Mateo 13:21 - El Nuevo Testamento en matsés

²¹ Adsho: Nuquin Papa tantiaquid nec, queshun utsibon chieshënac pete ëshë dëyuquec tapunuidtsashi uënësacbimbuen badedi chieshtoshon Nuquin Papan Chiaid tantienquio yanendac. Adembidi chieshtomiantequid utsi utsiec icnuc Nuquin Papa tantienquio yanuaindac.

Mateo 13:21 Iomraidhean Croise

Mateo 10:22

Esus tantiaquid nec, queshun matses dadpenshun mibitedi chieshënendac. Adoaqui chieshtoenquio icquin ubi tantiasho Nuquin Papan abi yacno mibi tabadmendac.

Mateo 11:6

Adshumbic: Nadentsen chuita. Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin chiec nid, cac nidannepondash Uambëd icquido.

Mateo 13:20

Pete ëshë utsi cuënote dadpen samëdacno paëdaidbimbuecquid nad iquec. Nuquin Papan Chiaid chuibansho tantiash: Bëdambo iquebi, quec cuishonquendac.

Mateo 13:57

Esus chieshënquin aidën chuibansho tantiate bunenquio icpondash. Adsho tantiashumbien Esusën naden chuipondash: Utsibo yacno nidshun Nuquin Papan oncamiaidën chuibansho tantiaquid dadpen icnubi abi caninëdacnobidi chouashun chuibansho chieshënquid aton matses iquendac. Adecbidi aton shubun icquido iquendac, quequin chuidednec, quepondash Esus.

Mateo 13:6

tapunenquio yec uëshë chënquequidën badedi shoedash uënësposh.

Mateo 24:13

Adquido icnubi chieshtoenquio icquin ubi tantiaquido icsho Nuquin Papa yacno tabadmendambi.

Mateo 26:31

Ambo nidash tabadquimbi Esusën naden ubitedi chuipondash: Nëid inchëshëmbi Nuquin Papan chiampicpadec ubi nianec mibitedi niquendac. Nuquin Papan Chiampid nad iquec: Icbo cuessunnesho istanec ambi iuaid obeca niquendac, quequin chuipampic.

Mateo 26:33

Adoaquien Petedon: Mibi cuesnuec chochosho isash utsibo dacuëdec niquenubi umbien mibi nianenquio ictsiandac, capondash.

Ducas 8:13

Pete ëshë utsi cuënote dadpen samëdacno paëdaidbimbuecquid nad iquec. Nuquin Papan Chiaid chuibansho tantiash: Tantiabenombi, quiash cuishonquendac. Adbuedi aton tapun nibëdquio yacbimbuec chieshtomiantequid utsi utsiec icnuc bëdambuen tantienquio icquin Nuquin Papa tantienquio yanendac.

Uanën dada uaid 6:26

Esusën: Tantia. Mibitedi chuinu. ¿Nuquin Papan Chomiaidquio nec, quequin Ubimbo tantiecta chochodio? Umbi pete uasho isash: Nuquin Papan Chomiaidënquio naoshe. Istannu ¿quecta ictio? Ma mimbi peteuidtsëqui tantiaquin ubi nibëmpayoc.

Doma 2:7

Abi tantiec bëdambuec tabadsho issun mabi Nuquin Papan: Mibi bëdambo iquec, canu, quiash abëd tabadte bunec ambi chiacpadec bëdambuec tabadquid uënësacsho Nuquin Papan ënëdenquiocnoc abëdi tabadmendac.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Cadasia 6:12

Muaquin chuiquido: Mibitedi Moisesën chiampicpadombuen namenu, quequin shui dëbid dëtemete bunquido nec. Mabi cun matses isadaidbon: Bëdambo iquec, canu, queshun mibitedi adometiadquio iquec. Esuquidistu cueste napotiaidën dectanaid chuibansho chieshënquin cuidnushe, quequin tantiaquido aido neque. Muaquin chuisho tantienda.

Cadasia 6:15

Shui dëbid dëtemiaidobëta shui dëbid dëtemiacmaido Nuquin Papan bëdambuen istiapimbo iquec. Abi tantiasho Esusën chuca uaidien Nuquin Papan bëdambuen isendac.

Epeso 3:17

Adembidi Esuquidistu tantiaquidombo icmequin ënëdenquio yec utsibobëd tantiananec tabadquid icmeta, Papa, quequin mibitedi tantiaquin Nuquin Papa chiannembi.

Pidipos 1:6

Nuquin Papan tantiamiac mimbi Esus tantiabenondac. Aden abi tantiasho mibitedi bëdambuec tabadmec. Adoac Esuquidistu nidaidën padpidec choacnobi cuësquec bëdambuec tabadquidquio yanendac.

Timoteo 2 1:15

Mibi tabadaid nidaid cuëshë Asia caid yacnocquido dadpen ubi nianec cuëshëdondaid mimbi tantiec, mado. Piquedobëd Edmoquenes adecbidi ubi nianec ubëd cuëshëdondash.

Timoteo 2 4:10

Utsibo nidannebon ubentsëqui tsadebi. Demas atona bedteuidi bunquin ubi nianec shubu dadpen icquid Tesadonica caid yacno nidosh. Quedesentebic nidaid cuëshë utsi Cadasia caid yacno nidosh. Titobic nidaid cuëshë utsi Dadmasia caid yacno nidosh. Aidtedi nidannebon

Santiaco 3:2

Nuquitedi icsa uatanquido nendac. ¿Tsutsi bëdambuecuidi onquequid icpatsiash? Utsi icsambuen chuishunesa icsambuen naisa ictsiash. Adquid abibi datantiadquin icsambuen chiec onquenquiocquid iquendac.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Esusën Uan ismiaid 2:13

Mibi yacno Mayan Icsa Satanasën iuabo dadpen icnubi ubi tantiec mibi chieshtoenquio iquec. Ënden Mayan Icsa Satanasën namiac mibi yacnoshon chieshëmënquidon ubi chuibanquid Antipas caid cuessunnepondash. Aidën chieshtoenquio icquin umbi naid chuibansho cuessunniambi adembidi chieshtoenquio icquin mimbi ubi tantiaquiopec. Aden mimbi bëdambuen naid tantiembi.