Ebedeo 7:1 - El Nuevo Testamento en matsés

¹ Medquisedec shubu dadpen icquid Saden yacnocquidon chuiquid tapa nepampic. Aidi Nuquin Papa abitedishun Icbombo icsho matses bëdambuen ismenuen nëish iua cuessunneshun pichicadednequid nepampic. Adquid icnubi Abadauanën aton utsin mado Dod cuëmëdquid matses utsibon bedshun buansho tsibananshun chuiquid tapabobëta aton sondado cuessun secatanquin aidon bedaid aton utsin mado bedpampic. Adtanec chosho bëquedshun Medquisedequën: Ma Nuquin Papan mibi bëdambuen ispanu, quequin Abadauan chuipampic.

Ebedeo 7:1 Iomraidhean Croise

Madcos 5:7

Adsho issun aid dapuduedaid chuiquin Esusën: Dapuduen, caqui podobitsi icsa cumapenec cuëdec: ¿Atotsi ubi canuec ne? Mimbi namiaidpenquio nebi. Esus, nadatiambocquid Nuquin Papan Madombo icquin ubi cumapenquien mëyanenda, quepanëdash podobitsi icsa dapuduedaid Esus chiec.

Hechos 16:17

Aden bëquedtuidac Pabadobëta ubitedi tsibambëec choec chido nua cuëdec: Nëid dadatedi Nuquin Papa abitedishun Icbon namiaidombo nec. Aido: Nuquin Papa yacno puduedmianquid iquec, quequin chuibanquido nec, quec

Ebedeo 6:20

Adec Esuquidistu ënden Nuquin Papa yacno bëyucanec nidshun abi tantiaquido abi yacno tabadmenuen Nuquin Papa ënenquio icquin bëdambuen ismequid yec nëish iua cuessunneshun pichicaquidon chuiquid tapabimbuecquid yampanëdash. Adquid yec Medquisedecpadquid nibëdantiapimbocquid nepanëdash.

Ebedeo 7:2

Adsho tantiash: Nuquin Papan cun utsi padon mado bedmiaid nebi, quequin tantiaquin ambi cuessun secatambuedëna ambi bedbued 10ted 10tedquien tambanquin diestedi icquid abentsëc Abadauanën Medquisedec menepampic. Aidi Nuquin Papan: Umbi chiacpadombuen bëdambuen naquid bëdambuen isquin icsambuen naquido cuidquid nec, caid icquin nabansho Medquisedec cuëmpampic. Adembidi Saden yacnocquidon chuiquid tapa icquin bëdambuec tabadmequid nec, quequin Medquisedec cuënuapampic.

Ebedeo 7:3

Aidi matsesën: Aton papa icpanëdash. Aton tita icpanëdash. Aton tsusedpabo icpampic, quequin tantienquio icpampic. Abi tishaid tantienquio icquin abi uënësaid tantienquio icpampic. Aidi Nuquin Papan Madobimbuecquid Medquisedec nepampic. Adquid yec Nuquin Papa matses bëdambuen ismenuen nëish iua cuessunneshun pichicaquidon chuiquid tapa ënëdenquioctequid nepampic.

Ebedeo 7:6

Medquisedequën Debin tsiuecquidpenquio icnubien Debin tsusedpa icquin Abadauanën atona 10ted 10tedquien tambanquin abentse abentsen bedbanquin sanshun meniaid bedshunquin: Ma Nuquin Papan mibi bëdambuen ispanuna, quequin Abadauan chuipampic. Nuquin Papan: Mibi bëdambuen isquin nashunendambi, quequin chiaid Abadauan nepampic.