Mateo 1:16 - El Nuevo Testamento en matsés

¹⁶ Acobon madobic Ose cuëmëdpanëdash. Aidquio Madian bënë nepanëdash. Madian Esus usundoshon tishpanëdash. Esus Nuquin Papan Chomiaid yec isadaidbon cainaidquio Quidistu caid yec Mesias quequin cuënaid nepanëdash.

Mateo 1:16 Iomraidhean Croise

Mateo 1:15

Ediudën madobic Edeasad cuëmëdquid. Edeasadën madobic Matan cuëmëdquid. Matanën madobic Acobo cuëmëdquid.

Mateo 16:16

Simon Petedon: Quidistu Mesias caid Nuquin Papa uënëstiapimbocquidën Chomiaidquio yec Aidën Madombo mibi nec, caombi, capondash.

Mateo 16:20

Adashic abëd icquido chuiuaic: Quidistu Mesias caid Nuquin Papan Chomiaidquio Esus nec, quequin utsibo tantiamequin chienda, quepondash Esus.

Mateo 2:13

Adec Esus isuambuedo uispa isquido nidambien Nuquin Papabëd icquidën Ose ushquin ismequin naden chuipanëdash: Isucunanec cuenta. Bacuëmpi aton titabëta buanec nidaid utsi Equipito yacno cuenta. Nuquin Papan: Cho, cabi choenda. Ambobi tabadta. Edodesën: Bacuëmpibo cuessun secatan, cac chochoeque. Cuenta, quequin Ose ushquin ismepanëdash Nuquin Papabëd icquidën.

Mateo 27:17

Adnubien Esus bëbuedo abi cuidte chuisho tantianuec chochoash dadpenquio tabadpanëdash. Adsho issumbien Pidaton: ¿Tsutsi abentsëquimbi puduenmepe? ¿Badabas cuënaidtambi puduenmepe? ¿Aid padenquio icquin nëbi mimbi bëbued Esuquidistu caidtambi puduenmepe? capanëdash.

Mateo 27:22

Adoaquien Pidaton: Ma Esuquidistu cuënaid ¿Mitsipadopembimbi aid ique? caquien: Uënës uame. Cueste napotiaidën dectanquin uënës uame, quecuededpanëdash.

Madcos 6:3

Adnubic utsibo: ¿Madian mado cute chëshshun nacnenquidpenquioda nedic? Ma aton utsibo nëidted nëmbobi icpayoc. Nëidic Santiaco. Utsibic Ose. Utsibic Udas. Utsibic Simon. Adecbidi aton chibi chedo nëmbobidi icquido neuaic, quequin Esus chieshënquin aidën chuibansho tantiate bunenquio iccuededpanëdash.

Ducas 1:27

Ambobi chido dadan bedabicquid Madia cuëmëdquid icpanëdash. Adquid icsho abi bednuequid tsusedpa Dabidën tsiuecquid Ose cuëmëdquid icpanëdash.

Ducas 2:48

Ambo tsadsho istuidashien: ¿Mitsipadquid cun mado nepec? quequin otacquio Madian tantiapanëdash. Aden tantiequi: ¿Atotsi quiash ubi daëdi tantienquio yec nëmbo choash tsadec ne, mado? Uënësquiocquin papabëtambi mibi nibëmbenniombi, capanëdash aton titan.

Ducas 2:7

Ambobidi matses dadpen chochoash ushte shubun puduedash tsucus tsucustsëcquio iquec tabadsho issun nëish iua tabadacno puduedshun Madian dada bacuë tishpanëdash. Tishshun dashcute cuësh cuëshshun dapucshun nëish iuan pete sandote nacnenaidën ambi bëyuc tishaid aton mado Madian nampanëdash.

Ducas 3:23

Adshumbic abi tishaid seta 30ted icquin Nuquin Papan chiacpaden naquin Esusën bedampanëdash. Aden tauaquin chuibansho tantiash aton matses: Nuquin Papan Mado nec, quenquio yec: Osen mado nec, quepanëdash. Esusën tsusedpabo nëidtedi icpanëdash. Osen papa Edi icpanëdash.

Ducas 4:22

Adoaquien: Bëdambuen tantiaquin chuibanquid nec. ¿Mitsipadombuen tantiaquin chuibanec nepeba? quecuededpanëdash. Adec onquec tantiadempambo yec tabadec: ¿Nëmbo tabadquid Osen madopenquioda Esus nedic? quecuededpanëdash.

Uanën dada uaid 4:25

Adsho tantiashun chidon: Nuquin Papan Chomiaid Mesias Quidistu caid choendac, quequin chuisho tantiondambi. Aid choshon nuqui tantienquio yaidtedi chuibanquin tantiametsiash, capanëdash.