Mateo 10:2 - El Nuevo Testamento en matsés

² Nëidtedi ambi: Ubi chuibenneta, caido icpondash. Nëidic Simon cashumbic Petedo cuënaid. Nëidic aton utsi Andedes. Nëidic Sebedeon mado Santiacobëd Uan.

Mateo 10:2 Iomraidhean Croise

Mateo 17:1

Aden chiashic 5tedec ushanec nidquimbi Esusën abëd icquido nëidted buampondash. Petedo yec Santiaco yec aidën utsi Uan yec quenuc buanash macuësh tapa abucquiocquid yacno dectatoash mannanënquio tabadtuidpanëdash.

Mateo 20:20

Adnubien Sebedeon chido Uanën titan Esus chuituidpondash. Aton mado Uambëta Santiaco bëshun ismequin dannëshën sebudtanquin naden chuipondash: ¿Ada umbi chiacpaden ubi nashuntsia? Icbo, caquien:

Mateo 26:37

Adashic Petedobëta Sebedeon mado daëd Uambëta Santiaco buanec nidequi natiaquiec uënësquioshë yampanëdash.

Mateo 4:18

Aden chuibennec chian dapa Cadidea caid cuëman nidquin isaquien dadan aton utsibëtambi nëshaid tapa acte nënepec. Aidi Simon cashumbic Petedo caidbëd aton utsi Andedes nepanëdash. Aid daëdshun nuëcquid bedquidombo icquin aton nëshaid acte nënesho istuidpanëdash Esusën.

Mateo 4:21

Udictsëc nidquin isaquien dada daëd cano antabëdpec. Aidi Santiacobëd aton utsi Uan nepanëdash. Aton papa Sebedeo caidbëdi cano antabëdquin nuëcquid bednun aton nëshaid tapa nacnempanëdash. Adosho istuidshumbien Esusën: Nuquibi icnu. Cho, caquien

Madcos 1:29

Adashic Nuquin Papan Chiaid chuibante shubu yacnouësh puduenanec Simonën shubu yacno nidec Santiaco yec Uan yec quec aidobëd Esus nidpanëdash. Aidën shubun icquidbidi aton utsi Andedes icpanëdash.

Madcos 13:3

Aden chiashic auëshquio puduanec nidannec macuësh Odibos caid yacno nidshun Nuquin Papa tabadte shubu dapa isec tabadtuidpanëdash. Ambobi abëd icquid Petedo yec Santiaco yec Uan yec Andedes yec quequin aidtedshun utsibon tantienquiocnoc naden chuipanëdash:

Madcos 6:30

Adoambic Esusën: Ubi chuibenneta, caido ambi nidmebuedo padpidec Esus yacno chochouashun ambi nabanaidbëtabi ambi chuibanaid chuituidpanëdash.

Ducas 11:49

Adquid icnuc ëndenquimbo abitedimbo tantiaquidquio icquin Nuquin Papan naden chuipampic: Umbi oncamiaidobëta umbi: Chuibennetan, quequin nidmiaido icsho utsi utsien mëyanquimbi utsi utsien cuessunnendac, quequin chuipampic.

Ducas 22:14

Adashic aid inchëshbudtsëqui choash abëd icquidobëd pete tabëcte yacno tsadquimbi Esusën aido naden chuipanëdash:

Ducas 22:8

Aid uëshë chonoc Uambëta Petedo chuiquin: Obeca caniactsëc cuessunneshun pepampid tantiaquin penun nacnenec nid, capanëdash Esusën.

Ducas 5:10

Adecbidi Santiacobëd Uan tantiadempambo yec tabaduapanëdash. Aid daëdi Sebedeon mado yec Simombëd icquid nepanëdash. Adec Simon shuebudash onquesho tantiatanec Esus nadpanëdash: Dacuëdenda. Mimbi nuëcquid bedbocpadombuembidi nëbi bedanquin ubi tantiaquid icmenuen nidaid utsi utsiec yacno capuquin mimbi matses chuiben chuibenendac, quepanëdash Esus Simon Petedo caic.

Ducas 9:10

Adashic Esusën: Ubi chuibenneta, caido ambi nidmebuedo padpidec Esus yacno chochouapanëdash. Adec chochoshon ambi nabanaidtedi chuibampanëdash. Aden chuibansho tantiashun abëd icquidouidtsëqui buanec Esus shubu daëdpactsëcquid Betsaida yacno nidpanëdash.

Uanën dada uaid 12:22

Adoaquien Esusbëd icquid utsi Andedes chuibëtsenec aidbëd choshon Esus chuiquin Uedipen: Matses utsibo mibi iste bunec, capondash.

Uanën dada uaid 13:23

Adnubien abëd icquid abentsëc ambi tantiaidquio iquec Esusën dayuntsëqui uepondac.

Uanën dada uaid 20:2

Aden shëcniacsho istanec titinquianec choquin Simon Petedobëta ubi Esusën tantiabuedquio icsho chiec: Nuquin Icbo padon dada buanaccosh. ¿Mitsimbo dectannun buampash? quepondash Madia Macdadena.

Uanën dada uaid 21:2

Esus uincuenash isadbon cun nidaid Cadidea caid yacno nidannepondabi. Nidanniash nëidtedi tabadpondabi. Nëidic Simon Petedo. Nëidic Tomas anin abi uëshëmbi daëd tishaid. Nëidic shubu dadpen icquid Cana yacnocquid Natanaed. Nëidic Sebedeon mado ubëta tishaid cun utsi Santiaco. Nëidic ubi. Nëidic Esusbëd icbued utsi daëd. Aidted icpondabi.

Uanën dada uaid 21:20

Tsiuec choshobini Petedon bidiadquin ispondash. Esusën tantiaidquio ubi icsho abi bedmete inchëshën Esusën cachoctsëqui pec uequin: ¿Mibi bedmequid tsutsi cai, Icbo? quequin chuibuedquio niondabi.

Uanën dada uaid 21:24

Aden Esusën nabanondaid umbi isondaidbëta ambi chiondaidquio chuiquin: Abimbo iquec, quequin aidtedi dada uaombi.

Uanën dada uaid 6:67

Aden utsibon nianaquien Esusën abëd icquid 12ted icquido chuiquin: ¿Mimbitsenda adembidi ubi niane? caquien

Uanën dada uaid 6:70

Adoaquien Esus: Ai, mibitedi: Nuquibi icnu. Cho, cabampondambi. Umbi adondaid icnubi abentsëc Mayan Icsa Satanasën namiaidquio yec icsamboshëcquid iquec, quepondash.

Uanën dada uaid 6:71

Simon Iscadioten mado ubëd icquid Udasën ubi chieshënquido ubi bedmendac, quequin ambibi tantiec adpondash Esus.

Uanën dada uaid 6:8

Adnubien abëd icquid utsi Simon cashumbic Petedo caidën utsi Andedesën:

Hechos 1:13

Aido Edusaden yacno choash shubu abuc quënë icquidën abi tabadbocno dectatoash tabaduapanëdash. Aid quënë nuntan Esusën: Ubi chuibenneta, caido nëidtedi icpanëdash. Nëidic Petedo. Utsibic Uan. Utsibic Santiaco. Utsibic Andedes. Utsibic Uedipe. Utsibic Tomas. Utsibic Badtodome. Utsibic Mateo. Utsibic Adpeon mado Santiaco cuëmëdquid. Utsibic aton matses isadaidbo iuaquido chuiquid bunesa Simon cuëmëdquid. Utsibic Santiaco utsin mado Udas cuëmëdquid.

Hechos 1:26

Aden chuitanquimbic aid daëd abi cuëmëdquid abentse abentsen dada uatempin dada uashun tëchun sandoshon cadotanniac dada uaidëmpi abia puduenaid istanquin: Matias cuëmëdquid nec, quequin isbededtanquin: Esusën: Ubi chuibenneta, caido 11ted icbuedi nëbi Matiasbëd 12ted yanosh, quequin nuntan iccuededquidtedishun tantiabededpanëdash.

Hechos 12:2

Aden quënën tsadunmeshun Santiaco chështen seshunnemepanëdash. Aidi Esusbëd iccondaid Uanën utsimbo nepanëdash.

Hechos 3:1

Adnubien uëshë budec 3 yannuc aton matses isadaidbon nadedniacpadec Petedobëd Uan Nuquin Papa tabadte shubu dapa yacno Nuquin Papa chiec nidpanëdash.

Codinto 1 15:7

Adshumbic aton utsi Santiacotsen Esuquidistun ismeuapanëdash. Adshumbic ambi: Ubi chuibenneta, caidotedi ismeuapanëdash.

Epeso 4:11

Adoac aidënquiobi abi tantiaquido utsi utsien nadquidtedi icmebanec. Nëidic Esuquidistu chuibennequido. Utsibic: Nuquin Papan oncamiaido. Utsibic Chiaid Bëda Esusën naid chuibennequido. Utsibic Esus tantiec iccuededquido chuibanta, caido. Utsibic abëd iccuededquido tantiamequin chuibanquido.

Ebedeo 3:1

Cun utsibo, Nuquin Papan: Cun matses nec, queshun ambi tantiacpadombuen Esus tantiamiaido mibitedi nec. Adoaido icquin Esuquidistu tantiaquionona. Nuquin Papan: Ubi chuibenneta, caid Esus nec. Adecbidi matses Nuquin Papa bëdambuen ismenuen nëish iua cuessunneshun pichicaquidon chuiquid tapabimbuecquid Esus nec, queshun aidquio tantiaquionona.

Petedo 1 1:1

Petedo nebi. Esuquidistun: Ubi chuibenneta, caidquio nebi. Esus tantiaquido icquin mimbi iste dada uanu. Isadaidbo icsho nuquin nidaidënshun ënden cuenmenëdac maismaisnëdash nëidtedi nidaid cuëshë yacno mibitedi tabadec. Nëidic Ponto yacno. Utsibic Cadasia yacno. Utsibic Capadosia yacno. Utsibic Asia yacno. Utsibic Bitinia yacno quec tabadec. Aidtedi yacno tabadquidon iste nëid dada uaic nebi.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Uan 2 1:1

Esus tantiaquido chuibanquid Nuquin Papan icmiondaid nebi. Nuquin Papan mibitsen icmiac Esus tantiaquidobëta chuibanquid icsho mibitedi tantiaquiembi. Adembidi Nuquin Papan Chiaid abimbo iquec, quequin tantiaquidtedishun mibitedi tantiaquiec.

Uan 3 1:1

Ubia Esus tantiaquido chuibanquid nebi. Adquid icquin umbi tantiaidquio icsho Cayo cuëmëdquid chuiquin dada uaic nebi.

Esusën Uan ismiaid 1:1

Esuquidistubëd iccondaid Uan nebi. Nuquin Papan tantiamiac Esuquidistun: Nadquid iquendac, quequin abi ismebuedquio dada uaic nebi. Esus tantiaquidon ma tantianu, queshun Nuquin Papan chiac Esuquidistun: Ma ismenu, quequin abëd icquid ambi budmiaidën ismeposhi.

Esusën Uan ismiaid 1:9

Esusbëd iccondaidquio Uan nebi. Mibëtan Esus tantiaquid yec min utsi nebi. Esus tantiaquid icsho Nuquin Papan namiaido yec aidbëd tabadtequido nuqui nec. Esus tantiasho mibi natiamequin chieshënacpadembidi Esus tantiesabon chieshëmpondashi. Adoaqui Esusën namiacpadec chieshtoenquio icquin abi Esus chuibenniondambi. Adsho issun Esus chieshënquidon quënën tsadunacbimbuen cuenmenquio icnuen acte dapa mad caid nidaid nacnëdquid tapa Padmos caidën tsadunondac abi tsadec nebi.

Esusën Uan ismiaid 18:20

Mibi abuc tabadquidotedi: Shubu dadpen icquid cuidquin nëdëncaquin nibëdanmequiosh, quec cuishonqueta. Adecbidi Nuquin Papa tantiaquido yec cuishonqueta. Adecbidi Esusën: Ubi chuibenneta, caido yec cuishonqueta. Adecbidi Nuquin Papan oncamiaido yec cuishonqueta. Mibi chieshënquin natiamiacpadombuen mibi chieshënquido Nuquin Papan ambi chiacpadombuen naquin uesquin cuidquioshe, queposh abucuësh onquec.

Esusën Uan ismiaid 22:8

Uan nebi. Umbi isbuedbëta umbi tantiabued abimbo chuiquin nëid dada uaombi. Aden Nuquin Papabëd icquidën chuibanquin ënquimbi ismiaquini: Nuquin Papa padquidien nechitec, quetanec aid ismec dannëshën tinquebudpoc.