Mateo 10:16 - El Nuevo Testamento en matsés

¹⁶ Adshumbic padpiden chuiuaic: Nëbi mibitedi nidmembique. Umbi naid chuibenneta. Aden chuibennequido icsho utsin utsinquien mibitedi chieshënendac. Bëdi obeca iuaid pete bunacbimbuec chieshëmënquido dadpen iqueque. Aidobëd chieshënnanenda. Nisi isisquiec tsadacbimbuecquid icta. Adecbidi dëbimbimbuec bëdambocquid icta.

Mateo 10:16 Iomraidhean Croise

Mateo 24:25

Adquid yanabicnuc: Muaquido iquendac, quequin mibitedi chiec nebi, quepondash Esus.

Mateo 24:45

Adshumbic abi cainte Esusën naden chuiuapondash. ¿Icbon chiac Mitsi padquid iuan abipadquid utsibo bëdambuen namepec? Adquid chuinu. Tantia. Pete tambanquin musucshun umbi namiaid utsitedi bëdambuen menebanta, quequin ambi namiaid utsi abentsëc chianec icbo nidec.

Mateo 25:2

Aid chidobo 5ted tantienquio icquido icnubi 5tedbidi bëdambuen tantiaquido icposh.

Mateo 25:4

Padnuen bëdambuen tantiaquidon: Naimëdsho cushtono, queshun tabotebëta sedunten bëchi cushtoaid sananquin caimposh.

Mateo 25:9

bëchi bëbuedën: Padi. Mibi meniac cuna uesadtsiashe. Aid uesadan shubun puduedabi nuquitedi inchëshquiocnoc nidenquio ictsiaque. Piucquid menequin bëchi cushtoquid yano nidshun baded cushtometan, caposh.

Ducas 10:3

Aden mimbi chiacpaden nëbi mibitedi nidannemembique. Nidannetan. Adec nidshun mimbi chuibenniacnobi bëdi obeca pete bunacbimbuec mibi chieshënquido dadpen iquendac.

Ducas 21:15

Umbi tantiamiacpadombuen mimbi bëdambuen chuibanendac. Adoac: Icsambocquid mibi nec, quetiapimbo yec mibi chieshënquido tabadendac.

Hechos 20:29

Ubi nidan bëdi nëish iuaid ueste bunacbimbuen abimbo chiacbimbuen chuibanquin Esus tantiaquido icsambuen tantiamenuec utsibo choendac.

Codinto 1 14:20

Cun utsibo, mibitedi bacuëbon tantiacpaden tantiec tabadenda. Bacuëbo tantiabenabictsëcquidën icsambuen naid tantienquio yacbimbuec tabadta. Adec tabadquin caniaidën tantiacpaden bëdambuen naic tabadquin ismeta.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Codinto 2 11:14

¿Aidouidtsëquida muaquid nepec? Aido tantiamequid Mayan Icsa Satanas nec. Aidi Nuquin Papabëd icquidquio bëchamauanquiec isadacbimbuecquid nec.

Codinto 2 11:3

Umbi chuibanac Esuquidistu tantiabuedombi nisi bëdambo isadacbimbuecquidën muaquin chiac Eban Nuquin Papan Chiaid niacquin tantienquio icpampicpaden muaquin chuibanac mimbi Esuquidistu tantienquio yampanundac, quec natiec tsadebi.

Codinto 2 8:20

Aid ubëdi nidsho isash: Nuqui buanmiaid dadpen icsho ampetsiash, quec chushquetiapimbo utsibo iquec.

Pidipos 2:15

Esus tantiaquido icsambo iquec, utsibo quenushe. Adenda. Nuquin Papan: Cun mado nec, cun champi nec, caido yec bëdambuec tabadta. Matses dadpenquio abi icsate bunacpadequi icsamboshëcquido icnubi adequi bëdambuec tabadta. Adec tabadquin icsambo icquido mimbi Esus tantiametsiac paposhquiacbimbuecnuc. Aden nabanec mibitedi bëdambuec tabadendac.

Codosas 1:9

Aden Epapadasën chuiboc mibitedi tantiaquin ubitedishun ënenquio icquin naden Nuquin Papa chiannembi: Mimbi tantiacpadombuen min Mayanën bëdambuen tantiamiac: Nuquin Papan chiacpadombuen nate bunebi, quequin ma bëdambuen tantianu. Tantiamequiota, Papa, quequin chiannembi.

Codosas 4:5

Esus tantiesabon ubi tabadsho isec, quiash Esus tantiec bëdambuec tabadta. Adec tabadquin Esus tantiesatsen chieshtomenquio icquin tantiamenu, quequin Esuquidistun chiaidquio chuibanta.

Tesadonica 1 2:10

Esus tantiaquido icquin mibitedishun isnubi Nuquin Papan Chiaid niaquenquio yec bëdambuec tabadondabi. Utsibo: Pabado chedo icsambuec tabadquido nec, quetiapimbo icnuc bëdambuec tabadondabi. Adshobini mimbi ispondac. Adembidi Nuquin Papantsen ispanëdashi.

Tesadonica 1 5:22

Adembidi Nuquin Papan Chiaidpenquio chiec, queshun aidën chuisho tantienda. Aidën chiacpadombuen nainda.