Mateo 16:6 - El Nuevo Testamento en matsés

⁶ Adshobien Esusën abëd icquido chuiquin: Padiseobobëd saduseobo pan bidiscametebimbuecquido neque. Tantechoquiota, capondash.

Mateo 16:6 Iomraidhean Croise

Mateo 16:1

Adnubien padiseobobëtan saduseobon: Esus icsambuen namenuna, quiash Esus yacno choshon naden chuipondash: Nuquin Papan Chomiaid nebi, quequin Aidën namiac nadatiambo icquin nabanquin ubi isme, cabededpondash.

Mateo 16:11

¿Umbi pan bëambocbued chiecpenquio nec, quequinda mibitedishun tantienquio icpe? Pan bidiscametebimbuecquid padiseobobëtan saduseobon chiaid neque. Aidon chuisho tantienda, quepondash Esus.

Mateo 16:12

Aden chuisho tantiash ubitedi nadpondabi: Panquio chienquio icquimbi nuquin matses caic: Padiseobon tantiamequin chuibanaidbëta saduseobon chuibanaid tantienda, quepecshenda niosh, quecuededpondabi.

Mateo 16:5

Adanec nidquin cano antabëdtoshon Esusën abëd icquidobëtan chian poteuapondash. Aden chian potiashien abëd icquido: Pan bëtiadquidi bëshunquiash chochitobi, quecuededpondash.

Mateo 16:7

Adoaquien abëd icquido tantienquio yec nadec chuinampondash: Nuqui pan bëambo icbued chiequi nepanui, quecuededpondash.

Mateo 3:7

Adnubien padiseobobëd saduseobo Uanën acten mentosho isec chochopanëdash. Aido chochosho issun Uanën: Nisibimbuecquido yec mibitedi icsambocquido nec. Adquid icsho ¿tsuntsin: Nuquin Papan natiamequin cuidte anuenaneque. Tantiatan, quequin chiac chocho?

Madcos 8:15

Aden potequimbi Esusën naden chuipanëdash: Padiseobobëd icquidonabëd Edodes Antipasbëd icquidona pan bidiscametebimbuecquid iqueque. Tantechoquiota, quequin chuipanëdash Esusën.

Ducas 12:1

Aden padiseobon: Esus cuidnuen icsambuen chuimenuna, quequin tantianubien matses dadpenquioshë Esus yacno chochoash tsucus tsucustsëcquio yec tatincancuededtsëcquiec iccuededpanëdash. Adec matses tabadnubien abëd icquido Esusën nadopanëdash: Padiseobo bëdambuec tabadquid danmianquid yec pan bidiscametebimbuecquido neque. Aidon muaquin chuisho tantienda.

Ducas 12:15

Aden aid chuishumbic: Cuna dadpenquio bednu, quesa icta. Mimbi dadpen bedaidënquio mibi bëdambuec tabadtiapimbo iquendac.

Uanën dada uaid 4:33

Adsho tantiashini ubitedi petembo danec: ¿Utsibon pete meneuanacta nepec? quecuededpondabi.

Cadasia 5:9

Nadquio muaquin chuibanquido iquec. Pan bidiscamete aniactsëc cabiunac pan abichobi bidisquec. Adacbimbuec muaquid abentsëcshun chiac matses dadpenshun abimbo tantienquio yantsiashe. Muaquin chiaid tantienda.