Mateo 1:23 - El Nuevo Testamento en matsés

²³ Dadan inacmaidëmbi bacuë usundoshon dada bacuë tishendac. Aidi Emanued cuënendac. Nuquin Papapadquidquiobidi matsesbëd tabadnuec choaid nec, quequin Emanued cuënendac, quequin Esus tishte chuiquin Nuquin Papan dada uamepampic.

Mateo 1:23 Iomraidhean Croise

Mateo 1:24

Aden Nuquin Papabëd icquidën chiac isucunshun aidën chiacpadombuen Osen aton chido icmequin aton shubuno Madia buampanëdash.

Mateo 28:20

Mimbi mentoaido: Nuquin Icbon chiacpadec bëdambuec tabadnuna, quequin umbi chuibuedtedi tantiaquin chuibanta. Mimbi adosho isash nidaid abitedi nibëdanmiambo icnuc mibitedi nianenquio yec mibëd iquendabi, quepondash Esus.

Ducas 20:44

Cun mado cainquio icquimbi cun Icbo capampic Dabidën. Aden chiampid icnuc ¿atotsi queshun mimbi: Dabidën mado nec, quequin tantiape? quepanëdash Esus abi chieshënquido chiec.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Hechos 18:9

Adnubien inchësh utsin Pabado ushquin isacbimbuecnuc ismequin Nuquin Icbon: Dacuëdenquio icquin ënenquio icquin Ubided cuidadec uënësash uincuenaid chuibanta.

Doma 8:31

Aden tantiasho ¿atotsi nuquitedi cape? Nuquin Papa tantiasho utsibon chieshënquin: Icsa uanu, cashobi Nuquin Papan nuqui cudasquin icsa uamenquio iquendac, quequin nuqui tantiec.

Doma 9:5

Tsusedpabon tsiuecquido yec Nuquin Papan chiampicpadquiequi isadaidbon chidon tishac Esus matsesac caondash. Aidi Mesias Nuquin Papan Chomiaid abipadquidquiobidi yec abitedishun Icbombo matsesac caondash. Adquid icsho: Mibi bëdamboshë iquec, canuna ënenquio icquin. Amen.

Codinto 2 5:19

Naden chiec nebi. Matsesën icsambuen naid bedshunash abided cuidadec Esuquidistu uënëspanëdash, quequin tantiaquin: Ma aidquio utsibon tantiapanu, queshun ambi Nuquin Papa bëdambuen ismete chiaid chuibanquido nebi.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Timoteo 2 4:17

Nuquin Icbombini nianenquio icpondash. Isadaidpembo matses utsibo yacno nidshun ma Esus abided cuidadec uënës uaid tantiate chuibannu, quequin cuesambo icmepondashi. Adondaid icshobini chieshëmënquidon: Cuessunnenu, cauidpondash. Adshobini bëdi tëbuchoquid tapan bedacsho mënchicacbimbuen Nuquin Icbon nac aid matsesën cuessunnenquio icpondashi.

Timoteo 2 4:22

Nuquin Icbo Esuquidistu ma mibëd icpanuna, mado. Nuquin Papantsen mibëta Esus tantiaquido ma bëdambuen ispanuna, quequin mibitedi tantiaquin Nuquin Papa chiannembi. Amen. Aidted chuiquin dada uaombi.