Mateo 17:9 - El Nuevo Testamento en matsés

⁹ Adtanec macuësh budequi Esus: Mimbi isbued nëbi utsibo chienda. Matsesën Tishaid icshobi uënës uamiac ubi uincuenacsho issumbi chianta, quepanëdash ambi buanaido chiec.

Mateo 17:9 Iomraidhean Croise

Mateo 12:16

Adshumbic ambi bëdanmebuedo chuiquin: Aidën bëdanmioshi, quequin utsibo chienda, quequin Esusën chuipondash.

Mateo 17:12

Adquid Ediasbimbuecquid chondash. Choacsho tantienquio icquin matsesën abi bunacpaden cuessunepanëdash. Adembidi Matsesën Tishaid icsho ubitsen chieshënquin uënës uamendac, quequin chuipanëdash.

Mateo 17:20

Nuquin Papambo tantiaquioquin mimbi bëdambuen natsenac. Cute mostasa caid ëshë pistsëcquio yacbimbuen mimbi ubi bëdiactsëc tantiatsec. Aden bëdiactsëc tantiaquid icquin nëid macuësh cain: Nëmbo icbuedi uanno mannëdta, cac ambo ictsiandac. Adembidi: Umbi natiapimbo ictequid nec, mimbi caidi mimbi: Ubi bëdambuen nameta, Papa, quequin abi chuidonesho issun aidëmbi mibi nametsiash. Nëbi umbi dapuduenmebued abembi cuentiapimbo icquid nec. Nuquin Papauidtsëqui tantiaquin buna mëmunquin Nuquin Papa chianneshun adquid dapuduenmetequid nendac, quequin Esusën abëd icquido chuipondash.

Mateo 17:22

Adanec aton nidaid Cadidea yacno capucuennequimbi Esusën ubitedi naden chuiuapondash: Matsesën Tishaid icshobi ubëd icquid abentsëcshun chieshëmënquido ubi bedmendac.

Mateo 17:23

Adoac ubi uënës uamendac. Aden ubi uënës uamiacsho chococaquini daëdec ushash uincuenendac, quesho tantiatanequien abëd icquido uënësquio yanec shubiantiadtsëcquio yancuededpondabi.

Mateo 17:8

nidtoquimbi Esus abentsëqui icsho ispanëdash.

Mateo 8:20

Esusën: Tantia. Mibi chuinu. Bëdi chëshë aton shëcuën ushquid. Uicchun aton shubu uash abuc ushquid. Padnueni Matsesën Tishaid yequi cun shubu nibëdnuc ubi ushte nibëdec, capanëdash.

Mateo 8:4

Aden bëdanmetanquin Esusën: Umbi mibi bëdanmebued utsibo chuibanenda. Adenquio icquin nëish iua cuessunneshun pichicaquid yacno nidshun min dada ismeta. Adembidi Moisesën chiampicpadombuen nanuen Nuquin Papa ismetequid buanec nidta. Ma adosho issun nëish iua pichicaquidon: Aton dada daush daushpambo yec daicsaidquio icbuedi bëdanmiaid nec, quequin ma tantiapanu, quequin Esusën chuipanëdash.

Madcos 8:30

Adsho tantiashun: Mimbi chuibued utsibo chienda, capanëdash Esusën.

Ducas 8:56

Adosho isash tantiadempambo yec aton titabëd aton papa tabadpanëdash. Adsho: Mimbi isbued utsibo chuibanenda, capanëdash Esusën.

Ducas 9:36

Adec onquian Esus abentsëqui icsho abëd nidbuedon ispanëdash. Adoshon ambi isbued utsibo chienquio icpanëdash.