Mateo 16:1 - El Nuevo Testamento en matsés

¹ Adnubien padiseobobëtan saduseobon: Esus icsambuen namenuna, quiash Esus yacno choshon naden chuipondash: Nuquin Papan Chomiaid nebi, quequin Aidën namiac nadatiambo icquin nabanquin ubi isme, cabededpondash.

Mateo 16:1 Iomraidhean Croise

Mateo 12:14

Aden bëdanmesho isashien padiseobo nëishquiopanëdash. Adec nëishanec nidanniash aton matses utsibobëd onquecuededec: ¿Mitsi padombuen Esus cuessunnemenuen bedmetiad? quecuededpanëdash.

Mateo 15:1

Adnubien Moisesën chiampid tantiamequidobëd padiseobo shubu dadpen icquid Edusaden yacnouësh chochoshon naden Esus chuimepondash:

Mateo 16:6

Adshobien Esusën abëd icquido chuiquin: Padiseobobëd saduseobo pan bidiscametebimbuecquido neque. Tantechoquiota, capondash.

Mateo 19:3

Adnubien Esus yacno choshon padiseobon Esus chieshënquin: Nuquin Papan Chiaid icsambuen chuimenu, queshun Esus naden chuituidpondash: Aton bënën aton chido icsambuen nabi icshobi ambembi chuiquin dada uashun cuenmiac ¿ada bëdambo icpatsiash? capondash.

Mateo 22:15

Adsho tantianec nidash padiseobo: Esus icsambuen chuimenuna. Icsambuen chuisho bedshun: Icsambocquid nec, cabedednuna, quepanëdash.

Mateo 22:18

Aden chuisho tantiashun chobuedën: Icsambuen chuimenu, quequin tantiaid tantiaquid icquin Esusën nadopondash: Bëdambo icquid danmianquido yec mibi muambo nec. ¿Atotsi queshun ubi icsambuen chuimetiadquio ique?

Mateo 22:23

Adnubien aid uëshëmbi saduseobo: Matses uënësaid uincuentiapimbocquid nec, quequidotsen Esus isec choshon naden chuituidpondash:

Mateo 23:2

Tantia. Moisesën chiampid tantiamequidobëtan padiseobon naid mibi chuibanec. Aidon: Moisesën chiampicpadombuen naden nata, quequin nuquin matses isadaidbo chuidennepec.

Mateo 27:62

Aden Esus cuessunnemiash abentsëc ushash chonoadtemaid uëshëmbi Esus chieshënquido Pidato chiec nidpanëdash. Padiseobobëd nidshun Nuquin Papa ismequin nëish iua cuessunneshun pichicaquidon chuiquidon naden Pidato chuituidpanëdash:

Mateo 5:20

Moisesën chiampid tantiamequidobëd padiseobo Nuquin Papan namiacno puduedtequidoen mimbi dampec. Aido abi bëdambocquid danmianashic ompodshon icsambuen naquido nec. Adash Nuquin Papan namiacno puduedtiapimbo iquendac. Adecbidi Nuquin Papan Chiaid niac niaquec tabadash Nuquin Papan namiacno mibitedi puduedtiapimbo iquendac, quequin Esusën chuibampanëdash.

Mateo 9:11

Adsho issumbien padiseobon Esusbëd icquido naden chuituidpondash: ¿Atotsi queshun piucquid bedshumënquidobëtan utsibon: Icsambo icquidombo nec, caidobëtan min chuiquidën pepec? capondash.

Madcos 10:2

Aden chuibannubi padiseobon chieshënquin: Nuquin Papan Chiaid icsambuen chuimenu, queshun Esus naden chuituidpanëdash: Aton bënën dada uaid menequin aton chido cuenmete tantiaquin ¿Mitsi paden mimbi chuipe? Tantianu. Ubi chui, capanëdash.

Madcos 12:15

Adoaquien: Ubi icsambuen chuimenuec adec onquec, quequin ambibi tantiash: ¿Atotsi queshun ubi aden icsambuen chuimetiadquio ique? quetanquin: Piucquid tsasicquid abentsëc bec cho. Isnu, quepanëdash Esus.

Madcos 12:18

Adnubien saduseobotsen Esus yacno chochopanëdash. Aido: Uënësaid uincuentiapimbo iquec, quequin tantiaquido yec chochoshon naden chuipanëdash:

Ducas 10:25

Adnubien Moisesën chiampid tantiamequid abentsëc Esusbëd onquenuec nidash: ¿Tantiaquidquiobida Esus neque? Tantiabono, queshun: Icbo, tantiamequidquio icquin en ubi chui. ¿Nuquin Papa yacno ënëdenquio yec tabadnuen atotsimbi nape? capanëdash.

Ducas 11:16

Adnubien iccuededquid utsibon: Icsambuen namenuna, quequin naden Esus chuipanëdash: Nuquin Papan Chomiaid icquin Aidën namiac nadatiambocquin nabanquin ubi isme, capanëdash.

Ducas 20:23

Aden chuisho tantiashun aidon: Icsambuen chuimenu, quequin tantiaid tantiaquid icquin Esusën nadopanëdash:

Ducas 20:27

Adnubien saduseobotsen Esus yacno chochopanëdash. Aido: Uënësaid uincuentiapimbocquid nec, quequin tantiaquido yec chochoshon naden chuipanëdash:

Uanën dada uaid 8:6

¿Atotsi Esusën chieque? Nuquin Papan chiampidquio chienquio icsho: Mimbi icsambuen chiec, catiad, queshun: ¿Adembidida mimbi tantie? capondash. Adoaquien Esusën ëcbedenquio icquin shuebudshun mëdante dëshbin nidaidën dada uapondash.

Hechos 4:1

Aden Uambëtan Petedon chuibannubien isadaidbon chuiquido nëidtedi chochopanëdash. Nuquin Papa ismequin nëish iua cuessunneshun pichicaquidon chuiquido yec Nuquin Papa tabadte shubu dapa yacnoshon isquid sondadon chuiquido yec saduseobo yec quec chochopanëdash.

Hechos 5:17

Adnubien isadaidbo nëish iua cuessunneshun pichicaquidon chuiquid tapambobëd saduseobobëd icquido otacquio tabadbuedi matses dadpen Esus chuibennequido yacno chochosho isash: Ubi yacno adec chochoenquio iccosh, quiash nëishcuededpanëdash.

Codinto 1 1:22

Adquidon aden tantianubi isadaidbon nadatiambocquin nabanshouidtsëqui iste bunquin tantiauidec. Quidieco matsesien: Dadpenquio tantiaquidon chuibansho tantianu, quequinuidtsëqui tantiaquido nec.