Mateo 13:57 - El Nuevo Testamento en matsés

⁵⁷ Esus chieshënquin aidën chuibansho tantiate bunenquio icpondash. Adsho tantiashumbien Esusën naden chuipondash: Utsibo yacno nidshun Nuquin Papan oncamiaidën chuibansho tantiaquid dadpen icnubi abi caninëdacnobidi chouashun chuibansho chieshënquid aton matses iquendac. Adecbidi aton shubun icquido iquendac, quequin chuidednec, quepondash Esus.

Mateo 13:57 Iomraidhean Croise

Mateo 11:6

Adshumbic: Nadentsen chuita. Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin chiec nid, cac nidannepondash Uambëd icquido.

Mateo 13:58

Aden abi tantiate bunenquio icsho issun nadatiambocquin bëdamequin daëdpactsëc ismepondash.

Madcos 6:1

Auëshquio puduanec nidequi abi caninëdacno shubu daëdpactsëcquid Nasaded yacno Esus abëd icquidobëd nidpanëdash.

Madcos 6:14

Adnubien utsibo: Chuibanquimbi Esusën nadatiambocquin nabanosh, quequin isbuedon chuisho chuiquid tapa Edodes Antipasën tantiapanëdash. Adembidi dadpenshun chuisho Esusën nabanaid tantiapanëdash. Aden tantiashun: Uan acten mentoandedned mapi butemiondaid uincuempash icnui. Adec uincuenshumbien nadatiambocquin nabanchitash, quecuededpanëdash tantiaquido.

Madcos 6:3

Adnubic utsibo: ¿Madian mado cute chëshshun nacnenquidpenquioda nedic? Ma aton utsibo nëidted nëmbobi icpayoc. Nëidic Santiaco. Utsibic Ose. Utsibic Udas. Utsibic Simon. Adecbidi aton chibi chedo nëmbobidi icquido neuaic, quequin Esus chieshënquin aidën chuibansho tantiate bunenquio iccuededpanëdash.

Madcos 6:4

Adoaqui Esus nadpanëdash: Naden nuquin matsesën chuidennec. Utsi yacno nidshun Nuquin Papan oncamiaidën chuibansho tantiaquid dadpen icnubi abi icnëdacnoshon chuibansho chieshënquid aton matses iquendac. Aton shubun icquido adecbidi iquendac, quepanëdash.

Ducas 4:24

Tantia. Abimbo chuinu. Nuquin Papan oncamiaidën abi caniacnoshon chuibansho aton matsesëmbi tantiashunenquio iquendac, quequin chuipampic, quepanëdash Esus.

Ducas 7:23

Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin Uan chiec nid, quepanëdash Esus Uambëd icquido chiec.

Uanën dada uaid 4:44

Umbi chiacpaden abi caninëdacnoshon Nuquin Papan oncamiaidën chuisho aton matsesëmbi tantienquio iquendac, quebuedi aton nidaidën nidpondash.

Uanën dada uaid 6:42

¿Adquidida nepec? Ma icsambuen chuipayoc. ¿Nuquin Papa yacnouësh choaidta nedic? ¿Nuqui isacmaidta nedic? Ma Esus cuëmëdquid neyoc. Ma Osen mado neyoc. Anitsen tantiembi. Matsesën Tishaid yec ¿Nuquin Papan Chomiaidta nedi?, quecuededpondash.

Uanën dada uaid 6:61

Adec onquesho ambibi tantiashien Esus: ¿Umbi chuibued tantiashta chieshtotiadquio ique?