Mateo 11:21 - El Nuevo Testamento en matsés

²¹ Shubu dadpen icquid Codasin yacnocquidobëta shubu dadpen icquid Betsaida yacnocquido icsho mibitedi Nuquin Papan cuidtequidombo nendac. Umbi nadatiambocquin nabanquin aido ismebocpadombuen ismiac shubu dadpen icquid Tido yacnocquidobëdi shubu dadpen icquid Sidon yacnocquido Nuquin Papa tantiaquid ictsempanëdash. Aden ismiaqui: Ai, icsambuec tabadquid nebi, queshun ismenuen dashcute icsatsëcquid dasiuidash isisapuc masequec shubibudequi icsainquio iquec ënëdtsempanëdash.

Mateo 11:21 Iomraidhean Croise

Mateo 11:22

Nuquin Papan abitedimbo cuidte uëshëmbi: Nadatiambo icquin nabanquin ismiacmaido nec, queshun Tido yacnocquidobëta Sidon yacnocquido bëdiactsëc cuidendac. Adoshombic: Nadatiambo icquin nabanquin ismiaqui mibitedi tantienquio icquido nec, queshun Codasin yacnocquidobëta Betsaida yacnocquido cumapenquien cuidendac.

Mateo 15:21

Adanec auëshquiobi puduanec nidec nidaid cuëshë utsi shubu dadpen icquid Tido caidbëd shubu dadpen icquid Sidon caid yacno Esus nidpondash.

Mateo 18:7

Aden ubi tantiactsëcquido utsibon icsambuen namiac icsamboshë iquendac. Ai, adquid iquendac. Adec icsambuen namianquid icsho Nuquin Papan cuidquiendac.

Mateo 26:24

Nuquin Papan ubi bedmete chuiquin dada uamiampicpadombuen Matsesën Tishaid icshobini bedmendac. Aden ubi chieshënquin bedmequid cumapenen cuidtequidquio nendac. Aidi aton titan tishenquio icpatecnëdan, quepondash.

Madcos 3:8

Adnubien Esusën nadatiambocquin nabansho isbuedon chiac nëidtedi yacnocquido Esus isnuec chochopanëdash. Nëidic nidaid Udea yacnocquido. Nëidic shubu dadpen icquid Edusaden yacnocquido. Nëidic nidaid utsi Idumea yacnocquido. Nëidic acte Odan uëshë choacno ëquëmatsiuc icquido. Nëidic shubu dadpen icquid Tido yacnocquido. Nëidic shubu dadpen icquid Sidon yacnocquido quec chochopanëdash.

Madcos 6:45

Adshumbic Esusën abëd icquido chuiquin: Mibia nidquin shubu dadpen icquid Betsaida yacno chian potec nidta, capanëdash. Adoac cano antabëdtoanec chian potec nidnubi tëshëdshun Esusën abi datsidadquidotsen: Nidannec nid, quequin nidmepanëdash.

Madcos 7:24

Aden chiashic auëshquiobi puduanec nidec nidaid cuëshë utsin shubu dadpen icquid Tido caid yacno nidpanëdash. Adash shubun puduedash: Nëmbo aid chosh, quequin chienda, quepanëdash Esus. Adoboqui ompodtiapimbo icnuc chuipanëdash.

Madcos 7:31

Adashic shubu dadpen icquid Tido caid yacnouësh padpidec puduanec nidequi shubu dadpen icquid Sidon caid datambidanec chian Cadidea caid yacno chouapanëdash Esus. Aid chian ëquëmatsiuc icquid nidaid cuëshë Decapodis caid yacno chopanëdash.

Madcos 8:22

Adashic shubu dadpen icquid Betsaida caid yacno Esus abëd icquidobëd chopanëdash. Adec choacsho issun ambocquidon bëshuaid bëpanëdash. Aden bëshun: Nëid bëshuaid neque. Mishquin bëdanme, capanëdash Esus chuiquin.

Ducas 4:26

Adec bunec tabadsho issun: Isadaidbo niante nashunec nidta, quenquio icquin Nuquin Papan: Isadaidpembo chido niante yacno nidta, cac Edias nidshun ambi chiacpadombuen nashumpampic. Aid chido shubu dadpen icquid Sadepeta caid yacno icpampic. Sadepeta shubu dadpen icquid Sidon anoentsëqui icpampic.

Ducas 6:17

Adashic macuësh yacnouësh abëd 12ted icquidobëd Esus nidaid pada padambo yacno budpanëdash. Adshun isaquien abi tsibanquidobëd utsibo dadpen tabadsho isash Esus nidtuidpanëdash. Aido nëidtedi yacnouësh chochoquido icpanëdash. Nëidic nidaid cuëshë Udea yacnocquido. Nëidic shubu dadpen icquid Edusaden yacnocquido. Nëidic acte dapa cuëman shubu dadpen icquid Tido caidbëd Sidon yacnocquido.

Ducas 9:10

Adashic Esusën: Ubi chuibenneta, caido ambi nidmebuedo padpidec Esus yacno chochouapanëdash. Adec chochoshon ambi nabanaidtedi chuibampanëdash. Aden chuibansho tantiashun abëd icquidouidtsëqui buanec Esus shubu daëdpactsëcquid Betsaida yacno nidpanëdash.

Uanën dada uaid 1:44

Aidi shubu dadpen icquid Betsaida yacnouësh caniquid nepondash. Adecbidi Andedes aton buchi Petedobëd auëshquiobidi caniquid neuapondash.

Uanën dada uaid 12:21

Adshumbien aidon Esus iste bunquin nidaid cuëshë Cadidea yacnocquid yec shubu daëdpactsëcquid Betsaida yacnouësh caniquid Esusbëd icquid Uedipe chuiquin: Esus iste bunebi, quequin chuituidpanëdash.

Hechos 12:20

Adec nidash ambo tabadnubi Sesadea caid anoentsëc shubu dadpen icquid Tido caid yacnocquidobëta shubu dadpen icquid utsi Sidon caid yacnocquido Edodesën nëishëmpanëdash. Adash chushcananquido icbuedi padenquio yanec tabadpanëdash. Adec tabadquin: Sesadea yacno Edodes choash tabadosh, quesho tantiash Edodes nashunquid Bedasto cuëmëdquidbëd onquenuec chochopanëdash. Ambo chochoshon: Umbi pete nibëdsho issun Edodesën namiaidon menioshi. Nëbi aid chushcainquio iquembi, quequin chochoquidon chuituidpanëdash. Aden chiac adombuembidi Bedaston Edodes chuiuapanëdash.

Hechos 27:3

Adec cano dapa antabëdtoanec nidquin badiadshun shubu dadpen icquid Sidon caid yacno istuidpondash. Ambo choshon: Mitsana nibëdeque. Mibëd tantiananquido yacno nidta. Aidon mibi nashunquin menetsiash, quequin Pabado bëdambuen tantiaquin sondadon chuiquid Udion chuipondash.

Udas 1:11

Aido cuidtequido icsho tantiac uënësquioshë iquec. Cain campidbimbuecquid aido nec. Nuquin Papan Chiaid niacniacquin abi bunaid naiqui icsaic. Aido piucquid dadpen bedteuidi bunquido yec Badan caidbimbuecquido nec. Adembidi Nuquin Papan Ambi Chiaid niacniacsho Code uënësmepampic.

Esusën Uan ismiaid 11:3

Adnubien Nuquin Papa: Matses daëd umbi chuibuedquio: Adquid iquendac, quequin oncamenuen chomendambi. Aido ambi icsambuen naid matses ënmenuec dashcute icsactsëcquidquio dasiuidendac. Adquid icnuc seta 3ted matanmetanec seta utsi choaid poctsembo cuëscaquin umbi oncamiacpadombuen chuibanendac, queposh.

Esusën Uan ismiaid 6:12

Adnubien Obecabimbuecquidën dada uaid bëbitaccaid utsitsen bedshun chicposh chicabi icquid abentsëc icnuc. Aid chicnubien nidaid abichobi cumapenec uëdëquec ishcudposh. Adnuc badiadën uëshë dashcute chëshën bëpucacbimbuec inchëshquioshë yamposh. Inchëshën uëshëbic intacbimbuec piumboshë isadposh.