Mateo 17:5 - El Nuevo Testamento en matsés

⁵ Adec Petedo onquenubien abu ushu bëchamauanquiec choquidën abitedi bëtimpanëdash. Adnubien abu ushu nënantanuëshquio Nuquin Papa onquiampanëdash: Nëid Umbi tantiaidquio yec Cun Madombo nec. Umbi chiacpadombuen nasho Umbi bëdambuen isaidquio neque. Aidën chuibansho bëdambuen tantiata, quec dacuëdampambuec onquepanëdash.

Mateo 17:5 Iomraidhean Croise

Mateo 12:18

Nëid Umbi Chomiaid umbi namiaidquio nec. Umbi tantiaidquio nec. Adquid icsho isash cuishonquebi. Cun Mayan aidbëd icmendambi. Adoac nidaid utsi utsiec yacno tabadquidtedi Nuquin Papan matses bëdambuen iste tantiamequin chuibanendac.

Mateo 17:6

Adsho tantiash cumapenec dacuëdtanec nidaidën isec uebudcuededpanëdash Petedo chedo.

Mateo 3:17

Adnubien abucuëshquio Nuquin Papa onquepanëdash: Nëid umbi tantiaidquio Cun Madombo nec. Umbi chiacpadombuen nasho isash bëdambo iquebi, quepanëdash Esus caic.

Madcos 1:11

Adnubien abucuësh nadec onquepanëdash: Mibiuidtsëqui cun Madombo icsho umbi bëdambuen isquin umbi tantiaidquio mibi nec, quepanëdash.

Madcos 9:7

Adec tabadshobien abu ushu choquin bëtimpanëdash. Aden bëtinacnouëshquiobi naden chiec onquiampanëdash: Nëid Umbi tantiaidquio yec cun Madombo neque. Aidën chuisho bëdambuen tantiata, quec onquepanëdash Nuquin Papa.

Ducas 3:22

oshpodcobimbuecquid budec Nuquin Papan Mayan Bëda Esusbëd icnuec budsho ispanëdash. Adnubien abucuësh nadec onquiampanëdash: Mibiuidtsëqui cun Madombo icsho umbi bëdambuen isquin tantiaidquio mibi nec, quepanëdash Esus caic.

Uanën dada uaid 3:16

Adashic Esus: Matses abitedimbo tantiaquidquio icquin Nuquin Papan aton Mado abentsëqui abided cuidmequin uënës uasho ubi tantiaquid cuidenquiocquin abi yacno ubëd ënëdenquiocnoc tabadmendac.

Uanën dada uaid 3:35

Ambi tantiaidquio icsho Nuquin Papan Aton Mado abentsëcquiobi abitedishun Icbombo icmiac.

Uanën dada uaid 5:37

Ubi chiecbidi ubi chomequidtsen Cun Pa abimbo chiec onquepondash. ¿Adembidi Cun Pa onqueshoda tantiadio? ¿Cun Pada istio? Padambo mibitedishun iquec.

Hechos 1:9

Aden ambi: Ubi chuibenneta, caido ënquin chuishobi Esus abuc indopanëdash. Aden indosho isec aido tabadnubi abu ushun Esus bëtinsho padpiden istiapimbo icpanëdash.

Hechos 7:37

Aidëmbi naden isadaidbo chuipampic: Iuecquio icshun ubipadquid min madon baban tsiuecquido caidaido abentsëc Nuquin Papan oncamiaidquio iquendac, quequin Moisesën chuipampic.

Epeso 1:6

Aden tantianquid icquin: Ma ubi ënenquio icquin: Bëdambocquid nec, canu, queshun Nuquin Papan aton Mado ambi tantiaidquio Esuquidistu nuquitedi tantiamiac. Adoac Esus tantiaquido yec nuqui abëd tabadtequido nec.

Codosas 1:13

Ënden Mayan Icsa Satanasën iuaquin namiaido yec inchëshquio yacno tabadacbimbuec tabadsho Nuquin Papan nuqui mënchicpondash. Aden mënchicshun ambi tantiaidquio aton Mado Esuquidistun namiaido nuqui icmiondash.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Esusën Uan ismiaid 1:7

Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.

Esusën Uan ismiaid 14:14

Adoshombic padpiden ismiac abu ushunquio matsesbimbuec isadquid tsadsho ispombi. Aidi Matsesën Tishaid Nuquin Papan Chomiaid yec chuiquid tapan mauetembo shocosh bëshpiu bëshpiucquid odo caid nacnenaid mauec tsadquimbi chështe uenquebudquid cuënumboshëcquid sanamposh.