Mateo 12:3 - El Nuevo Testamento en matsés

³ Adoaquien Esusën: ¿Abëd icquidobëtan chuiquid tapa Dabidën natiambo bundoshon ambi petemaidi pepampic, quequin chuiquin dada uampid isbanquin tantiamboda icco?

Mateo 12:3 Iomraidhean Croise

Mateo 12:2

Aden pebededsho istuidshumbien padiseobon: Is. Mibëd icquido chonoadtemaid uëshëmbi chonoadeque, capondash Esus chuiquin.

Mateo 12:4

Aidën Nuquin Papa tabadte shubumpi yacno puduedshun ambi petemaid pan sanaid istuidpampic. Aid pan Nuquin Papa ismequin nëish iua cuessunneshun pichicaquidon peteuidtsëqui nepampic. Adquid icshobi aid pan bedshun abëd icquidobëtan Dabidën pepampic.

Mateo 12:5

Adecbidi chonoadtemaid uëshën chonoadenda, quequin chiaid niacquimbi Nuquin Papa ismequin nëish iua cuessunneshun pichicaquidon aid uëshëmbi Nuquin Papa tabadte shubu dapan puduedshun nacnenquin Nuquin Papan chiacpadombuen naiqui icsainquio icpampic.

Mateo 19:4

Adoaquien Esusën: ¿Nuquin Papan Chiaid isamboda ictio? Nuquin Papan tauaquin dada abentsëc uashumbic chido abentsëcbidi uapampic, quequin dada uampid ma mimbi ispaboc.

Mateo 21:16

Adshumbic: Icsambo iquec, queshun Esus chuituidec: ¿Ada bacuëbo cuëdënsho tantie? caquien: Ai, tantiembi. ¿Nuquin Papan Chiampid isamboda ictio? Adec bacuëbo cuëdënte naden chuipampic: Nuquin Papan oncamiac bacuë shuma chishquidon aton bacuë utsibobëtan: Nuquin Papa bëdambo iquec, cabededendac, quequin chuipampic, quepondash Esus.

Mateo 22:31

Adshumbic padpiden chuipondash: Ambi uënësaid uincuenmete chuiquin Nuquin Papan Moises dada uamiampid ¿isbanamboda ictio?

Madcos 12:10

Aden chuishumbic Esusën: ¿Nuquin Papan dada uamiampid isbanamboda ictio? Naden chiaid iqueque. Tantia. Buintad bëdambocquid istuidash: Nëidquio shubu uaquin nitsinnun tenu, quetiadquidi isuidposh. Aden buintad isuidaidi utsin teshun shubu uaquin aidba nitsinaid iquendac.

Madcos 12:26

Adembidi uënësash uincuente ma tantianu, queshun ¿Moisesën dada uampid isquin tantiamboda ictio? Aidën cutempi abibi nëdënquedosho istanec nidtuidnubien nadec Nuquin Papa onquiampampic: Min tsusedpa Abadauanën Papa caid yec Isaquën Papa caid yec Acobon Papa caid yec quequid nebi, quequin Nuquin Papan chuisho tantiapampic.

Ducas 10:26

Adoaquien Esusën: Nuquin Papan: Naden nata, quequin Moises chuiquin dada uamiampid ¿Mitsipaden chiaid icpec? ¿Aid isbanquin atotsi mimbi tantio? quequin chuipanëdash.

Ducas 6:3

Adoaquien Esus: Ëndenquimbo abëd icquidobëtan chuiquid tapa Dabidën natiambo bundoshon ambi petemaidi pepampic, ¿quequin chuiquin dada uampid isbanquin tantiamboda ictio?