Ebedeo 9:1 - El Nuevo Testamento en matsés

¹ Nuquin Papan ambi: Ubi min matses bëdambuen ismenuen naden nata, quequin chiaid dada uameshun isadaidbo menepampic. Nuquin Papan: Ubi tabadte shubu uashun aid shubu nuntan ubi tantiaquin naden nacnenta, cacpadombuen abi nidaidën tabadte shubu uashumpampic.

Ebedeo 9:1 Iomraidhean Croise

Ducas 1:6

Aidi aton bënëbëdi Nuquin Papan Chiaid tantiaquin nabanquidquio icpanëdash. Adquid icsho Nuquin Papan bëdambuen isaidquio aid daëd icpanëdash.

Doma 9:4

Cun tsusedpa Acobo Nuquin Papan Isadaid cuënaidën tsiuecquidotedi isadaidbo tantiaquin Nuquin Papan nadopampic: Cun matses mibi icsho isash mibëd tabadebique. Mibi ismenu, quequin cun matses tabadacno abu ushu bëchamauanquiecquid chomequin ismepampic. Adashic nadpampic: Umbi chiacpadec bëdambuec tabadsho mibi bëdambuen isquin bëdambo icmendambi, queshun ambi: Naden nata, quequin chiaid Moises dada uamepampic. Adoac abi tantianuen tabadte shubumpi uashunac Nuquin Papan abi bëdambuen tantiec tabadte isadaidbo chuipampic. Adshumbic: Bëdambuen isendambi, quequin Nuquin Papan cun tsusedpabo chuipampic.

Codosas 2:8

Naden muaquidon icsambuen tantiamenushe. Abimbo tantiaquiec tabadta. Ëndenquio ambibi tantiaquin matsesën chiaid ambembi chiec onquiampicpaden nëbi icquidën Esuquidistu chuibanenquio icquin chuisho tantiashun: Nuquin Papan Chiaidpenquio chiec nec, quequin tantiata. Adembidi Mayan Icsa Satanasën icsambuen namenuen tantiamiacpadombuen aidon muaquin chiaid tantienda.

Ebedeo 8:13

Nuquin Papan: Umbi ënden: Naden nata, quequin chiaid shëni nec, queshun ambi: Naden naindambi, quequin chiaid chuca icnuc ënden chiaid nëbi nibëdquio yanendac, quequin chuipampic.

Ebedeo 8:2

Adec tsadquin Nuquin Papan uaid abi tabadte shubu matsesën shubu uacmaidënquio puduedshun Nuquin Papa Esuquidistun matses bëdambuen ismequin chiannendac.

Ebedeo 8:7

Ëndenquimbo Nuquin Papan: Naden nata, quequin chiampid aton matses Moises chuimiampicpadombuen nabanec matses icsambuen naisa yannuc: Mimbi naden nasho bëdambuen isembi, quequin chiaid chuca Nuquin Papan chienquio ictsempanëdash.

Ebedeo 9:24

Nidaidënshun Nuquin Papa abuc tabadtebimbuecnuc matsesën nacnenaidën tabadte shubun Esuquidistu aton intac buanec puduedenquio icpanëdash. Aton Papa abuc tabadacnombo puduedshun abi tantiaquido icsho nuqui tantiaquin: Papa, ubi tantiaquid neque. Bëdambuen ista, quequin Nuquin Papa abi chiannec.