Mateo 11:11 - El Nuevo Testamento en matsés

¹¹ Acten mentoanquid Uampadquid matsesën tishaid utsi nibëdec. Adquid icnuc chuiquidpenquio icbuedëmbi: Nuquin Papan namiacno tabadte iquec, quequin chuibansho tantiabenquid Uan uditsëc bëdambocquid iquendac.

Mateo 11:11 Iomraidhean Croise

Mateo 11:10

Acten mentoanquid Uanën abia choshon chuite chuiquin Nuquin Papan naden dada uamiampid iquec: Mibi chote chuiquidba chomendambi, Mado. Chuiquid Tapambo choeque. Podquied nacnenacbimbuen aidëmbi: Bëdambo icquid choeque. Icsambuen nabanenquio icquin ënta, quequin chiendac, Mado, quequin chuipampic.

Mateo 11:12

Acten mentoanquid Uanën tauaquin chuibansho cumapenen chieshënnëdacpadombuembidi umbi: Nuquin Papan namiacno tabadte iquec, quequin nëbi chuibansho: Ënmenu, caqui ënmetiapimbo iquendac.

Mateo 3:1

Adash iuecquio ictanniashien Uan Nuquin Papa tantiabenquido acten mentoquid yampanëdash. Nidaid Udea caid yacno shubu nibëdacno capucuennequin chuibennequid nepanëdash.

Mateo 3:11

Adshumbic padpiden chuiquin: Umbi icsambuen naid ënash Nuquin Papa tantiaquid nebi, quequid mibi utsi utsiec icsho acten mentobanquin chuibanquid nebi. Umbi chuibannubi cun tsiuec utsi choshon aidëntsen chuibanendac. Aidi ubi udictsëcquidquio yec nadatiambocquin nabanquid icsho ubi icsaquid icquin abi tapucudaid chicnuec dacuëdtsiabi. Aidi choshon: Ubi tantiaquid nec, queshun cute nëdënquequidbimbuecnuc ismequin aton Mayan Bëda menendac.

Mateo 5:19

Adquid icnuc Nuquin Papan: Naden nata, quequin chiaid abentsëc niacquin aden chiaidbidi utsi niacmequid Nuquin Papan ambi namiacnoshon: Bëdambo icquid nec, catiapimbo iquec. Utsibic Nuquin Papan chiacpadec tabadec: Nuquitsen bëdambuec tabadnuna, quequin utsibo chuiquid abi yacno ambi namiacno nidacsho Nuquin Papan: Bëdamboshë icquid nec, caindac.

Ducas 1:15

Min mado Nuquin Papan bëdambuen isaidquio iquendac. Acte paë uaid min madon aquenquio icquin isuidendac. Aid tishabicshobi Nuquin Papan aton Mayan Bëda meniaidquio min mado iquendac.

Ducas 7:28

Acten mentoanquid Uampadquid matsesën tishaid utsi nibëdec. Adquid icnuc chuiquidpenquio icbuedi: Nuquin Papan namiacno tabadte iquec, quequin chuibansho tantiabenquid Uan dëniaquec bëdamboshëcquid iquendac, quepanëdash Esus.

Ducas 9:48

Ubi tantiaquin nadquid bacuë nashunquin ubi iuedquin nashunacbimbuecquid nendac. Ubi iuedquin nashunquidën ubi chomiondaid Nuquin Papa nashunuacbimbuecquid neuaindac. Nidaidënuësh utsi nashunquidquio icbuedi aidquiobi abi yacnoshon Nuquin Papan: Chuiquid tapa icta, caindac, quepanëdash Esus abëd icquido chiec.

Uanën dada uaid 1:15

Aidi Uan acten mentoanquidën naden chuiuapondash: Umbi: Cun tsiuec choendac, quequin chiannebuedquio nec. Ubi udictsëcquid yec bëdamboshëcquidquio nec, umbi cabuedquio nec. Ubi tishabi icnubi aidi ëndenquimboshë icpampic, quepondash.

Uanën dada uaid 1:27

cun tsiuec choquid ubi udictsëcquid iquec. Aidëmbi umbia chuibambon nadatiambocquin nabanquin chuibanendac. Adquid icsho isash icsaquid yec dacuëdquin abi tapucudaid chictiapimbo iquebi, quepondash Uan acten mentoanquid.

Uanën dada uaid 10:41

Adshumbic matses dadpenquio chochosho issun Esusën nadatiambocquin nabanquin ismequin chuibampondash. Adsho tantiashun: Uan acte mentoanquidën nadatiambocquin nabanquin ismenquiocquimbi Esusën nabantetedi abimbo chuipadennec, cabededpondash.

Uanën dada uaid 3:30

Umbi Nuquin Papan chiacpadombuen tantiamequin ënquin chuiquin tantiamiac umbi acten mentoaido daëdpactsëc yanendac. Padnuen umbi chuibuedën tantiamiac abi tantiaquido dadpenquio yanendac, quepanëdash Uan abëd icquido chiec.

Uanën dada uaid 7:39

Nuquin Papabëta ubi tantiamequidquio Nuquin Papan Mayan nec, quequin tantiec adpondash. Adquid abi tantiaquidobëd tabadmete chiec uënësash uincuenanec Nuquin Papa yacno nidambo icquimbi aden Esusën chuipondash.

Codinto 1 15:9

Esusën: Ubi chuibenneta, caid utsibo chuiquidquio icnubi ubi adquidpenquio nebi. Adquid icsho Esusën: Ubi chuibenneta, caid nec, ubi cainquio ictiadquidi nec. Esus tantiaquido chieshënquin cuessunnepadennembi.

Codinto 1 6:4

Mibitedi badiadquidën badiadquidënquiec nëishnanash chushcanantequid icnuc ¿atotsi queshun mibëtan Esus tantiaquidbëd nëishash chushcananshun cuidte chuiquid Esus tantiesa yacno buanshun: Mimbi tantiacpaden ubi chui, mimbi cape?

Epeso 2:3

Ënden Esus tantiesa yec icsambuen naidbëta icsambuen tantiaidtedi tantiaquin nabanec nuquitedi tabadpondac. Adec tabadquin nuqui bunacpadombuen nabanquin Ambi Chiaid niacniacsho issun Nuquin Papan nëishënshun: Cumapenen cuidembi, caido nuquitedi icpondac.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Timoteo 2 1:10

Aden ambi bëdambuen iste tantiamiabi icshumbic nëbi Esuquidistu matsesmeshun matses tantiamiac. Adoac: Abi tantiaquid uënësacsho cuidmenquio icquin uënëstiapimbo icquid icmequin Nuquin Papa yacno abëdi Esuquidistun tabadmendac, quequin Esusën naid Nuquin Papan Chiaid Bëda nuqui tantiec.

Ebedeo 11:40

Aden Nuquin Papan aido tantiaquimbi ambi chiampicpadombuen meniambo icpampic. Aido ënden icquido uënësampidobëtabi nuquitedi bëdamboshëcquido icmequin icsambuen naisabo icmendac.

Petedo 1 1:10

Ëndenquimboshë Nuquin Papan tantiamiac: Naden naindambi, quequin chiaid ambi oncamiaidon Esusën matses cuidmenquio icquin Nuquin Papabëd tabadmete chuiquin dada uapampic. Abitedi tantienquio icquin daëdpactsëc tantiaquin Nuquin Papa tantiaquidquio icquin ¿Mitsipadquidquio matses cuidmenquiocquid chomepec? quequin tantiaquin chuidennepampic.