Mateo 15:3 - El Nuevo Testamento en matsés

³ Adsho tantiashun Esusën: ¿Atotsi queshun Nuquin Papan Chiaid niacniacquin min tsusedpabon chiampiduidi tantiaquin mibitedishun nabampe?

Mateo 15:3 Iomraidhean Croise

Mateo 15:2

¿Atotsi queshun mibëd icquidon nuquin tsusedpabon chiampicpadombuen nainquiocquimbi mëpamëdambobi pepec? capondash.

Mateo 15:4

Tantia. Mibitedi chuinu. Nuquin Papan naden chuipampic: Papabëta tita chieshënenquio icquin bëdambuen isquin tantiata. Adembidi: Aton papabëta aton tita chieshënquin icsambuen chuishunsho cuidquin uënës uaquid, quequin Nuquin Papan Chiampid iquec.

Madcos 7:13

Aden chuiquimbi: Titabëta papa tantiaquin nashunta, quequin Nuquin Papan Chiaidquio nainquiocquin: Tsusedpabon chiampicpadombuenuidi nata, quequin chuibanquid mibi nec. Adembidi Nuquin Papan Chiaid utsi utsien naisabo icquin min tsusedpabon chiampid chuibanquin tantiamequido mibitedi nec, capanëdash Esusën.

Codosas 2:23

Matsesën bëdambuen tantiacbimbuen chiaid aidtedi nec. Nëid umbi tantiaid neque. Aid bëdambuen ismenuen naden nanuna, quequin aid matsesën chiec. Adshumbic: Chuiquid icte bunenquio iquebi, quequin muaquin mibi namete bunec. Adembidi: Umbi tantiaidën ubi bëdambuen istsiash, quequin ambibi tantiacpaden nabanec aton dada daicsaic damëyadbudec. Aden aidon tantiaidtedi nashun abi bunaiduidi tantiaquin ambi natemaid isuidtiapimbo icquin naic tabadec.

Codosas 2:8

Naden muaquidon icsambuen tantiamenushe. Abimbo tantiaquiec tabadta. Ëndenquio ambibi tantiaquin matsesën chiaid ambembi chiec onquiampicpaden nëbi icquidën Esuquidistu chuibanenquio icquin chuisho tantiashun: Nuquin Papan Chiaidpenquio chiec nec, quequin tantiata. Adembidi Mayan Icsa Satanasën icsambuen namenuen tantiamiacpadombuen aidon muaquin chiaid tantienda.

Tito 1:14

Aden mimbi chiac Esuquidistu tantiaquid yanash isadaidbon Nuquin Papan Chiaid utsi uain ambembi chiaid chuisho tantiesa ma icnu. Adembidi Nuquin Papan Chiaid tantiate bunesan ambibi tantiaquin chiaid chuisho tantiesa ma icnu, queshun Esusquio chuita.