Mateo 10:4 - El Nuevo Testamento en matsés

⁴ Nëidic Simon utsi cananebo. Nëidic Udas Iscadiote Esus abi chieshënquido bedmetequid. Aidtedi abëd icquido icsho chuipondashi.

Mateo 10:4 Iomraidhean Croise

Mateo 26:14

Adnubien abëd icquid abentsëc Udas Iscadiote cuëmëdquid nëish iua cuessunneshun pichicaquidon chuiquido yacno isec nidpanëdash.

Mateo 26:15

Nidshumbic chuituidpanëdash: Utsibo ismenquio icquin mibiuidtsëqui Esus bedmenu. ¿Tedtsi piucquid ubi menetsia? caquien badedi bedtanquin shocosh ushu nacnenaid piucquid 30ted menepanëdash.

Mateo 26:2

Daëdec ushshun nuquin tsusedpabon: Ma cun mado uënësmenquio icnu, queshun obeca caniactsëc cuessunniampid tantiaquin penun obeca caniactsëc cuessunnec, quequin mibitedishun tantiec. Aid uëshëmbi Matsesën Tishaid icshobi cueste napotiaidën dectanmenun ubi bedendac, quepondash Esus.

Mateo 26:47

Aden chuinubien Esusbëd icbued Udasbëd matses dadpen chochopondash. Aido utsi utsiec chështe sanambededtsëquiec chonobi utsibo cueste sanambededtsëcquiec chochopondash. Nuquin Papa ismequin nëish iua cuessunneshun pichicaquidon chuiquidobëtan cun matses tsësiobon: Bedtan, cac chochopondash.

Mateo 27:3

Adnubien Udas Esus bedmebued: Cuessunnemechitembien iquec. Cuessunnemetiapimbo iquebique. Umbi shocosh ushu nacnenaid piucquid tsasicquid 30ted bedbued meneuatannu, quianec abi menebued nëish iua cuessunneshun pichicaquidon chuiquidobëta tsësiobo menec nidpanëdash.

Madcos 14:10

Adnubien Udas Iscadiote abëd icquid abentsëc: Esus bedmenu, quequin tantianec nëish iua cuessunneshun pichicaquidon chuiquido yacno isec nidpanëdash.

Madcos 14:43

Aden chuinubien Esusbëd 12ted icbued Udasbëd matses dadpen chochopanëdash. Aido utsi utsiec chështe sanambededtsëquiec chonobi utsibo cueste sanambededtsëcquiec chochopanëdash. Nëish iua pichicaquidon chuiquido yec Moisesën chiampid tantiamequido yec cun matsesën chuiquido tsësiobo yec quequidon: Bedtan, cac chochopanëdash.

Ducas 22:3

Adnubien Esusbëd icquid abentsëc Udas Iscadiote cuëmëdquid dapuduedshun Mayan Icsa Satanasën tantiamiac

Ducas 22:47

Aden Esusën chuinubien abëd icbuedi: Esus bedmenu, quequin matses dadpen bëec Udas bëyuc chopanëdash. Adec choquimbi abi tanchoccasho issumbien

Uanën dada uaid 13:2

Adnubien Simon Iscadioten mado Udas Mayan Icsan Satanasën tantiamiacpadombuen ambi Esus bedmete tantiec tsadpanëdash.

Uanën dada uaid 6:64

Adashic padpidec: Umbi aden bëdambuen chiaqui utsin utsinquien mimbi ubi tantienquio iquec, quepondash Esus. Aido tauambuec abëdi nidsho: Nëidën ubi tantienquio yanendac. Nëidën ubi chieshënquido ubi bedmendac, quequin ambibi tantiec adpondash Esus.

Uanën dada uaid 6:71

Simon Iscadioten mado ubëd icquid Udasën ubi chieshënquido ubi bedmendac, quequin ambibi tantiec adpondash Esus.

Hechos 1:13

Aido Edusaden yacno choash shubu abuc quënë icquidën abi tabadbocno dectatoash tabaduapanëdash. Aid quënë nuntan Esusën: Ubi chuibenneta, caido nëidtedi icpanëdash. Nëidic Petedo. Utsibic Uan. Utsibic Santiaco. Utsibic Andedes. Utsibic Uedipe. Utsibic Tomas. Utsibic Badtodome. Utsibic Mateo. Utsibic Adpeon mado Santiaco cuëmëdquid. Utsibic aton matses isadaidbo iuaquido chuiquid bunesa Simon cuëmëdquid. Utsibic Santiaco utsin mado Udas cuëmëdquid.

Hechos 1:25

Udas padon icsambuen nash chian annëdënquiacno nidbuedën nabanuidbued namenu, quequin mimbi bëdambuen isaid abentsëc ubi isme, Papa. Aden mimbi ismiac: Mibitsen Esus chuibennequid icta, caindambi, quequin Nuquin Papa chuibededpanëdash.