Ebedeo 2:9 - El Nuevo Testamento en matsés

⁹ Naden tantianuna. Nuquin Papabëd icquido cumapenen tantiaquin nabanquido icnuc Esusien Nuquin Papan matsesmeshun iuec iuecpactsen daëdpactsëc nabanquid icmiaqui Nuquin Papa matses bëdambuen ismenuen abitedi cuidmenquiocnuec abided cuidadec uënëspanëdash. Aden Nuquin Papan matses tantiaquidquio icquin cuidmepanëdash. Adec mëyadec abided cuidadaid icsho issun Nuquin Papan: Mibi bëdamboshë iquec. Nëbi mibi abitedishun Icbombo icmendambi, caindac.

Ebedeo 2:9 Iomraidhean Croise

Mateo 16:28

Aden chiashic Esus: Abimbo chuinu. Tantiata. Nëmbo tabadquid ubi tantiaquid utsi utsiec uënësabi yec nidaidën abi tabadquin Matsesën Tishaid yec abitedishun Icbombo icmiacsho isendac, quepondash Esus.

Mateo 6:28

¿Atotsibi dasiuidpeba? quec mibitedi natiec tabadeque. Tantia. Chuinu. Cute bacuëec tuashquiaid bëdamboshë isadec, quepec matses. Adec bëdamboshë isadquid ¿ambibi bidicashun daëdcaidta dasiuidpec? Adecbidi ¿Abibi dasiuidtsashta bëdamboshë isadpadic? Padenquio. Nuquin Papan uacpadequi nec.

Madcos 9:1

Aden chiashic Esus: Nëmbo tabadquid ubi tantiaquid utsi utsiec uënësabi yec nidaidën abi tabadsho Nuquin Papa nadatiambocquidën ambi namiaid choquin ismendac, quepanëdash.

Ducas 9:27

Aden chiashic Esus: Tantia. Abimbo chuinu. Nëmbo tabadquid ubi tantiaquid utsi utsiec uënësabi yec nidaidën abi tabadsho Nuquin Papan ambi namiaid ismendac, quepanëdash Esus.

Uanën dada uaid 1:29

Badiadshun padpiden Uanën matses acten mentobanuapondash. Aden mentobannubien Esus chopondash. Chosho isashien Uan mentoquid nadpondash: Is. Nuquin Papan Chomiaid yec obecabimbuecquid choeque. Aidi matsesën icsambuen naid bedshunec abided cuidadec uënësendac.

Uanën dada uaid 10:17

Cun Pan tantiacpadquiequi ubided cuidadec uënësash uincuenuaindabi. Aden ambi chiacpadombuen umbi nasho Cun Pan ubi tantiaquiec.

Uanën dada uaid 12:32

Umbien abuc dectanaid icquin matses dadpen ubi tantiaquido icmendac, quepondash Esus.

Uanën dada uaid 3:16

Adashic Esus: Matses abitedimbo tantiaquidquio icquin Nuquin Papan aton Mado abentsëqui abided cuidmequin uënës uasho ubi tantiaquid cuidenquiocquin abi yacno ubëd ënëdenquiocnoc tabadmendac.

Uanën dada uaid 8:51

Tantia. Mibi abimbo chuinu. Umbi chiacpadombuen naic tabadquid uënësenquio yec Nuquin Papabëd tabadendac, quepondash Esus.

Uanën dada uaid 8:52

Adsho tantiashun isadaidbon chuiquidon naden chuiuapondash: Nëbi Mayan Icsa Satanasën iua dapuduedash mibi nec, quequin abimbobi tantiaquiembi. Umbi chiacpadombuen naquid uënësenquio ictsiash, quequimbien mimbi chuipec. Adquid icnubi Nuquin tsusedpa Abadauan yec Nuquin Papan oncamiaido yec quequidtedi uënësbudnepampic.

Hechos 2:33

Aidi uincuenash nidacsho Nuquin Papan aton dayun abiucquio tsadtomepanëdash. Ambo nidacsho Nuquin Papan Aton Mayan Bëda menepanëdash. Adoac ambi chiannebocpadombuen Esusën aton Mayan Bëda ubitedi menebanac onquete utsin utsinquiec onquesho nëbi mibitedishun tantiec.

Hechos 3:13

Aidi Abadauan yec Isac yec Acobo yec nuquin tsusedpabo yec quequidon Papa campidën naid nec. Aidëmbi ambi nidaidën chomiaid icsho Esus nëbi abitedishun Icbombo icmiac Nuquin Papan dayun tabaduaic. Aidi Aton Papa yacno nidabicsho bedmeshun Pidato meniaquien: Nëid dada icsambuen naisa neque. Nidmenu, quequin tantiaquin Pidaton chiaqui: Icsambocquid neque. Uënës uamequimbien ictiad, quequin mibitedishun chuipondac.

Doma 5:18

Aden Adanën icsambuen nasho cuidampid icnuc aton tsiuecquido abitedimbo cuidquin Nuquin Papan uënëstequidouidquio icmepampic. Padnuen Nuquin Papan chiacpadec Esuquidistu abided cuidadaidën abi tantiaquid icsaisabimbuecnuc Nuquin Papa bëdambuen ismequin abi yacno ënëdenquio icnuc tabadmendac.

Doma 5:8

Padnuen matses abitedimbo icsambuenuidi naic tabadnuc nuquitedi cuidmenquio icnuec Esuquidistu abided cuidadec uënëspanëdash. Nuquin Papan nuquitedi tantiaquiec, matses camenuen aden Esus namepanëdash.

Doma 8:3

Moises dada uamiampidën chiacpadec matses bëdambuec tabadtiapimbo yec uidëmpentsëcquio icsho issun Nuquin Papan aton Mado matses uidëmpentsëcquiocquid yacbimbuecquid chomepanëdash. Adshumbic Nuquin Papan icsambuen naquido cuidenquio icnuen aton Madoded cuidmequin uënës uamepanëdash.

Doma 8:32

Nuquin Papan nuqui tantiaquin aton Madombo cudasenquio icquin nuqui cuidmenquio icnuen aton Madoded cuidmequin uënës uamepanëdash. Adshumbic aid tantiasho nuqui bëdambuen isquin uënësacsho Aton Madobëd tabadmequin abitedi menendac.

Codinto 2 5:15

Adec matses abitedi cuidmenquio icnuec Esuquidistu uënëspanëdash. Adashic uincuempanëdash, queshun aid tantiaquin uënësacbimbuen nuqui icsambuen nabambued ënshun nuqui tantiacpadombuen nainquiocquin Esusën chiacpadombuen nanuna.

Codinto 2 5:21

Ambi cuidtiadquidi nuqui icnubi Esuquidistu icsambuen naisa icshobi Nuquin Papan abided cuidmepanëdash: Cun Mado tantiaquidotedi icsambuen naisabimbuecnuc bëdambuen isembi, queshun.

Cadasia 4:4

Adnubien ambi ëndenquimboshë tantiampicpadembi Nuquin Papan Aton Mado chomepanëdash. Aidi isadaidbo chidon tishaid icquin Nuquin Papan: Naden nata, quequin Moises chuiquin dada uamiampicpadombuen naquidquio nepanëdash.

Timoteo 1 2:6

Aidi abi tantiaquid cuidmenquio icnuec abided cuidadec uënëspanëdash. Aden Nuquin Papan ambi tantiacpadënquio Esus chomepanëdash. Matses abitedi cuidenquio icquin bëdambuen iste bunquin Abëd tabadmequid Nuquin Papa nec, matses camenuen Esus uënësmepanëdash.

Ebedeo 1:9

Ubipadquid iquec bëdambuec tabadte bunquidquio mibi nec. Adquid yec icsambuec tabadte bunesambobidi mibi nec, Mado. Adquid yec ubi yacpadquidquio Icbo Abentsëcquiobi mibi nec. Mibëd icquido adquid nibëdec. Mibi abentsëqui adquidquio iquec. Mibëd icquido bëdiactsëc cuishonquenubi umbien mibi cumapenen cuishoncamendac.

Ebedeo 10:5

Padnuen Esuquidistu nidaidënshun tishac caniash Nuquin Papa chiec: Mibi bëdambuen ismenuen matsesën nëish iua cuessunneshun pichicatebëta ambi menete utsi iste bunenquio mibi iquec, Papa. Adec bunenquio icquin mimbi tantiacpadombuen matsesën tishaid nebi, Papa.

Ebedeo 11:5

Adembidi abi tantiaquidquio icsho Enoc uënësambobi Nuquin Papan buampampic. Aden buanacsho nibënquin Enoc istuidambo icpampic. Nuquin Papan Ambi Chiaid dada uamiampid nad iquec: Enoc Abi tantiaquidquio icsho bëdambuen isquin buampampic.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Ebedeo 2:7

Mibëd icquido cumapenen tantiaquin nabanquidquio icnuc matses daëdpactsëc tantiaquin nabanquid mimbi icmiac. Aden iuecpactsëcshun mimbi namiac matsesën namendac. Aden namequid yec bëdamboshë icquid icsho: Mibi bëdambuen isembi, mimbi caindac, Papa.

Ebedeo 7:25

Adec uënësesambo yec Nuquin Papa yacno ënëdenquio yec tabadquin abi tantiaquido Nuquin Papa yacnobidi tabadmendac. Adquid icquin: Ubi tantiaquido bëdambuen ista, quequin aton Papa chiannequid nec.

Ebedeo 8:3

Matses icshobi nëish iua cuessunneshun pichicaquidon chuiquid tapa icta, caid icquin: Cun matsesbëtambi icsambuen naquid nebi, queshun nëish iua cuessunneshun pichicadennepampic. Adembidi Nuquin Papa tantiaquin: Menenu, quequin aton matsesën bëbëaid bedshun Nuquin Papa menedednepampic. Adembidi Esuquidistun nuqui bëdambuen ismequid tapa icquin Nuquin Papa menetequid icpec.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Uan 1 2:2

Matsesën icsambuen naid tantienquio yec bëshunquin ma Nuquin Papan cuidenquio icnu, quiash matses abitedishun icsambuen naid bedshunec abided cuidadec Esuquidistu uënëspondash.

Esusën Uan ismiaid 19:12

Matsesën ompodëntiapimbo icquidquio nec, camenuec cute nëdënquequidbimbuec isquid isquidquio aton ëshë icposh. Abitedishun chuiquid tapambo nebi, quec mauete dadpen maueposh. Adquid icnubi cuëmëdquid abentsëc dada uaid tantiadenquiocquid icposh. Utsibon tantiatiapimbo icnuc ambentsëqui tantiate neposh.

Esusën Uan ismiaid 5:9

Adashic nadec cuëdënte chucan cuëdëncuededposh: Mimbiuidtsëqui Nuquin Papan sananaid dada uaid bedshun bitaccaid chicquin isbanquin Nuquin Papan chiacpadombuen namendac. Nuquin Papan chiacpadec matses cuidmenquio icnuec mibided cuidadec intac chididiquenuc uënës uaondaid mibi nec. Nëbi icsambo icbuedombi abi icsaid bedshunquid tantiasho Nuquin Papan bëdambuen isendac nëidtedi: Nëidic matses utsibo dadpenquio. Nëidic onquete utsin utsinquiec onquequido. Nëidic shubu daëdpactsëcquido utsi utsiec yacnocquido. Nëidic nidaid utsi utsiec yacno tabadquido. Aidtedishun abi tantiasho Nuquin Papan bëdambuen isendac.