Ebedeo 4:1 - El Nuevo Testamento en matsés

¹ Adec nuquin tsusedpabo Nuquin Papa tantienquio yec tabadash aidën chiacno tabadambo icpampic. Nëbi Nuquin Papan chiampicpadombuen chiembique. Chuinu. Tantia. Ubi yacno puduedash natienquio yec ubëd tabadtequid mibitedi iquendac, quequin chiampid icnuc aid yacno aidbëd tabadtiapimbo icchitomane, queshun Esuquidistu tantiaquionona.

Ebedeo 4:1 Iomraidhean Croise

Mateo 24:48

Adquid icnubi adombuen naisa icbo utsin namiaid icpec. Aton icbo baded choenquio icsho issun

Hechos 3:19

Nëbi mimbi icsambuen naid ënshun Nuquin Papa tantiata. Ma mimbi icsambuen naidtedi tantienquio yec bëshumpanu.

Doma 11:20

Abimbo mimbi caic. ¿Atotsi queshun Nuquin Papan isadaidbo bëdambuen istiapimbo icpec? Ambi Chomiaid Esus tantienquio icsho Nuquin Papan aido bëdambuen istiapimbo iquec. Padnuen Esus tantiasho mibitedi bëdambuen isec. Adoac: Ubi bëdambo icnubi isadaidbo icsambo iquec, quenda. Adenquio yec: Nuquin Papan cuidnushe, queshun Esus tantiec bëdambuec tabadta.

Doma 3:23

Matses abitedi icsambuen naquido yec Nuquin Papa bëdamboshëcquidbëd ictiapimbo yec uannombo iquec.

Codinto 1 10:12

Aden icsambuen nainquio ictsiambi, quequin tantiaquidi abia icsatsiash, quiash chieshtoenquio icquin Esus tantiec bëdambuec tabadta.

Codinto 2 6:1

Nëbi ubitedi Nuquin Papan: Umbi Chiaid chuibenneta, caido nebi. Adquid icquin: Nuquin Papa matses bëdambuen ismenuen Esusded cuidpanëdash, quequin Nuquin Papan Chiaid umbi chiac pamumëdacbimbuec tantiate bunenquio yec tabadenda.

Cadasia 5:4

Mibitedi Nuquin Papan: Naden nata, quequin Moises chiampid tantiaquin nasho Nuquin Papan ubitedi bëdambuen isec, quebuedi Esuquidistubëd cuëshëdsho Nuquin Papan mibi bëdambuen istiapimbo iquendac.

Timoteo 2 2:13

Matses icquin Nuquin Papan chiacpadombuen natiapimbo nuqui icnubi Esusien aidën chiacpadombuen naquidquio nec. Adquid icquin ambibi chiaid niaquesambo nec, quequin chuipampic.

Ebedeo 12:15

Nuquin Papan bëdambuen isaid icquimbi chieshtoshon icsambuen nasho issun: Mibi icsambuec tabadeque. Adec tabadquin ismequin cute podo icsa chodcashun acmiacbimbuen mimbi utsibo icsambuen nametsiaque. Padi. Aden naic tabadenda, quequin chuiban.

Ebedeo 12:25

Aden umbi chuisho tantiashun naden tantiata. Nuquin Papan chiacpadombuen nainquio icmane, queshun aidën chuisho tantiata. Ënden Nuquin Papan: Umbi chuisho tantiata, cac matsesën abi chieshënquin ambi chiacpadombuen nainquiocsho cuentiapimbocnoc Nuquin Papan cuidpampic. Adembidi nëbi abi yacno abucshun chuimesho tantiashumbi ambi chiacpadombuen nainquiocsho Nuquin Papan cumapenen cuiduaindac.

Ebedeo 13:7

Adembidi Nuquin Papan Chiaid mibi tantiamenu, quequin mibi chuibanquidon chiaid bëshunenda. Aido Esus tantiaquiec bëdambuec tabadpanëdash. Aidon tantianëdacpadombuen tantiec bëdambuec tabaduata.

Ebedeo 3:11

Adquid icsho issun chushcain: Umbi chiondaid nidaid bëdambocquidën mibi tabadmenquio iquendambi. Ambo tabadec mibi matses utsibëd cuesnanenquio yec mibi bëdambuec tabadtsenoc, quequin Nuquin Papan nuquin tsusedpabo chiampid nec.

Ebedeo 4:11

Nuquin Papabëd tabadtequid nebi, quequin tantiaquin Esuquidistu tantiaquionona. Nuquin Papan Chiaid tantiesa yanash tsusedpabo Nuquin Papan chiacno tabadambo yampicpadecbidi tabadtiapimbo icmane, queshun aid tantiaquionona.

Ebedeo 4:9

Aden chiampid tantiashun abitedi uash 7 icquidën tsadtoampidtsen tantiaquin: Nuquin Papa tantiaquido natienquio yec tabadte iquec, quequin nuquitedi cainendac.