16

Aden chuishumbic ambi: Chuibennec nid, caido chiec: Mibitedishun chuibansho tantiaquido yec ubi tantiaquido nendac. Utsiboen mimbi chiaid tantiesabo yec ubi tantiesabo nendac. Aden ubi tantiesabo icquin ubi chomequid Nuquin Papa tantiesabotsen nendac, quequin Esusën chuipanëdash.

Ducas 16:22

Uëshë utsimbi atona nibëdquid Dasado uënësso issun Nuquin Papabëd icquidon abuc buanshun aton tsusedpa Abadauanën dayunquio tsadumposh. Adoambic atona dadpen icquidtsen uënësacsho chococaposh.

Hechos 10:3

Adquid yec uëshë utsin uëshë budtsambi 3 yannuc ushquin isacbimbuen Nuquin Papabëd icquidquio abi yacno puduedsho Codnedion ispanëdash. Adec choshon: Codnedio, capanëdash.

Hechos 12:15

Adoaquien: Abimbo caic, cainquiocquin: Tantiadenashien nec. ¿Aidquio ispashida neba? capanëdash iccuededquidon. Adoaquien: Ma aidquiobi nepaboc, caquien: Petedo dayun uaquid Nuquin Papabëd icquid isashien nechitec, quepanëdash tantiashunenquio yec.

Hechos 12:23

Aden chuisho tantiash: Mimbi Nuquin Papa caidpenquio nebique. Aid abia yampid abentsëcquiobi neque. Aidquio tantiata, quequin chuitiadquidëmbi chienquio icsho tantiashun Nuquin Papan abëd icquid budmiaidën badedquio chichan dadpen dapuduedmiaidën piac Edodes badedi uënëspanëdash.

Hechos 27:23

Nuquin Papan iuambo yec aid nashunquidquio nebi. Adquid icsho inchëshën abëd icquid ambi budmiaid isadcuenshun naden chuiposhi:

Hechos 5:19

Adnubien aid inchëshëmbi Nuquin Papan abëd icquid budmiaidquio choshon shëcuë bëtashaid bëcadoquin abitedi puduenmec:

Doma 14:10

Adquid icnuc ¿Atotsi queshun mibëtan Esus tantiaquid: Icsambocquid nec, quequin mimbi chuishumpe? ¿Atotsi queshun mibëtan Esus tantiaquid mimbi icsambuen chuishunquin mamënshumpe? Nuquin Papanuidtsëqui matsesën naidtedi tantiaquid icquin: Nëid bëdambocquid nec. Nëid icsambocquid nec, quequin matses abitedishun tantianuc nuqui chuimendac.

Doma 14:21

Ubëtan Esus tantiaquido chieshtonoshe, queshun ambi petemaid pambid penquio icquinc ambi actemaid acte paë uaid aquenquio icquinc ambi natemaid utsi nainquio icquinc cac bëdambo ictsiash.

Doma 15:1

Tantia. Chuinu. Esus tantiaquidquio icquin Esus tantiabentsëcquid chieshënenquio icquin bëdambuen isnuna. Aid tantiaquin nashunquin nuqui bunaiduidi nainquio icnuna.

Codinto 1 11:22

¿Mibitedishun peshun aquec tabadte min shubuda nibëdpec? ¿Atotsi quequin mimbi Nuquin Papan tantiamiac Esus tantiaquido iccuededquido icshobi icsambuen chuimepe? ¿Atotsi quequin atona nibëdquid icshobi natiamequin dacuëdmepe? ¿Atotsimbi chuipe? Mimbi bëdambuen nabanec ¿capendambi icpe? Padenquio iquembi.

Codinto 1 16:11

Adquid icsho: ¿Ubëd icquidta nedic? quequin chieshënenquio icquin iuedta. Adoac aidi: Ambo nidnu, quesho bëdambuen isquin nashunta. Ma ubi isec chono. Esus tantiaquid utsibobëd Timoteo chosho isnuen cainec tabadebique.

Codinto 1 9:22

Adecbidi Esus bëdambuen tantiabenabictsëcquido yacno nidash aido tabadacpadecbidi tabadobi: Ma Esus tantiabenquiono, quiash. Adecbidi matses utsi utsiec yacnouësh aido tabadacpadecbidi tabadobi: Ma Esuquidistu tantiaquido utsi utsiec yampanu, quiash.

Codinto 2 10:1

Pabado nebi. Tantia. Mibitedi chuinu. Cumapenec chushquenquio icquin matses bëdambuec tabadmenu, quequin chuibanquid Esuquidistu icpanëdash. Mibi yacno nidshun Esuquidistupadquid icnu, quequin ubi chieshënquidi bëdambuen tabadmenu, quequin chuibanondambi. Adoaqui ubi chieshënquido nadec onquec: Nuquibëd tabadquin dacuëdacbimbuen cumapenen Pabadon chushcainquio iccondash. Utsibo yacno nidash tabadquin dada uaquimbi cumapenen chushcaic, quequin icsambuen chuishunoshi.

Codinto 2 10:10

Mibitedi dacuëdmenu, quenquio icnubi umbi dada uaondaid issun naden utsin utsinquien chiec: Cumapenec chushquequin chuiquidën chiacbimbuen Pabadon dada uac. Nëmbo choshon aden chuitiapimbo iquec. Tantiadtiapimbo icnuc chuibanondash, quequin aidon ubi icsambuen chuishunec.

Cadasia 6:1

Cun utsibo, Nuquin Papan Mayanën tantiamiaid icquin mibëtan Esus tantiaquidën icsambuen nasho issun: Esus tantiaquid adesambo neque. Bëdambuequien tabadtiad, quequin bëdambuen chuita. Mibibi datantiadec: Esus bëdambuen tantienquio yec adecbidi icsatsiabi, quequin tantiaquin: Bëdambuec tabadnuna, quequin chuita.

Tesadonica 1 4:8

Aden chuisho tantiashun umbi chuibambued niacquin matsesën chiaidpenquio mibitedishun niaquendac. Aton Mayan nuqui menequidën Nuquin Papan Chiaidquio mimbi niaquendac.

Timoteo 1 4:12

Mibi cania neque. Bëdambuec tabadta, mado. Ënden caniaidon: Caniampi icquin Nuquin Papan Chiaid mimbi tantienquio iquec, canushe. Bëdambuec tabadta. Esus tantiaquido utsibotsen ma ubi yacpadec bëdambuec tabadnu, quiash adta. Bëdambuec onquequinc matses tantiaquinc Esus tantiaquinc Nuquin Papan Chiaid niaquenquio icquinc caic bëdambuec tabadta.

Ebedeo 1:14

Padnuen abëd icquido Nuquin Papa nashunquido nec. Adembidi Nuquin Papan: Esus tantiaquido ubëd tabadtequido neque. Nashuntan, quequin chometequido nec.

Ebedeo 9:24

Nidaidënshun Nuquin Papa abuc tabadtebimbuecnuc matsesën nacnenaidën tabadte shubun Esuquidistu aton intac buanec puduedenquio icpanëdash. Aton Papa abuc tabadacnombo puduedshun abi tantiaquido icsho nuqui tantiaquin: Papa, ubi tantiaquid neque. Bëdambuen ista, quequin Nuquin Papa abi chiannec.

Esusën Uan ismiaid 8:2

Adnubien Nuquin Papabëd icquidombo 7ted: Nuquin Papan chiacpadombuen nanu, quec aid bëisec nidtoash tabadposh. Adsho issun 7ted icquid shoncate icbo icbuen menebamposh.