Epeso 2:3 - El Nuevo Testamento en matsés

³ Ënden Esus tantiesa yec icsambuen naidbëta icsambuen tantiaidtedi tantiaquin nabanec nuquitedi tabadpondac. Adec tabadquin nuqui bunacpadombuen nabanquin Ambi Chiaid niacniacsho issun Nuquin Papan nëishënshun: Cumapenen cuidembi, caido nuquitedi icpondac.

Epeso 2:3 Iomraidhean Croise

Uanën dada uaid 1:13

¿Matsesën tantiacpadenuidi tantiaquidta adopanëdash? Adembidi: Nuquin Papan Mado nebi, quequin ¿ambembi chuiquidta Nuquin Papan cun mado capanëdash? Padenquio. Nuquin Papan tantiamiacpadombuen aton Madombo Esus tantiaquid icsho dada cun mado caquimbi chido cun champi capanëdash.

Uanën dada uaid 8:44

Min papabimbuecquid Mayan Icsa Satanas nec. Aid bunacpadenuidi nate bunquid yec aidën mado mibitedi nec. Ëndenquimboshë Nuquin Papan tauambuen matses uambi Mayan Icsa Satanas cuessunnianquidquio yampampic. Adquid iquec Nuquin Papan chiacpadombuen namenquio yec chieshëmënec cumapenec muaquidquio nec. Aton padibi icquid yec bëdambuen chuimenquio icquin matses muamequidquio nec.

Hechos 14:16

Ëndenquimbo Nuquin Papan: Aden nainda, cainquiocnoc matsesën ambibi tantiacpaden nabampampic.

Doma 1:24

Adsho isash Nuquin Papa: Ma ambi tantiacpadequi icsambuen nabanec tabadpanu, quiampampic. Adampid icnuc dacuëdtiadquidi abi bunacpaden dadan ambi chudtemaid chudquin icsambuen naic tabadec. Adembidi chidon ambi chudmetemaid chudmec.

Doma 11:30

Ënden mibitedishun matses utsibo icquin Nuquin Papan Chiaid niacniacquin tantienquio iccondac. Nëbien isadaidbon Ambi Chiaid niacniacsho issun Nuquin Papan uënësquio icquin mibitedi tantiec.

Doma 13:14

Adec tabadenquio icquin Nuquin Icbo Esuquidistu tantiaquiec aid tabadacpadquiec bëdambuec tabadnuna. Adquid icquin nuqui bunacpadombuenuidi icsambuen nainquio icnuna.

Doma 2:14

Nuquin Papan: Naden nata, quequin chiampid tantiamiacmaidon matses utsibon bëdambuec tabadte ¿ada tantienquio iccuededpec? Ma aidon bëdambuec tabadte abentse abentsen: Naden nac icsambo iquec. Naden nac bëdambo iquec, quequin ambembi tantieyoc. Aden tantiaquin Nuquin Papan chiacpadombuen abentse abentsen bëdambuen naic Nuquin Papan Chiampid tantiashumbimbuen.

Doma 5:10

Abi chieshënquido icsho issun nuqui cuidte bunenquio icquin Nuquin Papan aton Madoded cuidmepanëdash. Aden aton Madoded cuidmiash nëish bëdanshun abi tantiaquido bëdambo icmeshun abi yacno tabadmendac. Nëbi Nuquin Papan uincuenmenëdaid icquin Esusën nuquitedi cuidmenquio iquendac.

Doma 5:9

Nëbi abided cuidadaidquio Esuquidistu tantiasho Nuquin Papan nuquitedi ambi chiacpadombuen namequin icsaisabimbuecnuc isendac. Aden bëdambo icmeshun abi yacno tabadtequid icmeshun Nuquin Papan abitedi cuidte uëshën nuquitedi cuidtiapimbo iquendac.

Doma 6:12

Adquid icnuc icsambuen tantiaquin nabanec tabadenda. Min dada uënëstequid neque. Min dadan bunacpadombuen nabanec tabadenda.

Doma 7:18

Ubi uidëmpentsëcquio icquid icquin icsambuen naidbëta icsambuen tantiaidtedi nabanaid icnuc bëdambuen naid cuna nibëdec. Adecbidi bëdambuen nabannu, quebuedi bëdambuen natiapimbo iquebi.

Doma 9:22

Adombuembidi Nuquin Papan ambi tantiacpadombuen cuidendac. Nadatiambocquid icquin icsambuen naquido cuidquid nebique. Ismenu, quebuedi ambi cuidtequidobi baded cuidenquio iquec. Adoshombic ambi tantiacpadëmbi aido adec icsambuec tabadsho issun cuidquin chian annëdënquiacno nësecaindac.

Codinto 1 4:7

¿Tsuntsin: Utsibo padenquio icquin: Mibitedi bëdambocquid nec, capash? Nuquin Papambien mibi adoambo iquec. Adoambo yac ¿atotsi quiash: Ubitedi bëdambocquido nebi, mibi quepe? Ubibi adquidquio yanobi, quiacbimbuen mimbi chuipec.

Codinto 2 7:1

Tantia, cun utsibo. Umbi tantiaido icsho mibi chuinu. Nuquin Papan: Naden naindambi, quequin chuiquin dada uamiampid isash nadnuna. Nuqui icsambuen naidbëtabi nuqui icsambuen tantiaid ënnuna. Icsamane, queshun Nuquin Papa dacuëdampambocquid icsho aid tantiaquin aidën chiacpadombuen nabanec bëdambuec tabadtembo tantianuna.

Cadasia 3:22

Adquid icnuc Nuquin Papan chuiquin dada uamiampid niac niacquido yec mëtaniacbimbuec matses abitedimbo icsambuec tabadquido nec. Adquid icbuedëmbi ambi Abadauan chiampicpadombuen naquin Esuquidistu uidtsëqui tantiasho Nuquin Papan bëdambuen isendac.

Epeso 2:2

Adquid icquin Nuquin Papa tantiesabon nacpadombuen mimbi icsambuen nabampondac. Adombuembidi podobitsi icsabon chuiquid tapa Mayan Icsa Satanas bunacpadombuen nabampondac. Aidëmbi Nuquin Papan Chiaid niacmequin icsambuen nate matses bunmec.

Epeso 4:22

Aden chuibanac Esus tantiabenash ënden mibi tabadnëdacpadec tabadenda. Icsambuen naquid iquequi: Bëdambocquid nebi, quec mibibi mua uadnëdacpadec tabadenda.

Codosas 1:21

Ënden Nuquin Papan: Cun matses nec, cacmaido mibitedi icpondac. Adembidi icsambuen tantiaquin nabanquido yec Nuquin Papa chieshënquido mibitedi icpondac.

Tesadonica 1 4:13

Tantia, cun utsibo. Mibëd icquido Esus tantiaquido uënësacsho isash: Padpiden isenquio iquembi, quequin Esus tantiesabon tantiacpaden tantiec uënësquio icnuc baded ënëdenquio yec shubinushe, queshun mibi abimbo chuinu.

Tesadonica 1 5:6

Ushquin tantienquio yacbimbuen utsibon Nuquin Icbo Esus tantiatiapimbo iquec. Adec tabadenquio icnuna. Esus tantienquio yanmane, queshun nuqui icsate bunaid nainquio icnuna. Nuquin Icbo Esus chosho iste bunquin cainec bëdambuec tabadnuna.

Timoteo 1 6:9

Padnuen piucquid dadpen bedshun dayun uate bunquin badedi chieshtoquin Esus tantienquio yantsiash. Adshun Mayan Icsa Satanasën tantiamiacpaden abi bunaiduidquio bednuen mëmunenquio icquin icsambuen nabantsiash. Aden Nuquin Papan Chiaid niacniacquin icsambuen naic quenenash adenuidi naic uënësash mëyadtequid yacno nidendac.

Tito 3:3

Ënden Esus tantiesa yec nadquio nuquitedi icpondac. Nuquin Papan chiacpadombuen naisa yec nuqui bunacpaden naic tabadec bënnudacbimbuec nuqui icpondac. Adecbidi nuqui bunacpaden nabanquin ëntiapimbocquin nuqui icsambuen nadednepondac. Icsambuec tabadquido yec utsin bëdambuen isquin namesho isash nuqui nëishpondac. Adecbidi utsibobëd nëishnanash nuqui chieshënnampondac.

Petedo 1 1:14

Ënden Nuquin Papa tantiabenabi yec mibi bunacpaden naic mibitedi icsanëdacpadec icsainda. Nuquin Papan: Cun mado nec. Cun champi nec, caido icquin Aidën chiacpadombuen naic tabadta.

Petedo 2 2:14

Muaquido iquec utsin chido isash cumapenec chudte bumpec. Nuquin Papan Chiaid niacniacquin abi icsaid ënenquio iquec. Adquid icquin Esus tantiactsëcquido utsi tantiamequin icsamepec. Abi bunacpadombuen muaquin piucquid dadpen bedte bunquido yec icsamboshëcquido nec.

Petedo 2 2:18

Adec muaquido bëdambuec onquiacbimbuec ambembi chiec onquec. Utsin chiaid tantienquio icquin ambi tantiaiduidi naden chiec: Mibi bunacpaden mimbitsen: Nata, cac Esus tantiactsëcquin Nuquin Papan Chiaid naquin ambi icsambuen naid ënuidbuedi padpidembuec icsaindac. Aton chidopenquio isec chudte bunquin ambi icsambuen naid ënte bunenquio iquec. Chido dada utsi chudmete bunquid chudmequin icsambuen namec. Adquidotedi Nuquin Papan cuidtequidombo nec.

Uan 1 2:16

Nuquin Papa tantiesabo icquin Aidën chiacpadombuen naisa nec. Adquid icquin abi bunacpadombuenuidi icsambuen nate bunquido nec. Utsina isash aid bedte cumapenec bunquido nec. Aden ambi bedaid caic: Umbi dadpen bedbued cuna dadpen icnuc bëdambo iquebi, quequido nec.

Uan 1 2:8

Padnuen mimbi ënden tauaquin tantiondaid icnubi chiaid chuca Esuquidistun chuibampondash. Ubëd tabadquin utsi bëdambuen isquin tantiaquioquin Aidën ismepondashi. Adecbidi aid tantiaquido yec utsibotsen tantiaquidquio mibitedi nendac. Aden nabanquin icsambuen nainquio mibitedishun yanendac. Inchëshquio yanaid uëshëmbo yantebimbuec mibi iquendac.